YOSUA 22:30 - KITAB NU TUMPU ALLA LELE MA'IMAI'

³⁰ Iwi-iwi' na anu pinoto'imo nasa-nasa nu aha tulunan nu bansa Ruben, Gad tiba tulunan nu bansa Manasye i sasu kabete'an aijo' i hongomo i Imam Pinehas tiba aha sampulu' na to tu'a-tu'anyo nu mian Israel anu i sasu kinsoban Kaunyo nu Yordan. Sahingga nanasamo hi aha apaa na anu pinoto'imo aijo'.

YOSUA 22:30 ပူးပေါင်းရင်းမြစ်များ

KAJADIAN 28:8

Sahingga nangalati'mo na i Esau taalu' i Ishak tuumanyo madi' mongka'ima'i boune nu Kana'an,

ESTER 1:21

Apaa na anu pinoitamo i Memukam aijo' sinitujuanmo i tomundo tiba to mia-mian anu toto tangka-tangkas na pangkatnyo, sahingga sampamo binau i tomundo' na kaputusan aijo'.

AMSAL 15:1

Tiba pontaami anu madi' kopesa-pesa tambuha' timbali mohuhus; panyo de pontaami anu talalo mapohos mombau da ola mompaka motambuha'.

SISIKON NU TO RASUL-RASUL 11:18

Lapas nohongo aijo', aha madi'mo daagi' nonggagakon. Lantas aha nompuji'mo Tumpu. Aha notatae, “Desumo atina', to mia-mian misa' Yahudi suele obee'i tempo' nu Tumpu da balatobat bolimo mombau to dosa-dosa'nyo ka' mongoa'i kantumuu'an ma'ima'!”

YOSUA 22:29

Boli obata-batai kami madi' mongka'oho' panggaga hi Tumpu kabai madi'mo palesaya hi Ia, kalana nompaka baumo mezbah sangga'at ponsombahkonan koloban anu opotunu kabai koloban gandum, kabai apa-apaa na anu osombahkon, padahan kita daagi'mo ko mezbah nu Tumpu Allah i ahop nu Kemah anu Bau Katokaan nu Tumpu.”

YOSUA 22:31

Lantas notataemo na i Pinehas, anak i Imam Eleazar, hi mian haha aijo' tulunan nu bansa Ruben, Gad tiba Manasye anu i sasu Kabete'an, “Uuka aiya sinumbu'mo mami na Tumpu, saja' mombalakati kita, kalana belemiu saja' mohongo-hongo Ia: Belemiu nomposalamatmo mian nu Israel da boli nuhukum nu Tumpu.”

YOSUA 22:33

Sahingga aha mian nu Israel nanasamo i han anu jinadimo aijo', lantas aha lewa'mo nompuji' Tumpu Allah. Aha madi'mo lewa' nonsisik kahanda' nu aha da mompahampateakonmo mian nu aha Ruben tiba Gad ka' mohopu'imo lipu' nu aha.

TO MIA-MIAN KOPIAN 8:3

Belemiumo na nohumpak kuasa hi Tumpu Allah sahingga noko alamo nompatei i Oreb tiba i Zeep, ua'aha na polaya' nu Midian aijo'! De opokakanakon tiba aijo' apaa na anu pinoko alamo binaungku?” Noko taloakon na i Gideon sumo aijo' aha madi'mo notambuha'.

1 SAMUEL 29:6

Lantas i lagamo i Akhis na i Daud ka' pinoto'inyomo hi ia, “Ko Tumpu anu tumuu' ku palesaya na beleyum memang montuluti aku. Sanang na aku de beleyum monsangalui aku mamba mahampate. Kalana salatanmo pe'e beleyum tinoka hi belengku sangkut uuka aiya, madai' kokasala'an nu beleyum. Panyo tomundo' haha aijo' sangga'at madi' mongka'ima'i beleyum.