YOSUA 22:29 - KITAB NU TUMPU ALLA LELE MA'IMAI'

²⁹ Boli obata-batai kami madi' mongka'oho' panggaga hi Tumpu kabai madi'mo palesaya hi Ia, kalana nompaka baumo mezbah sangga'at ponsombahkonan koloban anu opotunu kabai koloban gandum, kabai apa-apaa na anu osombahkon, padahan kita daagi'mo ko mezbah nu Tumpu Allah i ahop nu Kemah anu Bau Katokaan nu Tumpu.”

YOSUA 22:29 ပူးပေါင်းရင်းမြစ်များ

KAJADIAN 44:17

Notatae na i Yusuf, “Madi'! Aku madi' ko kahanda' mombau sumo itina'! Ola ahi ia anu pinohumpakan mangko' aijo' na timbali posaihonku. Sangga'at bebasmo timbalimo minsusule' hi tuuma nu belemiu.”

KAJADIAN 44:7

Tinaaman nu aha hi ia, “Mosia na pongka'oho' i Tuan? Kami basumpa' saba' kami madi' nombau anu sumo aijo'!

1 TOMU-TOMUNDO' 21:3

Tinaaman i Nabot “Ale' nu anggur aiya pusaka' nu nompolee'ku. Iuno nu sanggo nu Tumpu, madi' timbali ku bee' hi belento Tuan?”

2 TOMU-TOMUNDO' 18:22

Suludadu nu Asyur anu matangkas na pangkatnyo aijo' notatae mule', “Kabai ugaat koonyo nu belemiu, belemiu montaha'imani Tumpu, Tumpu Allah nu belemiu? Tempo'nyo i Hizkia nompalentahkon da mian nu Yehuda ka' Yerusalem ola samata-mata monsombah i ahop nu mezbah kiijo' i Yerusalem, te misa anu ingideannyomo aijo'mo mezbah ka' tampat anu lewa' ponsomban Tumpu.

2 TAWARIKH 32:12

Iamo na nongidei tampat-tampat ponsomban ka' to mezbah-mezbah ponsomban Tumpu, lantas nonsai mian nu Yehuda ka' Yerusalem monsombah ka' mompapui kamangian ola i sa'angu' na mezbah.

ROMA 3:6

Totu-totu'u madi'! Kalana de Tumpu madi' adin, mosia na Ia timbali momputusi dunia aiya?

ROMA 6:2

Tantu madi'! Dosa' madi'mo mongkuasai kita, jadi, te toho' kita saja'mo tumuu' mombau dosa'?

ROMA 9:14

Apaa na anu kahanda' otaloakonto tempo' uuka aiya? Tumpu Allah aijo' madi' adin? Memang totu'u Tumpu aijo' adin!

PO'ULE' INGULIT 12:11

Lapas aijo' Tumpu Allah nu belemiu mompile'imo sa'angu' na tampat da tionyo ahi' ponsomban Ia. Ikiijo' na tionyo ahi' kalambanan nu belemiu momboa iwi-iwi' apaa na anu pinalentahkonmo, aijo'mo koloban anu opotunu ka' to kolo-koloban sangga'at, palasombahan sambagian anu o ala i anu sampulu' na bagian ka' palasombahan bau samata-mata bagi nu Tumpu anu jinanji'mo miu.

YOSUA 22:23

Tumpumo na mohukum kami, de kami ko kahanda' madi'mo mohongo-hongo Tumpu ka' mosi potinjomo mezbah na kami bau ponsombahkonan koloban anu opotunu kabai koloban gandum, kabai koloban bau pompodame.

YOSUA 22:26

Jadi kami nompotinjomo mezbah, misa' da bau ponsombahkonan koloban anu opotunu kabai apaa na anu osombahkon mami,

YOSUA 22:28

Jadi anu okahanda'i mami aijo'mo: de lee' miu motatae sumo aijo' saba' lee' mami timbali motatae, 'Toa na mezbah aijo'! Mompolee' mami nompotinjomo sa'angu' na mezbah nu Tumpu, misa' da bau ponsombahkonan koloban anu opotunu kabai koloban anu osombahkon, panyo da bau tanda hi kita sambiha' ka' sambiha'.'

YOSUA 22:30

Iwi-iwi' na anu pinoto'imo nasa-nasa nu aha tulunan nu bansa Ruben, Gad tiba tulunan nu bansa Manasye i sasu kabete'an aijo' i hongomo i Imam Pinehas tiba aha sampulu' na to tu'a-tu'anyo nu mian Israel anu i sasu kinsoban Kaunyo nu Yordan. Sahingga nanasamo hi aha apaa na anu pinoto'imo aijo'.

YOSUA 24:16

Sahingga aha mian nu Israel haha aijo' nontaamimo, “Kami madi' hondo-hondo mompala'i Tumpu lantas mompalesayamo ka' mohongo-hongomo to pilo-pilogot sangga'at!

1 SAMUEL 12:23

Mongkona butongku ku amalakon da aku boli sampe baladosa' hi Tumpu kalana madi' mondo'akon belemiu, panyo ola ahi' aku suele saja' sabole-bole mombee'i pokinde' hahan anu ma'ima' ka' anu totu'u.