YOSUA 22:22 - KITAB NU TUMPU ALLA LELE MA'IMAI'

²² “Anu Daka' na kuasanyo aijo'mo Tumpu! Nu sumbu' kadaka' kami nombaumo sumo aiya, da belemiu suele monsumbu' apaa na anu okahanda'i mami! De kami mombau anu sumo aijo' ko kahanda' madi'mo mohongo-hongo Tumpu, kabai kalana kami madi'mo palesaya hi Ia, bakasmo da kami silakamo uuka aiya!

YOSUA 22:22 ပူးပေါင်းရင်းမြစ်များ

1 TOMU-TOMUNDO' 8:39

de timbali da Belento kiita' mae i suluga' i uno nu kajojoongan nu Belento mompotombihingakon mae ka' mongampuniakon mae ka' montulungi aha. Ola Belento na monsumbu' kinyonyoa nu mian. Kalana aijo' o hukum na toto samian apaa na anu binaunyomo,

AYUB 10:7

Sabenannyo nusumbu' nu Belento na aku aiya madi' ahi kosala'nyo memang totu-totu'u ahi' madi' sala'. Nusumbu' nu Belento saba' mau pe'e samian madi' moko ala momposalamat aku anu atina' i kakuasa'an nu lima nu Belento.

AYUB 23:10

Panyo Nusumbu' na kalakuanku ka' mule' apaa na anu ku bau. De lapangnyo susumo mosoni' aku o'uji', tantu osumbu'mo na kinyonyoangku, totu-totu'u molino.

AYUB 31:22

bakasmo da mopato'mo na botokonku ohu-ohua' sahingga tongga'atmo aiya i bikoangku.

MAZMUR 136:2

Pontalima kaseh hi Tumpu Anu Matangkas na Kuasanyo; kalibosan-Nyo sampe toka sidu-sidutu'.

MAZMUR 37:6

Ia na momponyata hannyo beleyum tulu-tulutan susumo jingka ka' kahodi'an nu kinyonyoa nu beleyum susumo sinaa.

MAZMUR 40:9

Sanang na aku mombau pongka'oho' nu Belento, o Tumpu, atulan nu Belento pino una'kumo i uno nu kinyonyoangku.”

MAZMUR 44:21

De maluanyo kami madi'mo monsombah Tumpu, lantas balado'amo hi pilogot sangga'at,

MAZMUR 44:22

Tantu nusumbu' ahi' nu Tumpu kalana Nu kiop ahi' na lahasia nu kinyonyoa mami.

MAZMUR 50:1

Mazmur i Asaf. O Tumpu, Tumpu Anu Balakuasa hondo, notataemo; Ia nompoto'imo hi songko-songko na dunia lengkat pe'e mae ikabete'an sampe tinoka toka i sasu kinsoban.

MAZMUR 82:1

Mazmur i Asaf. Tumpu nompimpinmo sidang nu aha Tumpu kiita' i suluga, lantas Ia nompoto'imo kaputusan-Nyo:

MAZMUR 95:3

Kalana Tumpu aijo'mo na Tumpu anu talasanggo hondo, Tomundo' anu baani, anu molingkudui iwi-iwi' na pilogot.

MAZMUR 97:7

Iwi-iwi' na mian anu monsombah pilogot opopo'ambangmo, anu mongkabubuunakon to bala-balang anu madi' kogunanyo; iwi-iwi' na pilogot tolodadupumo monsombah i ahop nu Tumpu.

NOSABATMO 18:11

Uuka aiya sinumbu'kumo taalu' Tumpu na lebe daka' molingkudui pilogot iwi-iwi', kalana iwi-iwi' aijo' binau-Nyomo tempo'nyo mian nu Mesir nongkabisa'imo ka' kinobubuunmo hondo hi aha mian Israel.”

YEREMIA 12:3

Panyo Belento o Tumpu monsumbu' aku. Tinoamo nu belento mae apaa na anu binaungkumo, ka' Belento monsumbu' ahi' mosia na anu ku oa'i i uno nu kinyonyoangku padon atina' hi Belento. Boa na mian anu toto ide-idek na palabuatannyo haha atina' isambiha'nyo, boa na aha susumo domba itampat pongkolotan. Jagai na aha sampe tokamo na tempo'nyo aha okolotmo.

YEREMIA 17:10

Aku, Tumpu monselidiki kinyonyoa kinyonyoa nu manusia Ku uji'. Batu-batu mian Ku balosakon sitimbang tiba kalakuannyo, ka' Ku bee'i hukuman sitimbang tiba palabuatannyo.”

DANIEL 11:36

Tomundo' nu lipu' sasu utara mombaumo yayamo na anu nu kahanda'i nu kinyonyoanyo. Ia takabunmo sahingga nu taloakonmo tukoonyo ia na lebe daka' na kakuasa'an nulingkudui na pilogot maumo pa' iyaya mae, ka' mule' lebe daka' na kakuasa'annyo nulingkudui na Tumpu Anu Matangkas na kuasanyo. Ia timbali mombau sumo aijo' sampeje ahi Tumpu madi'mo motambuha'. Kalana apaa na anu tinantukanmo nu Tumpu tionyo pe'e ahi' jadi.

DANIEL 2:47

I Tomundo' notatae, “Totu'u, Daniel, Tumpu nu beleyum aijo' talalo hondo daka' na kuasanyo maumo ahi' pa' Tumpu iyamae. Ia na anu mongkuasai iwi-iwi na tomundo' ka' anu moko ala mompotalang iwi-iwi' na lahasia. Kusumbu' na han aijo' kalana beleyum noko alamo nontalangkan lahasia aiya.”

MIKHA 7:9

Kita binaladosa'mo hi Tumpu kalana aijo' uuka aiya kita tionyo ahi' mongoa'imo kapusan-Nyo. Panyo madi'mo pin Ia monsangaja'imo kita ka' mule' mombee'imo ka adilan hi kita. Ia monsabatakonmo kita ka' momboamo ijingka; kita mongoa'imo kasalamatan lengkat hi Ia.

MALEAKHI 3:18

Mian anu palesayamo hi beleng-Ku montoa mule' bedanyo mosia na mian anu manonong tiba mian anu maidek na kalakuannyo, ka' mule' mian anu monsombah Aku tiba mian anu madi' monsombah Aku.”

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

SISIKON NU TO RASUL-RASUL 1:24

Lantas aha binala do'amo. Aha notatae, “Tumpu, Kita monsumbu' iwi-iwi' kinyonyoa nu mian. I Yudas binelentimo i pakalaja'annyo sumo rasul, ka' i natemo. Jadi potiju'akonmo mae hi kami, ihe na anu ua'aha na mian aiya, na nupile'i nu Tumpu da obee'i kalaja aijo' mombolosi i Yudas.”

SISIKON NU TO RASUL-RASUL 25:11

De aku nolanggaimo atulan ka' nombaumo apa-apaa anu pantas o hukum nu hukuman mate, aku sanang na mate. Panyo de pontuuk nu aha madi' totu'u, madi' ko samian pe'e na timbali mombee' aku hi aha. Ku poita o putusi i pomputusian hi Kaisar!”

2 KORINTUS 11:11

Kadaka' aku motatae sumo aitu? Ugaat kalana aku madi' mongkalibosi komiu? Nu sumbu' nu Tumpu na aku mongkalibosi komiu!

2 KORINTUS 11:31

Tumpu Tuuma i Tumpu Yesus monsumbu' saba' aku madi' baleko'. Puji' na sanggo-Nyo sampe toka sidu-sidutu'.

2 KORINTUS 5:11

Osumbu' mami apaa na alati'nyo mabuhuk hi Tumpu; mokonyo aijo' kami bala usaha da mian monsumbu' hondo-hondo butong mami. Tumpu monsumbu' hondo kami, ka' suele ku poita na komiu da monsumbu' kami i uno nu kinyonyoa miu.

PO'ULE' INGULIT 10:17

Tumpu Allah nu belemiu i bawo nu iwi-iwi' na pilogot ka' molingkudui iwi-iwi' na kuasa. Ia Tumpu Allah anu talasanggo ka' daka' na kuasa-Nyo ka' anu tionyo ahi' otuluti. Ia madi' mongka'ima'i momposambiha' ka' madi' mongka'oho' da otamboi asan opo'untung i palakala.

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

YOSUA 22:21

Lantas aha mian tulunan nu bansa Ruben, Gad tiba Manasye anu i sasu kabete'an aijo' nontaami,

ANU PINOTO'I HI YOHANES 19:16

I juba'-Nyo ka' i pa'anyo tuli-tulis na sanggo sumo uuka, “Tomundo nu tomundo iwi-iwi', ka' Tumpu nu tuan iwi-iwi'.”

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.

1 SAMUEL 15:23

Kalau panggaga hi Tumpu madi' mohongo-hongo palentahnyo pokakanamo na ko ideknyo sumomo mompake ajimat, ka' mule' kinyonyoa anu buulon pokakanamo na ko ideknyo sumomo montunde' pilogot. Kalana belento Tomundo' madi'mo nontuluti palentah nu Tumpu, jadi Tumpu madi'mo mongakui belento Tomundo' timbali Tomundo'.”

1 SAMUEL 2:3

Bolimo lewa' motatae anu madi' kokaliangannyo! Bolimo lewa' motatae anu madi' ko patunyo! Kalana Tumpu, aijo'mo Tumpu Allah anu monsumbu' hondo iwi-iwi'; anu momputusi iwi-iwi' apaa na anu nu bau nu mian.