YOSUA 22:15 - KITAB NU TUMPU ALLA LELE MA'IMAI'

¹⁵ Sahingga tinokamo na aha kiijo' i kajojoongan nu tulunan nu bansa Ruben, Gad tiba tulunan nu bansa Manasye i da'erah Gilead.

YOSUA 22:15 ပူးပေါင်းရင်းမြစ်များ

1 TAWARIKH 21:3

Tinaaman i Yoab, “O'amalakon da Tumpu mompaka tuangi mae mian nu Israel pinsa'atu lipat na konjoo'nyo da molingkuduimo anu uuka aiya na aha. Belento Anu talasanggo, te misa' sinumbu'mo ahi' na aha tinundu'mo hi belento Tomundo'? Kadaka' tionyomo ahi' mombilang mian? Boli-boli kalana kasalahan aijo' songko-songko na bansa mongoa'imo ideknyo!”

2 TAWARIKH 10:19

Sinaa aitu mian da'isan sasu Utara kalaja'an Israel saja'mo notomuhuk madi'mo mohongo-hongo to tomu-tomundo lee' mae i Daud.

2 TAWARIKH 26:18

ka' nontewamo apaa na anu binaunyomo aijo'. Aha notatae, “Kita Mian daka' Anu Tala sanggo! Kita Tomundo madi' ko hak mompapui kamangian osombahkon hi Tumpu. Aijo' kalaja nu to ima-imam lee' mae i Harun. Kalana ola ahi aha na samata-mata mombau kalaja aijo'. Pala'i na tampat aiya Tomundo kalana tampat aiya susi'! Kita Tomundo madi'mo mohongo-hongo Tumpu Allah, ka' madi'mo mae nusitujui nu Tumpu.”

2 TAWARIKH 28:13

Koonyo nu aha, “Boli oboa mae na to mia-mian anu i hakopmo aijo'! Kita binaladosa'mo hi Tumpu, ka' dosa' to haha aijo' talalomo hondo nanjoo' pantasmo na o hukum. Aiya belemiu mombaumo mule' sa'angu' na han anu ola mompaka tuangi kasala'anto.”

EZRA 9:15

O Tumpu, Tumpu Allah Israel, belento adin panyo maumo sumo aitu opobee' ahi' nu Belento na kami tumuu'. O akui mami na kasala'an mami hi belento; kami madi'mo ko hak toka mangadap hi ahop nu Belento.”

EZRA 9:2

To momo'ane nu aha no'osoamo tiba to boboune nu bansa anu lengkat mae i salipu'an, sahingga mian anu samata-mata anumo nu Tumpu madi'mo tinontilis. Pakalaus anu momonanyo hondo nombau aijo' atina'mo to tu'a-tu'anyo ka' anu kopangkat i Israel.

MAZMUR 78:8

da aha madi'mo susumo mompolee' nu aha anu mongka'ima'i saja' motomuhuk ka' mingkalakuan palagenta; tulunan anu madi' totu-totu'u palesaya ka' madi' tulu-tulutan hi Tumpu.

NOSABATMO 32:8

Aha nombaumo anu madi' pinalentahkon-Ku. Aha nombaumo patong sapi' mosoni' na tinutuk, lantas sinombahnyomo ka' nonsombahkonmo koloban hi ia. Koonyo nu aha aijo'mo na pilogot nu aha anu nomboamo mae aha nosabat lengkat mae i Mesir.

YESAYA 63:10

Panyo aha notomuhukmo ka' mule' nomposusa'mo kinyonyoa nu Tumpu. Sahingga Ia tinimbalimo sampobali' nu aha posi Iamo ahi' na nahampate nongewa aha.

IMAMAT 26:40

Panyo lee' nu belemiu mongakuije dosa' nu aha ka' dosa' nu mompolee' nu aha anu madi'mo mohongo-hongo Aku ka' noto idekmo beleng-Ku,

IMAMAT 5:19

Aijo'mo na koloban bau polugi'i kalana kasala'an anu binaunyomo hi Tumpu.

NOMBILANGMO 14:43

De belemiu mahandupa'mo tiba mian nu Amalek ka' mian nu Kana'an aijo', belemiu silakamo i pahampatean. Tumpu madi'mo monsangalui belemiu kalana belemiu madi' tulu-tulutan hi Ia.”

NOMBILANGMO 32:15

De belemiu mohikumo Tumpu saba' iwi-iwi' na bansa aiya Nu pojohokmo lebe pin mule' i padang bola, ka' belemiumo na monsaduakon aha silaka!”

NOMBILANGMO 5:6

atulan haha aiya kona hi mian Israel: De daagi' ko mian anu madi' montuluti Tumpu kalana nombaumo kasala'an hi mian sangga'at,

MATIUS 18:17

De ia madi' montalima pokinde' nu to mia-mian aijo', poto'i na han aijo' hi jama'at. Ka' kahimpusannyo de ia madi' mongka'oho' montalima pokinde' nu jama'at, anggapmo na ia sumomo anu montage hasin, ka' samian anu madi' monsumbu' Tumpu Allah.”

1 KORINTUS 1:10

To Utu-utus! Tiba sanggo nu Tumpunto i Yesus Kristus, kupoita da komiu iwi-iwi' mompaha hongo-hongo; da boli ko anu mahantuda' itina' hi komiu. Tionyo ahi' komiu mosa'angu', oposa'angu' na kinyonyoa, ka' oposa'angu' na pikilan.

PO'ULE' INGULIT 30:17

Panyo de belemiu madi' tulu-tulutan, ka' madi' mongka'oho' mombau anu pinalentahkon-Nyomo ka' mompojohokmo butong nu belemiu da timbalimo ponga' kalana monsombahmo to pilo-pilogot sangga'at,

PO'ULE' INGULIT 7:4

da boli nupojo'on nu aha na to ana-anak nu belemiu hi Tumpu ka' monsombahmo to pilo-pilogot sangga'at. De belemiu monsombahmo to pilo-pilogot sangga'at nutambuha'imo nu Tumpu ka' belemiu Nu pateimo.

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!

YOSUA 22:14

Hingga-hinggat tiba i Pinehas suele inamba aha sampulu' na to tu'a-tu'anyo nu bansa Israel, – sa'angu' na tulunan nu bansa anu i sasu kinsoban Kaunyo nu Yordan, samian na ingala, toto samian na tu'anyo nu auwan anu hi aha mae sa'anakan.

YOSUA 22:16

Lantas aha nompoto'imo pongka'oho' nu mian iwi-iwi' anu pinalesayamo hi Tumpu, koonyo nu aha hi to mia-mian tulunan nu bansa Ruben, Gad tiba tulunan nu bansa Manasye, “Kadaka' belemiu nombaumo kalakuan anu ma'idek aiya hi Tumpu Allah Israel? Kalana belemiu nosi potinjomo mezbah, belemiu madi'mo mohongo-hongo Tumpu! Belemiu madi'mo nontuluti palentah-Nyo!

YOSUA 22:18

Ka' uuka aiya, belemiu mongka'oho' mule' mohiku Tumpu? De belemiu sinaa aiya madi'mo mohongo-hongo Tumpu, dodop Ia pusamo hi aha iwi-iwi' mian nu Israel.

1 SAMUEL 15:23

Kalau panggaga hi Tumpu madi' mohongo-hongo palentahnyo pokakanamo na ko ideknyo sumomo mompake ajimat, ka' mule' kinyonyoa anu buulon pokakanamo na ko ideknyo sumomo montunde' pilogot. Kalana belento Tomundo' madi'mo nontuluti palentah nu Tumpu, jadi Tumpu madi'mo mongakui belento Tomundo' timbali Tomundo'.”