YOSUA 22:10 - KITAB NU TUMPU ALLA LELE MA'IMAI'

¹⁰ Salatan tulunan nu bansa Ruben, Gad tiba tulunan nu bansa Manasye anu i sasu kabete'an nu Yordan aijo' tinokamo i Gelilot – panyo daagi' i sasu kinsoban Kaunyo nu Yordan – aha nompotinjomo sa'angu' na mezbah anu daka' ka' anu ma'ima' hondo koko kaunyo.

YOSUA 22:10 ပူးပေါင်းရင်းမြစ်များ

KAJADIAN 12:7

Tumpu nanintoamo hi Abram ka' notatae hi ia, “Aiyamo na lipu' anu Ku bee'mo hi lee' nu beleyum.” Lantas i Abram nompotinjomo sa'angu' na mezbah ikiijo' bau ponsomban Tumpu anu nanintoamo hi ia.

KAJADIAN 12:8

Lapas aijo' ia nambamo i sasu selatan, mokiijo' i da'erah anu mabungkut i sasu kabete'an kota nu Betel, ka' nombaumo kemah i olot nu Betel ka' Ai: Betel i sasu kinsoban ka' Ai i sasu kabete'an. Ka' suele mule' ikiijo' ia nompotinjomo mezbah ka' nonsombahmo Tumpu.

KAJADIAN 28:18

Dodododopnyo subu-subu, i Yakub tinuminjomo lantas ingalanyomo na batu anu pinakenyo susumo tangonan ka' pinotinjonyo da bau pontandai na batu aijo', da boli okolilimi. Dinudu'akonnyo na lanya' zaitun i batu aijo' salaku bau ponsombahnyo Tumpu Allah.

YESAYA 19:19

Tempo'nyo aijo' ipuso nu lipu' Mesir daagi'mo ko sa'angu' na mezbah bau ponsomban Tumpu, ka' ipotempasannyo sa'angu' na ohi' batu anu salaku bau tanda monginau' Tumpu.

YOSUA 22:11

Aha mian nu Israel sangga'at nohongomo hi bubuu' bansa nu aha notatae, “Aha mian tulunan nu bansa Ruben, Gad tiba tulunan nu bansa Manasye anu i sasu kabete'an kiijo' mae i Kaunyo nu Yordan nompotinjomo sa'angu' na mezbah kiijo' i Gelilot koko Kaunyo nu Yordan panyo daagi' ninsoop da'erah-nto!” Sahingga aha iwi-iwi' sinihukmo i Silo kahanda'mo mamba mompahampateakon tulunan nu bansa Israel haha aijo' anu i sasu kabete'an kiijo' mae i Kaunyo nu Yordan.