YOSUA 21:8 - KITAB NU TUMPU ALLA LELE MA'IMAI'

⁸ Sumo aijo' na aha mian nu Israel nombagi kota-kota anu sinanggomo aijo' tibamo tano'nyo iwi-iwi' anu ko padangnyo; nombagi aijo' binauakon onde hi aha mian nu Lewi susumo anu pinalentahkonmo nu Tumpu hi Musa.

YOSUA 21:8 ပူးပေါင်းရင်းမြစ်များ

KAJADIAN 49:5

I Simeon ka' i Lewi moto utus; toongon anu bau pimuhuk tinimbalimo binau kabaanian nu aha.

KAJADIAN 49:7

Mohumpak kutuk na tambuha' nu aha, kalana talalomo hondo. Mohumpak kutuk na pusa nu aha, anu tala-talalomo ahi' nombau han anu ma'idek. Ku ga'a-ga'atakonmo na aha hi songko-songko na Israel. Ku bagi-bagimo na aha hi songko-songko na bansa.

AMSAL 16:33

Da osumbu' na nasip nu manusia, mombuang onde; panyo anu montantukan hasinnyo ola ahi' samata-mata Tumpu.

AMSAL 18:18

Tiba ondean, painggagan timbali opoko ala opobelenti ka' mule' pompahasala'an hi bubu' aha mian anu balakuasa suele timbali opoko ala oputusi ima-ima'.

NOMBILANGMO 32:2

nambamo na aha nangadap hi Musa, hi Imam Eleazar, ka' to pola-polaya' sangga'at nu aha Israel. Aha notatae,

NOMBILANGMO 33:54

Lapas aijo' o bagi-bagimo nu belemiu baumo pusaka' nu to tulu-tulunan nu bansa miu, mombagi aijo' o buangakon onde. Hi tulunan nu bansa anu manjoo' tionyo ahi' obee'i nu belemiu bahagian anu manjoo', ka' hi tulunan nu bansa anu sangkiding bahagiannyo suele ahi' sangkiding.

NOMBILANGMO 35:3

Kota haha aijo' ahamo mian nu Lewi na tumpunyo da baumo tampat kajojoongan nu aha. Hemput anu ewa aijo' baumo polaya'an potuu'on ka' iwi-iwi' na binatang nu aha.

YOSUA 18:6

Gambalan nu potempasan anu popitu' na bahagian nu tano' aijo' tionyo ahi' obau ka' obee' mae hi belengku. Ku bauakonje onde da osumbu' pa' mosia na koonyo nu Tumpu Allah hi belemiu.

YOSUA 21:3

Sahingga aha mian nu Israel nombatukimo palentah nu Tumpu. Posi tano'mo nu aha na binee'mo nu aha hi mian nu Lewi aijo'mo to pia-piangkuka na kota tibamo tano'nyo haha aijo' anu ko padangnyo.

YOSUA 21:7

To utu-utus anu lee' mae i Merari nohumpak sampulu' ka' ohua' na kota anu ingala i da'erah tulunan nu bansa Ruben, Gad tiba Zebulon.

YOSUA 21:9

Lengkat mae hi lee' i Kehat anu ninsoop tulunan mae nu bansa Lewi, to ima-imamo lee' mae i Harun na anu momona nohumpak kota'nyo: aha binee'an sampulu' ka' totolu' na kota tibamo tano' anu ko padangnyo. Lengkat mae hi tulunan nu bansa Yehuda ka' i Simeon, aha nohumpak osio' na kota, aijo'mo: Libna, Yetir, Estemoa, Holon, Debir, Ain, Yuta, Bet-Semes tiba Arba, anu sinanggohan susumo sanggo nu tuumanyo i Enak. Kota aijo', tempo' uuka sinanggohanmo Hebron sa'angu' na kota palaihan i bungkutnyo nu Yehuda. Iwi-iwi' na ale' ka' to kampu-kampung anu ninsoopmo i kota aijo' binee'mo hi Kaleb anak i Yefune da tano' aijo' timbalimo anunyo. Lengkat mae hi tulunan nu bansa Benyamin nohumpak opat na kota aijo'mo: Gibeon, Geba, Anatot tiba Almon.