YOSUA 21:45 - KITAB NU TUMPU ALLA LELE MA'IMAI'

⁴⁵ Tumpu saja' mongganapi apaa na anu jinanji'-Nyomo hi aha mian nu Israel; madi' ko sa'angu' pe'e na anu madi' Nu ganapi.

YOSUA 21:45 ပူးပေါင်းရင်းမြစ်များ

1 TOMU-TOMUNDO' 8:15

Ia notatae, “Naipuan mae Tumpu nojanji'mo hi tuumangku i Daud, sumo uuka, 'Saltanmo pe'e Aku nomboa mian anu pinalesayamo hi beleng-Ku nosabat mae i Mesir, songko-songko na lipu' nu Israel mae pe'e sa'angu' na kota madi' ko anu pinile'an-Ku da timbali tampat pombauan laigan bau ponsomban Aku. Panyo beleyum Daud pinile'an-Kumo da mompalentah mian anu pinalesayamo hi beleng-Ku.' O Puji' na Tumpu Allah Israel anu nongganapimo janji'-Nyo aijo'!”

1 TOMU-TOMUNDO' 8:20

Uuka aiya Tumpu nongganapimo anu jinanji'-Nyomo Aku tinimbali Tomundo' nu Israel nombolosakon tuumangku, ka' aku mule' nombaumo Laigan bau ponsomban Tumpu, Tumpu Allah Israel.

1 TOMU-TOMUNDO' 8:24

Belento nongganapimo janji' nu Belento hi tuumangku i Daud. Apaa na anu jinanji'mo nu Belento aijo' binaumo nu Belento sinaa aiya.

1 TOMU-TOMUNDO' 8:56

“O puji' na Tumpu anu nombee'imo mae ka'amanan hi mian anu pinalesayamo hi ia susumo anu jinanji'-Nyomo hi Musa posaihon-Nyo. Iwi-iwi' na anu ma'ima' anu jinanji'-Nyomo ginanapan-Nyomo.

NEHEMIA 9:8

Tinokan nu Belento na ia tulu-tulutan hi Belento ka' mohongo-hongo. Lantas nombaumo na Belento tiba ia palajanjian anu otaha'imani hondo. Tano' nu Kana'an, Het tiba Amori, tano' Feris, Yebus tiba Girgasi. Iwi-iwi' aijo' Nu bee'mo hi aha salaku bau kajojoongan nu lee'nyo iwi-iwi'. Lapas aijo' ginanapanmo nu Belento na palajanjian aijo' hi ia. Kalana Belento adin ka' mule' totu-totu'u na kinyonyoa.

YESAYA 48:3

Tumpu notatae, “Potombihing mae o, Israel! Apaa na anu jinadimo naipuan mae, pininmo na sola' pinoto'ing-Ku; apa na anu pinoto'ing-Kumo monti-montiik ahi' Ku baumo ka' Ku baumo ahi' salaku han anu timbali otoa.

NOMBILANGMO 23:19

Tumpu Allah madi' sumo manusia anu sampa mompele-pele' ka' mongka'ima'i baleko'. De Tumpu Allah balajanji' sabole-bole Nu ganapi! De Ia motataemo tantu tionyo ahi' jadi!

1 KORINTUS 1:9

Tumpu timbali opalesaya totu-totu'u. Iamo na Tumpu Allah anu nolagamo komiu da timbali mosa'angu' tiba Anak-Nyo, aijo'mo i Yesus Kristus Tumpunto.

1 TESALONIKA 5:24

Tumpu anu nolagamo komiu, na nombau han aijo' kalana Ia manonong.

TITUS 1:2

Pangajalan aijo' nimpu'u i anu otaha'imani, aijo'mo kita montalimaje kantumuu'an kopian ka' sampe toka sidu-sidutu'. Tumpu Allah nonjanji'mo kantumuu'an aijo' ma'isa pe'e dunia aiya tinimbali – ka' Tumpu madi' toho' baleko'.

IBRANI 6:18

Ohua' na han aijo' madi'mo daagi' mongabali': Tumpu madi' toho' baleko' i janji'-Nyo ka' sumpa'-Nyo. Kalana aijo', kita anu ningkongmo hi Tumpu, kinakeha'mo da mahoson na mintoong hi anu otaha'imani anu naningkoyamo i ahopto.

1 SAMUEL 3:19

I Samuel kinodaka-daka'nyomo. Tumpu saja'mo nombalakati ia, ka' apa-apaa na nu taloakon i Samuel totu-totu'u jadi.