YOSUA 21:1 - KITAB NU TUMPU ALLA LELE MA'IMAI'

^1-2 Daagi' kino sansinaan to tu'a-tu'anyo nu auwan nu aha tulunan nu bansa Lewi nambamo i Silo i lipu' Kana'an, ka' nangadap hi Imam Eleazar, i Yosua anak i Nun, ka' to tu'a-tu'anyo nu auwan iwi-iwi' na tulunan nu bansa Israel. Aha notatae, “Tumpu nompalentahmo i Musa da kami, to mia-mian nu Lewi, obee'i mae kota-kota da bau tampat kajojoongan mami ka' tano' haha aijo' anu ko padangnyo anu sinangkupmo nu kota haha aijo' da bau pompo'ototan potu'on mami.”

YOSUA 21:1 ပူးပေါင်းရင်းမြစ်များ

KAJADIAN 49:7

Mohumpak kutuk na tambuha' nu aha, kalana talalomo hondo. Mohumpak kutuk na pusa nu aha, anu tala-talalomo ahi' nombau han anu ma'idek. Ku ga'a-ga'atakonmo na aha hi songko-songko na Israel. Ku bagi-bagimo na aha hi songko-songko na bansa.

NOSABATMO 6:14

I Simeon ka' bengkele'nyo boune nu Kana'an kino anak aha anom na mo'ane: I Yemuel, i Yamin, i Ohad, i Yakhin, i Zohar ka' i Saul. Aha aijo'mo na mompolee' mae nu tulunan i Simeon.

NOSABATMO 6:25

I Harun ka' i Musa aijo'mo na anu pinalentah nu Tumpu da momboa to mia-mian nu Israel mosabat lengkat i Mesir.

NOMBILANGMO 35:1

I hatanyo nu Moab, i sohipi'nyo nu Kaunyo Yordan, koko kota Yerikho, Tumpu notataemo hi Musa,

NOMBILANGMO 35:8

Konjoo'nyo nu kota-kota nu aha Lewi anu hi posi-posi da'erah nu aha tulunan Israel tionyo ahi' otantukan iyamo na konjoo'nyo nu kota ka' ko daka'nyo nu da'erah aijo'.”

YOSUA 14:1

Uuka aiya monsisikakonmo mosia na lipu' Kana'an anu i sasu kinsoban Kaunyo nu Yordan binagi-bagiakonmo hi aha mian nu Israel. Anu nombagi-bagiakon tano' aijo' hi aha mian nu Israel i Imam Eleazar, i Yosua anak i Nun, tiba to tu'a-tu'anyo nu auwan anu hi aha tulunan nu bansa Israel.

YOSUA 17:4

Aha namba hi imam Eleazar, i Yosua anak i Nun, tiba to pola-polaya', ka' notatae, “Koonyo nu Tumpu hi Musa, kami suele tionyo ahi' mohumpak tano' susumo to utu-utus mami anu to momo'ane.” Kalana aijo' susumo anu ponalentahkonmo nu Tumpu to ana-anak boune i Zelafehad aijo' obee'i ahi tano suele susumo to utu-utus nu aha anu to momo'ane.

YOSUA 19:51

Sumo aijo' na i Imam Eleazar, i Yosua anak i Nun, ka' to tu'a-tu'anyo nu auwan hi aha tulunan nu bansa Israel nombagi-bagimo tano' i lipu' aijo' binauakon onde, nompoita pokinde' pa' mosia na koonyo nu Tumpu. Binau nu aha na aijo' i Silo i ahop nu sabatan nu Kemah nu Tumpu. Sumo aijo' na nombagi tano' haha aijo'.