YOSUA 20:8 - KITAB NU TUMPU ALLA LELE MA'IMAI'

⁸ I da'erah Kaunyo nu Yordan sasu kabete'an aita' i hatanyo nu bungkutnyo anu i da'erah padang bone' sasu kabete'an Yerikho aha nontantukanmo kota-kota haha aijo' salaku kota bau palaihan: Kota Bezer anu minsoop da'erah Ruben kota Ramot i da'erah Gilead anu minsoop da'erah Gad, ka' kota Golan i da'erah Basan anu minsoop da'erah Manasye.

YOSUA 20:8 ပူးပေါင်းရင်းမြစ်များ

1 TOMU-TOMUNDO' 22:6

Sahingga pinosihukmo i Ahab kila-kila 400 na nabi, lantas pinokilawanyomo hi aha, “Pa' timbali na aku mamba montumbuhi Ramot kabai madi'?” “Timbali!” na koonyo nu aha. “Nubee'mo nu Tumpu na kota' aijo' hi belento Tomundo'.”

2 TOMU-TOMUNDO' 8:28

I Tomundo' Ahazia suele nahampatemo nongsangalui Yoram tomundo' nu Israel nongewa i Hazael tomundo' nu Siria Aha nahampate i Ramot, da'erah Gilead. I Yoram binelaonmo tempo'nyo nahampate aijo',

1 TAWARIKH 6:78

I Da'erah tulunan nu bansa Ruben, sasu kabete'an Kaunyo nu Yordan koko Yerikho; Bezer, anu aita' i bungkutnyo, Yahas,

1 TAWARIKH 6:80

I da'erah tulunan nu bansa Gad: Ramot anu kiijo' i Gilead, Mahanim,

PO'ULE' INGULIT 3:10

Ingalantomo iwi-iwi' na da'erah i Tomundo Og anu lengkat mae i Basan mokiijo' lau-laus i sasu kabete'an kojo'onnyo toka-toka i kota Salka tiba Edrei.” (

PO'ULE' INGULIT 4:43

Kona hi tulunan nu bansa Ruben tinoukanmo kota Bezer aita' i hatanyo nu bungkutnyo i padang bola; kona hi tulunan nu bansa Gad kota Ramot i da'erah Gilead, ka' hi aha mian nu Manasye kota Golan i da'erah Basan.

YOSUA 20:7

Sahingga i da'erah sasu kinsoban Kaunyo nu Yordan aha mian nu Israel nontantukanmo kota-kota haha aijo' salaku kota bau palaihan: Kedes i bungkutnyo nu Naftali i da'erah Galilea, Sikhem i bungkutnyo nu Efraim, ka' Hebron i bungkutnyo nu Yehuda.

YOSUA 20:9

Aijo'mo na kota iwi-iwi' anu bau palaihan anu tinantukan kona hi iwi-iwi' mian nu Israel ka' kona' hi mian anu lengkat mae i salipu'an anu jinojoongmo hi aha. Batu-batu mian anu nompateimo mian sangga'at, panyo madi' tinotonggolakon timbali ojagai da boli opatei i kota haha aijo' de o loloi' nu mian anu ko kahanda' mombalosakon hi ia, ia madi' timbali opatei de ma'isa pe'e o ulus na palakalanyo i ahop nu mian da'isan.

YOSUA 21:27

Aha lee' mae sangga'at hi tulunan nu bansa Lewi aijo'mo lee' mae i Gerson. To utu-utus anu ninsoop lee' mae i Gerson aijo' binee'an sampulu' ka' totolu' na kota tibamo tano' anu ko padangnyo. Lengkat mae hi tulunan nu bansa Manasye anu i sasu kabete'an nohumpak ohua' na kota, aijo'mo: Beestera tiba Golan, sa'angu' na kota palaihan anu minsoop da'erah Basan. Lengkat mae hi tulunan nu bansa Isakhar nohumpak opat na kota aijo'mo: Kisyon, Dobrat, Yarmut tiba En-Ganim. Lengkat mae hi tulunan nu bansa Asyer nohumpak opat na kota aijo'mo: Misal, Abdon, Helkat tiba Rehob. Lengkat mae hi tulunan nu bansa Naftali nohumpak totolu' na kota, aijo'mo: Hamat-Dor, Kartan tiba Kedes, sa'angu' na kota palaihan i da'erah Galilea.