YOSUA 20:3 - KITAB NU TUMPU ALLA LELE MA'IMAI'

³ Mian anu mompatei mian sangga'at panyo madi' tinotonggolakon, timbali malai mamba i kota aijo', da boli opatei nu mian anu ko kahanda' mombalosakon hi ia.

YOSUA 20:3 ပူးပေါင်းရင်းမြစ်များ

2 SAMUEL 14:11

Boune aijo' notataemo, “De timbali balado'a na belento Tuanku hi TUMPU Allah nu belento Tuanku da mian anu kahanda' mombalosakon kalana anaku aijo' nompateimo, bolimo mombau han anu lebe ma'idek mule' ihe na monsumbu' aha kahanda'mo suele mompatei anaku anu memenyomo samian aijo'.” Tinaamanmo i Daud, “I uno nu sanggo nu Tumpu anu tumuu', anak nu beleyum aijo' madi'mo opoposia mau pe'e ola o'ende-endengi.”

IMAMAT 4:2

da mombebakon hi bansa Israel tukoonyo mau mule' ihe na anu madi' nontotonggolakon mombau dosa', panyo nolanggaimo sala'sa'angu' na palentah haha aijo' nu Tumpu, tionyo ahi' montuluti atulan aiya.

NOMBILANGMO 35:12

I kota haha aijo' madi'mo opoposia nu to utu-utusnyo nu mian anu pinateannyomo anu mongka'oho' mombalosakon ideknyo. Kalana mian anu otuuk nompateimo mian sangga'at madi'mo timbali opatei de palakalanyo ma'isa o ulus hi mian kopian nu mian da'isan.

NOMBILANGMO 35:19

To utu-utusnyo anu ohani mae hi anu pinateanmo aijo' timbali suele mompokona hukuman mate aijo'. De ia na mongkabot anu nompatei aijo', ia timbali mompatei.

NOMBILANGMO 35:22

Panyo ihe na monsumbu' daagi' ko mian, madi' nontotonggolakon nonsala' pateimo mian sangga'at anu madi' nuka'ideki, pa' nompobahangkang mian aijo' kabai nombunu' nu pa' apaa.

IBRANI 6:18

Ohua' na han aijo' madi'mo daagi' mongabali': Tumpu madi' toho' baleko' i janji'-Nyo ka' sumpa'-Nyo. Kalana aijo', kita anu ningkongmo hi Tumpu, kinakeha'mo da mahoson na mintoong hi anu otaha'imani anu naningkoyamo i ahopto.

YOSUA 20:2

poto'i sumo uuka hi aha mian nu Israel, “Aku nompalentahmo i Musa da ia mompoto'i hi belemiu mongkona kota-kota bau palaihan, aijo'mo kota-kota bau palaihan nu mian da boli opatei. Uuka aiya pile'imo na kota haha aijo'.

YOSUA 20:4

Ia timbali malai i sala'sa'angu' na kota haha aijo', ka' mamba i tampat nu mian kopian i sabatan daka' nu kota aijo', lantas monsisik hondo-hondo hi to pola-polaya' ikiijo' apaa na anu jinadimo. Aha to pola-polaya' ikiijo' mompobee'je ia minsoop i kota aijo' ka' mombee'i ia tampat bau kajojoongannyo.