YOSUA 2:9 - KITAB NU TUMPU ALLA LELE MA'IMAI'

⁹ ka' notatae hi aha, “Ku sumbu' Tumpu nombee'mo lipu' aiya hi belemiu. Iwi-iwi' na mian aiya nabuhukmo hi belemiu.

YOSUA 2:9 ပူးပေါင်းရင်းမြစ်များ

KAJADIAN 35:5

Salatan i Yakub ka' aha iwi-iwi' sa'anakan nambamo, Tumpu Allah nompobuhukmo anu jojoong i kota haha aijo' iwi-iwi', sahingga aha nabuhukmo, jadi aha madi'mo nololoi' i Yakub ka' sangalunyo iwi-iwi'.

2 SAMUEL 17:10

Sahingga mian anu toto babaani tiba anu toto hoso-hoson susumo singa, tantu mabuhukmo. Kalana aha mian nu Israel iwi-iwi' monsumbu'mo tuuma nu belento Mian Daka' aijo' memang ahi' talenga' ka' mule' to sulu-suludadunyo anu ahi' to babaani.

2 TOMU-TOMUNDO' 5:15

Lantas ia ka' iwi-iwi' na anu nombatuki ia po'ule'mo namba hi Elisa. “Uuka aiya sinumbu'kuje,” na koonyo i Naaman hi Elisa. “Taalu' i songko-songko na dunia ola samian na Tumpu Allah. Aijo'mo Tumpu Allah anu osombah nu mian Israel. Kalana aijo' belento Tuan sanang ahi' mae na mongala anu ku bee' aiya.”

2 TOMU-TOMUNDO' 7:6

Kalana, Tumpu nombaumo mian nu Siria da nohongomo lewo' susumo suludadu anu monsake'i ajahan ka' kareta montumbuhimo mae. Mian nu Siria haha aijo' nonsangkamo au'aitu tomundo' nu Israel nontamboimo i tomundo' Het ka' Mesir tiba suludadunyo nu aha da montumbuhi aha.

NEHEMIA 6:16

Tempo'nyo to sampo-sampobali' mami te to bansa-bansa anu mompaha ohani kiijo' nohongomo han aijo', aha nabuhukmo dumo saidi mae ma'ambangmo, kalana sinumbu'mo nu mian iwi-iwi' na kalaja aijo' binau kalana Tumpu Allah na nontulungi.

ESTER 8:17

Ka' mule' i toto sa'angu' na kota' ka' propinsi, anu binasa'akonmo na sulat palentah i tomundo, to mia-mian nu Yahudi ilame'mo, lewa'mo binasanang-sanang ka' nombaumo bau-bauon. Sahingga nanjoo'mo na aha tumpu nu lipu' tinimbalimo bansa Yahudi, kalana aha nabuhukmo hi nu aha na bansa aijo'.

AYUB 19:25

Ku sumbu' kiita' i suluga' daagi' ko anu monsangaja'i aku; ahennyo mae Ia na toka mae montulungi aku.

MAZMUR 112:10

Mian anu ma'idek na kinyonyoanyo montoa ia, lantas motambuha'mo; bese' nu aha koyokobanmo kalana mongka'idekimo. Lantas aha silakamo; anu nu ima-imani nu aha madi'mo nu humpak nu aha sampe toka sidu-sidutu'.

MAZMUR 115:16

Langit samata-mata anu nu Tumpu, panyo tano' binee'-Nyomo hi manusia.

NOSABATMO 18:11

Uuka aiya sinumbu'kumo taalu' Tumpu na lebe daka' molingkudui pilogot iwi-iwi', kalana iwi-iwi' aijo' binau-Nyomo tempo'nyo mian nu Mesir nongkabisa'imo ka' kinobubuunmo hondo hi aha mian Israel.”

NOSABATMO 23:27

To bansa-bansa anu otokai nu belemiu Ku potimbalije da aha mabuhuk hi beleng-Ku; Ku pogago'je na aha, iwi-iwi' na sampobali' nu belemiu minsusule'mo ka' mopadeka'mo.

ANU MOMPOLELE POTATAE NU TUMPU 8:12

Mau sa'atumo na palabuatan ma'idek binau nu mian baladosa', ia tataap tumuu' ka' mantan na umunnyo. De ihe na tulu-tulutan hi Tumpu Allah tantu kantumuu'annyo madi' susa'.

YESAYA 19:1

Sumo uuka na potuunon mongkona aha Mesir. Tumpu tokamo mae i Mesir monsake'i mae kundom anu malia'. Iwi-iwi na pilogot anu daagi' i Mesir nu lakatmo i ahop-Nyo ka' aha mian nu Mesir ise-ise'mo na kinyonyoa nu aha.

YESAYA 23:5

Ka' mule' aha mian nu Mesir tolokengkengmo ka' mabuhukmo de mohongomo Tirus ihansunanmo.

YEREMIA 27:5

“Tiba kakuasa'anKu anu daka' hondo ka' mule' tiba kahosonan-Ku, Aku noko alamo nompojadi' tano' tiba manusia ka' mule' sinin na binatang, ka' timbali Ku bee' na aijo' maumo pa' hihe na mian anu Ku kahanda'i.

NAHUM 2:10

Ninewe ihansunmo ilingmo ka' kinunmo. Kinyonyoa natawasmokalana nabuhukmo. Ike-ike' ilundengmo ka' ilakatnyomo. Ohup nu mian iwi-iwi' singkapmo ine'es hondo.

NOMBILANGMO 20:14

Lapas aijo' daagi' kiijo' mae i Kades, i Musa nonsaimo bobotokon da mamba mangadap hi tomundo Edom. Aha notatae, “Kami lengkat mae hi aha bansa Israel anu daagi' ko tuusanannyo moto utus tiba belento Tuanku. Ugaat sinumbu'mo nu belento Tuanku na kasusa'an anu nontokaimo kami.

NOMBILANGMO 20:24

“I Harun madi' timbali minsoop i lipu' anu jinanji'-Kumo hi bansa Israel; ia silakamo kalana belemiu atina' ohua' madi'mo nohongo-hongo palentang-Ku koko kiijo' mae i bulakan nu uee Meriba.

MATIUS 20:15

Apaa aku madi' timbali mombau posi pongka'oho'ku i posi anungku? Kabai beleyum madi' sanang kalana aku manonong?’ ”

PO'ULE' INGULIT 11:25

Songko-songko na lipu' haha aijo' nupotimbalije nu Tumpu Allah nu belemiu na to mia-mian mabuhuk hi belemiu susumo anu jinanji'-Nyomo hi belemiu, sahingga madi' ko samian pe'e na moko ala mompoliwa' belemiu.

PO'ULE' INGULIT 2:25

Otampu'uni i sinaa aiya Ku potimbalimo na to bansa-bansa da mongkabuhukmo belemiu, maumo pa' iya mae. Toto samian nulakatmo kalana mabuhukmo de mohongomo belemiu.’ ”

PO'ULE' INGULIT 28:10

Sahingga iwi-iwi' na bansa anu i dunia aiya montoamo taalu' belemiu bansa anu pinile'anmo nu Tumpu ka' aha mongkabuhukmo belemiu.

PO'ULE' INGULIT 32:8

Salatan Anu Daka' hondo na Kuasanyo nombagimo tano', toto sa'angu' na bansa pinotiju'akonmo na da'erahnyo ka' anu kinuasanmo nu pilogot.

IBRANI 11:31

Ola kalana bala'iman, sahingga i Rahab, boune anu lewa-lewa' masala' aijo', madi' pinatean hingga-hinggat tiba to mia-mian anu madi' tunduk hi Tumpu; kalana ia na nontalima ima-ima' mian nu Israel anu namba nondoyoni.

YOSUA 2:11

Salatan ihongomo mami na lele haha aijo' kami nabuhukmo hondo. Iwi-iwi' na mian aiya hi kami madi'mo ko anu binaani kalana nohongomo belemiu. Tumpu Allah nu belemiu totu-totu'u Tumpu Allah Anu Daka' na Kuasanyo aita' i langit ka' aiya i dunia.

YOSUA 2:24

Lapas aijo' aha notataemo, “Memang matantumo na Tumpu mombee'mo iwi-iwi' na lipu' aijo' hi kita, iwi-iwi' na mian anu kiijo' mae nongkabuhukmo kita.”

YOSUA 2:8

Pihi-pihi aitu ma'isa pe'e i hoyot na ua'aha na mian anu tinoka mae mondoyoni Israel anu montoa pa' mosia na kota aijo', i Rahab nokiita'mo i bangkala',

YOSUA 5:1

Iwi-iwi' na tomundo nu aha Amori i sasu kinsoban Kaunyo nu Yordan, ka' iwi-iwi' na tomundo nu aha Kana'an i sonibi nu Ambai Totonga'nyo nohongomo tukoonyo Kaunyo nu Yordan pinoti'imo nu Tumpu salatan mian nu aha Israel notaapmo i kaunyo aijo'. Sahingga aha nabuhukmo hi mian nu aha Israel ka' i lakatnyomo.

YOSUA 6:2

Tumpu notataemo hi Yosua, “Uuka aiya Ku bee'mo hi beleyum na Yerikho tiba tomundo'nyo ka' suludadunyo iwi-iwi' anu singkaap baani aijo'.

YOSUA 9:10

ka' apaa na anu binau-Nyomo hi aha ohua' na tomundo nu Amori, i sasu kabete'an nu Kaunyo Yordan, aijo'mo: i Sihon tomundo nu Hesybon ka' i Og tomundo nu Basan anu jojoong i Astarot.

YOSUA 9:24

Tinaaman nu aha, “Obaumo mami susumo itina' kalana ihongomo mami na Tumpu Allah anu osombah nu belento Tuumangku aijo' nompokaumo i Musa, posaihon-Nyo aijo', mombee'mo hi belento Tuumangku songko-songko na lipu' aiya ka' mompateimo iwi-iwi' na anu jojoong ikiijo' de belento Tuumangku mongalamo tano' aijo'. Mabuhuk na kami de saidi' mae kami opateimo, mokonyo aijo' obaumo mami na iwi-iwi' itina'.

YOSUA 9:9

Aha nontaami, “Kami lengkat mae i lipu' anu majo'on hondo, kita Tuuma, kalana kami nohongomo lelenyo nu Tumpu Allah anu osombah nu belento Tuuma. Ihongomo mami na anu binau-Nyomo iwi-iwi' kiijo' mae i Mesir,

TO MIA-MIAN KOPIAN 7:14

Sangalunyo nontaami, “Ibeh, itina' na ugat ahi' bajak i Gideon anak i Yoas, mian nu Israel aijo'! Aijo' alati'nyo Tumpu Allah nombee'mo ka'untungan hi ia mahampate mongewa mian nu Midian tiba iwi-iwi' na suludadunto!”