YOSUA 2:3 - KITAB NU TUMPU ALLA LELE MA'IMAI'

³ Sahingga i Tomundo nonsaimo mian namba hi Rahab da mompoto'i palentah sumo uuka, “Sabatakon mae na mian haha itina' anu nompoita jojoong pe'e i laigan nu beleyum itina'. Aha mian anu mondoyoni toka mae montoa pa' mosia na da'erah nu Yerikho songko-songko!”

YOSUA 2:3 ပူးပေါင်းရင်းမြစ်များ

KAJADIAN 38:24

Kila-kila tinotolu'mo na bitu'on lapas aijo', i Yehuda nohumpakmo lele saba' i Tamar moniannyo tinimbalimo lonte ka' i pinoboamo. Lantas i Yehuda nompalentahkonmo, “Ala na ia ka' papui sampe mate!”

KAJADIAN 42:31

Tinaaman mami, 'Kami to mia-mian anu ma'ima', misa' anu mongkokap, kami mian anu hodi' na kinyonyoa.

2 SAMUEL 10:3

Salatan aha tinokamo i Amon aha to pola-polaya' nu lipu' aijo' notataemo hi Tomundo' Hanun, “Boli belento Tomundo' bapikin i Daud nonsaimo mae mian haha aijo' kalana ia kahanda' moholomati tuuma nu belento Tomundo'! Ia nonsai mae mian haha aijo' ola salaku mian anu mamba mae mondoyoni kota' aiya da timbali nupoko ala nupatundu' nu aha.”

2 SAMUEL 17:20

To mia-mian anu sinai mae i Absalom tinokamo ilaigan aijo' ka' pinokilawanyomo hi boune aijo', “Iya mae na i Ahimaas tiba i Yonatan?” Tinaamannyo, “Aha sala'je notaap i kaunyo.” Iliomo nu aha na olitau ua-ua aha aijo' panyo madi' i humpak nu aha, lantas ninsusule'mo na aha i Yerusalem.

1 TAWARIKH 19:3

to pola-polaya' nu lipu' aijo' nompoto'imo hi Tomundo' Hanun, “Boli belento Tomundo' bapikin i Daud nonsai mae miannyo aijo' kalana ia kahanda' mongadati tuuma nu Belento Tomundo'! Ia nonsai mae mian haha aijo' ola da mamba mae mondoyoni ka' nu selidiki nu aha na lipu'to da timbali nu poko ala nu patundu' nu aha!”

AYUB 21:30

Koonyo nu aha, “De tokamo na tempo'nyo Tumpu Allah mombee'imo hukuman, to mia-mian anu ma'idek na kinyonyoanyo oposalamatmo.”

IMAMAT 24:14

“Boa na mian atina' i sambiha' nu kemah. Batu-batu mian anu nohongomo ia nontotobi'akon tionyo ahi' mompotudun limanyo i ubak nu mian aijo' da ponsumbu'an taalu' ia sinala'mo. Lantas iwi-iwi' na mian tionyo ahi' mompahambunu'akon ia nu batu sampe mate.

YOHANES 19:4

Lapas aijo' i Pilatus po'ule' mule' nosabat ka' notatae hi mian da'isan aijo', “Toa! Aku nonsabatakonmo i sambiha'-Nyo hi komiu, da osumbu' miu aku madi' nohumpak sa'angu' pe'e na kasala'an hi Ia.”

SISIKON NU TO RASUL-RASUL 12:4

Pinoko hakop, i Petrus pinosoopmo i uno nu talungku'. Opat na tompukan nu suludadu pinalentahkon da monjagai i Petrus kiijo' – toto santompuk miannyo aha opat na suludadu. Ilapas na lamean nu Paskah, atina'je ka' i Herodes nomputusi i Petrus i ahop nu mian da'isan.

SISIKON NU TO RASUL-RASUL 12:6

Pihi-pihi ma'isa pe'e i Herodes nompopangadap i Petrus hi mian da'isan, i Petrus male-male' pinungu nu ohua' na pompungu i totonga' nu ohua' na suludadu anu monjagai. I tumban nu talungku' to sulu-suludadu sangga'at suele hau-haunyo monjagai talungku'.

YOSUA 10:23

Liang aijo' binukaanmo, lantas to tomu-tomundo nu Yerusalem, Hebron, Yarmut, Laghis ka' Eglon sinabatakonmo mae,

YOSUA 2:2

Tomundo nu kota Yerikho nohongomo pihi-pihi aijo' daagi' ko mian nu Israel anu tinokamo mondoyoni da'erah nu Yerikho.

YOSUA 2:4

“Memang daagi' ko mian anu tinoka i laiganku,” na koonyo i Rahab, “panyo madi' ku sumbu' pa' lengkat mae iya na aha. Aha nambamo u'uka salatan sinaa nalomo ma'isa pe'e sabatan daka' nu kota tinumban. Ka' madi'mo pinokilawangku pa' moyamo na aha, panyo de aha sampa ololoi' ku gantang daagi' osampa.” (Padahan pinosulukmo i Rahab na aha mondoyoni ua'aha aijo' i aluk nu tambulan nu kilit nu kau' anu bau kahohon anu pinotambun kiita' i bangkala'.)

TO MIA-MIAN KOPIAN 4:20

Lantas i Sisera notataemo hi Yael, “Lako' tinjo i ahop nu sabatan nu kemah. De mian toka mompokilawa hi beleyum pa' daagi' ko mian i uuka, opoto'i madi' ko anu aiya.”