YOSUA 2:24 - KITAB NU TUMPU ALLA LELE MA'IMAI'

²⁴ Lapas aijo' aha notataemo, “Memang matantumo na Tumpu mombee'mo iwi-iwi' na lipu' aijo' hi kita, iwi-iwi' na mian anu kiijo' mae nongkabuhukmo kita.”

YOSUA 2:24 ပူးပေါင်းရင်းမြစ်များ

NOSABATMO 23:31

Potempasan nu lipu' nu belemiu Ku potataapje lengkat mae i Luoknyo nu Akaba toka-toka i Kaunyo nu Efrat, ka' lengkat mae i Ambai anu i totonga'nyo toka-toka i padang bola. Belemiu Ku bee'imo kuasa mompalentah mian anu jojoong i lipu' aijo', sahingga aha olaa'mo nu belemiu salatan belemiu mambamo mompo'ago tano' aijo'.

AMSAL 25:13

Mian anu opokau tulu-tulutan momposanang kinyonyoa nu mian anu nompokau, sumomo uee anu molino na nu inum nu mian anu mompadak i ale.

YOSUA 1:8

Kitab nu atulan aijo' tionyo ahi' saja' nu basa'akon hi mian anu pinalesayamo hi beleng-Ku. Ogulu'i na kitab aijo' sinaa ka' malom, da saja' nu bau iwi-iwi' apaa na anu tuli-tulis kiijo' i unonyo. De nu baumo na aijo' iwi-iwi' kantumuu'an nu beleyum mohumpakmo kasanangan ka' apaa na anu nulio nu beleyum ohumpakmo.

YOSUA 2:23

Lantas ua'aha na mian nu Israel anu nondoyoni aijo' nintudunmo lengkat mae i bungkutnyo ka' notaap i kaunyo, ka' aha ninsusule'mo hi Yosua. Iwi-iwi' na anu jinadimo ka' anu ingoa'anmo nu aha pinotokamo nu aha hi Yosua.

YOSUA 5:1

Iwi-iwi' na tomundo nu aha Amori i sasu kinsoban Kaunyo nu Yordan, ka' iwi-iwi' na tomundo nu aha Kana'an i sonibi nu Ambai Totonga'nyo nohongomo tukoonyo Kaunyo nu Yordan pinoti'imo nu Tumpu salatan mian nu aha Israel notaapmo i kaunyo aijo'. Sahingga aha nabuhukmo hi mian nu aha Israel ka' i lakatnyomo.

YOSUA 6:2

Tumpu notataemo hi Yosua, “Uuka aiya Ku bee'mo hi beleyum na Yerikho tiba tomundo'nyo ka' suludadunyo iwi-iwi' anu singkaap baani aijo'.

YOSUA 8:1

Tumpu notataemo hi Yosua, “Posihuk mae na suludadu nu beleyum iwi-iwi', ka' lako'mo tiba aha mamba i Ai. Boli hente na kinyonyoa ka' boli mabuhuk! Ku bee'mo hi belemiu na tomundo nu Ai, kalana opatundu'mo nu belemiu na aha. Layatnyo, kota'nyo, lipu' nu aha opatundu'mo nu belemiu.

TO MIA-MIAN KOPIAN 1:2

Tinaaman nu Tumpu, “Tulunan nu bansa Yehuda. Aha binee'an-Kumo kuasa da mompatundu' lipu' aijo'.”

TO MIA-MIAN KOPIAN 7:9

Pihi-pihi aitu Tumpu notataemo hi Gideon, “Pobulamo, Gideon! Lako'mo tumbuhi na kemah nu aha mian Midian. Ku bee'mo na ka'untungan mahampate hi belemiu mongewa aha.