YOSUA 2:18 - KITAB NU TUMPU ALLA LELE MA'IMAI'

¹⁸ Ola uuka na anu tionyo ahi' nu bau. De kami montumbuhimo lipu' nu belemiu aiya, sabole-bole kahohon mea-mea' aiya nu posegot i tolongan aiya, tampat pinonguluakonanmo nu beleyum kami. Tuuma ka' tina nu beleyum, to utu-utus nu beleyum, iwi-iwi' na aha sa'anakan nu tuuma nu beleyum tionyo ahi' sihuk i laigan nu beleyum aiya.

YOSUA 2:18 ပူးပေါင်းရင်းမြစ်များ

KAJADIAN 12:2

Ku ponjoo'je na lee' nu beleyum ka' aha timbalije bansa anu daka'. Ku balakatije na beleyum ka' mompotimbali sanggo nu beleyum talasanggo, sahingga beleyum timbalije balakat.

KAJADIAN 7:1

Lantas notataemo na Tumpu hi Nuh, “Ku toa na beleyum montuluti pongka'oho'-Ku. Jadi, pinsoopmo i uno nu kapan atina' tiba bengkele' nu beleyum ka' to ana-anak nu beleyum.

ESTER 8:6

Te sanang mule' na aku aiya montoa bansangku tiba to utu-utusku opateimo iwi-iwi'?”

NOSABATMO 12:13

Baso' anu i sabatan nu laigan nu belemiu bau pontandai laigan haha atina' kajojoongan nu belemiu. De Ku toamo na baso' aijo' belemiu so'mo Ku liu-liu ka' madi' Ku silakai de Aku mohukumo Mesir!

NYANYIAN ANU TALASANGGO 4:3

Biwi nu beleyum mimbalu-balu' sahamba na pita momea' ka'nganga' nu beleyum ma'ima' hondo. Gagising nu beleyum sumomo bua' nu dalima anu biniha'mo, sulu-suluk isambiha' nu kukumbung nu beleyum.

IMAMAT 14:4

i imam mompokaumo ia momboa mae ohua' na tomonsi' anu daagi' tumuu', anu timbali okaan, tiba sangkolong na kau' walu, sambotu' na kahohon momea' ka' sampanga' na hisop.

NOMBILANGMO 19:6

Ka' mule' imam tionyo ahi' mongala kau' aras sangkiding, sampanga' na kau' hisop ka' sampelu' na kahohon momea' lantas olumbu'akon mokiijo' i apu anu hau-haunyo pinompotunuanmo sapi' momea' aijo'.

NOMBILANGMO 4:8

Iwi-iwi' aijo' tionyo ahi' nukukubi nu aha nu hude momea' sambotu', lantas oposabutmo na kilit santake anu ma'ima' hondo aita' i buannyo, ka' opokonamo na kau' bau polembanan meja' aijo'.

LUKAS 19:9

Lantas koonyo i Yesus, “Sinaa aiya beleyum tiba komiu sampoto utusanum pinosalamatmo nu Tumpu, ka' binee'annyomo kantumuu'an bu'ou, kalana beleyum suele lee' i Abraham.

SISIKON NU TO RASUL-RASUL 10:27

Hau-haunyo basisik tiba i Kornelius, i Petrus ninsoopmo i uno nu laigan. I kiijo' ia nontoa da'isanmo na mian anu sinilimu'.

SISIKON NU TO RASUL-RASUL 10:33

Aijo' na sababnyo aku nalia-lia' nonsai mian mamba molaga i Tuan. Ka' i Tuan totu'u ma'ima' na kinyonyoa da toka mae. U'uka aiya kami iwi-iwi' silimu'mo i ahop nu Tumpu, da mohongo iwi-iwi' anu osaiakon nu Tumpu da otaloakon i Tuan hi kami.”

SISIKON NU TO RASUL-RASUL 11:14

Ia nompotokamo hi komiu lele anu momposalamat beleyum ka' to utu-utusum.’

2 TIMOTIUS 1:16

Panyo aha sa'anakon i Onesiforus noko to pimpi-pimpianmo ahi' na nompolame' kinyonyoangku. O'amalakon da Tumpu timbali mompotoa kalibosan-Nyo hi aha. Mau mule' aku i uno nu talungku', i Onesiforus madi' mongka'ambangakon i kantumuu'anku aiya.

IBRANI 9:19

Momonanyo i Musa nompoto'i iwi-iwi' na palentah atulan nu Tumpu hi bansa Israel. Lapas aijo' i Musa nongalamo baso' nu anak nu sapi' ka' baso' nu mee' mo'anenyo, lantas ginalo'annyomo nu uee, lapas aijo' pinipi'akonnyomo i Kitab nu Atulan anu lengkat mae hi Tumpu ka' hi iwi-iwi' na bansa Israel mompake hemput hisop ka' bulu nu domba buhitnyo momea' hondo na bau pompipi'akon.

YOSUA 2:21

Han aijo' sinetujuanmo i Rahab lantas pinobee'nyomo na aha namba. Lapas aijo' pinosegotnyomo na kahohon anu mea-mea' aijo' i tolongan.

YOSUA 6:23

Sahingga ua'aha anu namba nondoyoni aijo' nambamo ka' nosabatakonmo mae i Rahab hingga-hinggat tiba tuuma ka' tinanyo, ka' to utu-utusnyo, ka' to julu-julunyo sangga'at. Iwi-iwi' na aha sambonua i Rahab aijo' tiba to posa-posaihonnyo sinabatakonmo ka' binoamo mae i tampat anu madi' ko anu mompoposia koko kemah nu aha mian nu Israel.

YOSUA 6:25

Panyo i Rahab boune anu lewa' masala' aijo' tiba to julu-julu'nyo iwi-iwi' pinotumuu' i Yosua, kalana nontulungimo ua'aha na anu namba nondoyoni Yerikho pinokau i Yosua. (Sampe uuka aiya i Rahab daagi' kiijo' i Israel.)