YOSUA 2:14 - KITAB NU TUMPU ALLA LELE MA'IMAI'

¹⁴ Sahingga ua'aha na mian haha aijo' nontaamimo “Ojanji' mami de lipu' aiya nubee'mo nu Tumpu hi kami, madi' opoposia mami na belemiu, asan beleyum boli monsisik kami mau mule' pa' hi he. Nukutuki nu Tumpu na kami de kami madi' mongganapi janji' aijo'.”

YOSUA 2:14 ပူးပေါင်းရင်းမြစ်များ

KAJADIAN 24:49

Uuka aiya de komiu sanang na montalima kahanda' nu tuanku ma'i-ma'ima' ka' mompopo'i'mo na komiu hi ia salaku ponginau' moto utus, yo poto'imo mae hi belengku panyo de madi' yo taloakonmo mae, da ku sumbu' apaa na anu tionyo ku bau.”

KAJADIAN 47:29

Salatan ohanimo na tempo'nyo ia silakamo, ilaganyomo na i Yusuf anaknyo aijo', lantas pinoto'inyomo hi ia, “Potiik mae na lima nu beleyum i olot nu jalempakan nu pa'angku ka' basumpa' saba' beleyujm madi' molamun aku i Mesir aiya.

2 SAMUEL 2:5

ia nonsaimo mian namba nokiijo' da mompotoka potuunon, “O'amalakon da Tumpu mombalakati belemiu kalana belemiu nompotoamo kanonongan nu belemiu hi tomundo' nu belemiu, nolamunmo bangke'nyo.

2 SAMUEL 2:6

Mokonyo' aijo' o'amalakon da Tumpu mompotoa kalibosan-Nyo ka' kanonongan-Nyo hi belemiu. Aku suele mompalentahje belemiu ma'i-ma'ima' kalana belemiu nombaumo sumo aijo'.

2 SAMUEL 9:1

Daagi kino sansinaan i Daud nolelekimo, “Pa' daagi ko anu tinumuu' na lee' mae i Saul? De pa' daagi aku ko kahanda' ma'ima' hi ia kalana aku monginau' i Yonatan.”

1 TOMU-TOMUNDO' 20:39

Salatan i Tomundo' notulumo, nabi aijo' notataemo hi ia, “Belento Anu Opopodaka', tempo'nyo aku hau-haunyo nahampate i pahampatean, samian na suludadu nomboa mae hi belengku samian na sampo bali' anu i hakop. Notatae na suludadu aijo', 'Ojagai ima-ima' na mian aiya. De ia malai, beleyum tionyo opatei bau pontokong ia, kabai mombayan 3.000 na doi salaka'.'

AMSAL 14:22

Ihe na bala usaha mombau han anu ma'ima' saidi' mae opalesaya ka' oholomati; panyo ihe na montanga'i palabuatan anu ma'idek jalannyo sinala'mo.

AMSAL 18:24

Daagi' ko sampo bela' anu madi' tulu-tulutan. Daagi' mule' ko anu lebe mompahakona hondo nulingkuduimo utus.

MATIUS 5:7

Bila-bilahi na mian anu mongkalibosi mian sangga'at; Tumpu mongkalibosije aha suele!

SISIKON NU TO RASUL-RASUL 23:22

Kapala nu suludadu aijo' notatae, “Boli opoto'i pa' hi he, na beleyum nompotokamo aiya hi belengku.” Lantas ia nonsai olitau aijo' da minsusule'mo.

YOSUA 2:15

Kalana laigan i Rahab pinotinjo naninjakit i mesen nu kota sahingga i Rahab nonguluakon ua' aha aijo nu kahohon nontulu i tolongan.

YOSUA 6:17

Iwi-iwi' na kota ka' isinyo mule' iwi-iwi' tionyo ahi' ohopu'i ingko-ingkot salaku bau palasombahan hi Tumpu. Ola i Rahab, boune anu lewa' masala' aijo' tiba to utu-utusnyo ka' aha sambonua na opotumuu' kalana ia nontulungimo anu sinainto nondoyoni.

YOSUA 6:22

Aha ua'aha na anu namba nondoyoni pinoto'imo i Yosua, “Lako' i laigan nu boune anu lewa' masala' aijo', ka' boamo mae na ia, sabatakon mae hingga-hinggat tiba to utu-utusnyo tiba aha motoanak sambonua susumo anu jinanji'mo nu belemiu hi aha.”

YOSUA 6:25

Panyo i Rahab boune anu lewa' masala' aijo' tiba to julu-julu'nyo iwi-iwi' pinotumuu' i Yosua, kalana nontulungimo ua'aha na anu namba nondoyoni Yerikho pinokau i Yosua. (Sampe uuka aiya i Rahab daagi' kiijo' i Israel.)

1 SAMUEL 20:8

Ku poita da beleyum montulungi mae aku, kalana kita binajanji'mo i ahop nu Tumpu. Panyo de aku ahi' nombaumo kasala'an, yo pateimo mae ahi' na aku, asan boli nu bee' na aku hi tuuma nu beleyum.”