YOSUA 2:12 - KITAB NU TUMPU ALLA LELE MA'IMAI'

^12-13 Ku poita sabole-bole da belemiu basumpa' i sanggo-Nyo salaku bau pomponyata', belemiu madi' mompoposia kami sambonua susumo anu binaungkumo hi belemiu. Bajanji' da tuuma ka' tinangku, ka' to utu-utusku, ka' iwi-iwi' na aha sambonua madi' opatei nu belemiu, panyo opotuu' ahi' nu belemiu. Ka' han aijo' bee'i mae sa'angu' na tanda da otoongi mami ka' da ku palesayamo na belemiu!”

YOSUA 2:12 ပူးပေါင်းရင်းမြစ်များ

KAJADIAN 21:23

Kalana aijo' basumpa' na beleyum aiya i ahop nu Tumpu Allah, beleyum motatae madi'mo mombau han anu ma'idek hi belengku, sumo aitu mule' hi to ana-anakku, kabai hi lee'ku. Susumo aku nanonongmo hi beleyum, sumo aijo'mo na obau mae hi belengku ka' hi lipu' anu nu jojoongi aiya.”

KAJADIAN 24:3

Basumpa' hi Tumpu, Tumpu Allah anu mongkuasai langit ka' tano', saba' beleyum madi' molioi bengkele' i Ishak anakku hi to mia-mian i tano' nu Kana'an aiya.

KAJADIAN 24:9

Lapas aijo' posaihon aijo' nompotiikmo limanyo i olot nu jalempakan i Abraham tuannyo, ka' binasumpa' tionyo mombau apaa na anu pinoitamo i Abraham aijo'.

KAJADIAN 40:14

Panyo o inau' mae na aku de beleyum mingkalianganmo. Tulungi potokakon na han nu butongku hi tomundo da aku opobebasmo i talungku' aiya.

2 TAWARIKH 36:13

I tomundo Nebukadnezar nompakisamo i Zedekia da basumpa'mo i uno nu sanggo nu Tumpu Allah tukoonyo da ia tulu-tulutanmo hi Nebukadnezar. Panyo mamanga ahi i Zedekia notomuhukmo hi Nebukadnezar. I Zedekia pinanggagamo hi Tumpu, Tumpu Allah Israel. Ia madi'mo mongka'oho' mompala'i dosa'nyo ka' madi'mo poule' palesaya hi Tumpu.

ESTER 8:6

Te sanang mule' na aku aiya montoa bansangku tiba to utu-utusku opateimo iwi-iwi'?”

NOSABATMO 12:13

Baso' anu i sabatan nu laigan nu belemiu bau pontandai laigan haha atina' kajojoongan nu belemiu. De Ku toamo na baso' aijo' belemiu so'mo Ku liu-liu ka' madi' Ku silakai de Aku mohukumo Mesir!

YEREMIA 12:16

De aha totu-totu'umo ahi' na montalima agama nu mian anu palesayamo hi beleng-Ku ka' basumpa'mo ahi' ka' motatae, ‘Tiba sanggo nu Tumpu anu tumuu',’ – susumo naipuan mae aha nongajanmo mian anu palesayamo hi beleng-Ku binasumpa'mo tiba sanggo nu Baal – sahingga aha suele minsoopmo mian anu palesayamo hi beleng-Ku ka' mohumpakmo kantumuu'an anu ma'ima'.

MARKUS 14:44

Anu mongkabisa'i nontantukanmo sa'angu' na tanda hi aha. “Mian anu ku ooki,” na koonyo hi aha, “Iamo na mian-Nyo. Hakop na Ia ka' boa na Ia, ka' ojagai hondo-hondo.”

ROMA 1:31

aha madi' mongka'oho' monsumbu' mian sangga'at; aha panggaga, tiba madi' monsumbu' atulan hi sangko mian.

1 TIMOTIUS 5:8

Panyo de ko mian anu madi' montombuati to julu-julunyo, lebe-lebe mule' to utu-utusnyo, mian aijo' motundemo i kapalesaya'annyo; ia lebe ma'idek nu lingkuduimo na mian anu madi' palesaya.

YAKOBUS 2:13

Kalana Tumpu madi' mompotoa kalibosan-Nyo hi mian anu madi' monsumbu' kalibosan. Panyo kalibosan lebe mahoson molingkudui hukuman!

YOSUA 2:18

Ola uuka na anu tionyo ahi' nu bau. De kami montumbuhimo lipu' nu belemiu aiya, sabole-bole kahohon mea-mea' aiya nu posegot i tolongan aiya, tampat pinonguluakonanmo nu beleyum kami. Tuuma ka' tina nu beleyum, to utu-utus nu beleyum, iwi-iwi' na aha sa'anakan nu tuuma nu beleyum tionyo ahi' sihuk i laigan nu beleyum aiya.

YOSUA 2:19

De sala'samian anu aijo' hi aha mosabat i laigan aiya ka' opatei, ia i nate aijo' kalana posi sala'nyo; han aijo' misa' ponsumbu'an mami. Kami madi' montanggung kasala'annyo. Panyo de daagi' ko anu silaka i laigan aiya ponsumbu'anmo mami na montanggung kasala'annyo.

YOSUA 6:22

Aha ua'aha na anu namba nondoyoni pinoto'imo i Yosua, “Lako' i laigan nu boune anu lewa' masala' aijo', ka' boamo mae na ia, sabatakon mae hingga-hinggat tiba to utu-utusnyo tiba aha motoanak sambonua susumo anu jinanji'mo nu belemiu hi aha.”

YOSUA 9:15

I Yosua nombaumo palajanjian da mobela'mo tiba mian nu Gibeon haha aijo', ka' nojanji'mo madi'mo daagi' mompatei aha. To pola-polaya' nu aha mian Israel suele binasumpa'mo da boli okolilimi na palajanjian aijo'.

TO MIA-MIAN KOPIAN 1:24

aha siningkabotmo tiba samian na mo'ane anu lengkat mae i kota. Koonyo nu aha hi ia, “De beleyum mongka'oho' montulungi kami da kami moko ala minsoop i kota aijo' madi'je opoposia mami na beleyum.”

1 SAMUEL 30:15

Lantas pinokilawamo i Daud hi ia, “Mongka'oho' na beleyum molaya' aku mamba ikajojoongan nu aha mian haha itina'?” Tinaamannyo, “Aku mongka'oho' asan belento Tuan bajanji' hi belengku i uno nu sanggo nu Tumpu Allah, aku madi' opatei nu belento Tuan, kabai obee'mo hi tuanku.”