YOSUA 2:11 - KITAB NU TUMPU ALLA LELE MA'IMAI'

¹¹ Salatan ihongomo mami na lele haha aijo' kami nabuhukmo hondo. Iwi-iwi' na mian aiya hi kami madi'mo ko anu binaani kalana nohongomo belemiu. Tumpu Allah nu belemiu totu-totu'u Tumpu Allah Anu Daka' na Kuasanyo aita' i langit ka' aiya i dunia.

YOSUA 2:11 ပူးပေါင်းရင်းမြစ်များ

1 TOMU-TOMUNDO' 8:60

Tiba jalan anu sumo aijo' iwi-iwi' na bansa i dunia aiya monsumbu'je taalu' ola-olamo ahi' Tumpu, na Tumpu Allah, madi' ko sangga'atannyo.

2 TOMU-TOMUNDO' 5:15

Lantas ia ka' iwi-iwi' na anu nombatuki ia po'ule'mo namba hi Elisa. “Uuka aiya sinumbu'kuje,” na koonyo i Naaman hi Elisa. “Taalu' i songko-songko na dunia ola samian na Tumpu Allah. Aijo'mo Tumpu Allah anu osombah nu mian Israel. Kalana aijo' belento Tuan sanang ahi' mae na mongala anu ku bee' aiya.”

NEHEMIA 6:16

Tempo'nyo to sampo-sampobali' mami te to bansa-bansa anu mompaha ohani kiijo' nohongomo han aijo', aha nabuhukmo dumo saidi mae ma'ambangmo, kalana sinumbu'mo nu mian iwi-iwi' na kalaja aijo' binau kalana Tumpu Allah na nontulungi.

ESTER 8:17

Ka' mule' i toto sa'angu' na kota' ka' propinsi, anu binasa'akonmo na sulat palentah i tomundo, to mia-mian nu Yahudi ilame'mo, lewa'mo binasanang-sanang ka' nombaumo bau-bauon. Sahingga nanjoo'mo na aha tumpu nu lipu' tinimbalimo bansa Yahudi, kalana aha nabuhukmo hi nu aha na bansa aijo'.

MAZMUR 102:15

Kalana to posa-posaihon nu Belento nongka'ima'imo ia, maumo ia nohobo'mo. Aha nongkalibosimo ia maumo ia tinimbalimo abu'.

MAZMUR 22:14

Aha nongahopi mae aku nganga' nu aha singkapmo tinolo anga', sumomo singa anu nohuu'akonmo ka' monsa'umo.

MAZMUR 58:7

O, Tumpu, pato'i iwi-iwi' na bese' nu aha, gautakon na sae nu singa haha aijo' anu daagi' bata'nyo, o, Tumpu.

MAZMUR 83:18

Bakas na aha saja' opopo'ambang ka' saja' mongoa'i mabuhuk, bakas na aha silaka kalana nusaduakon lewa'mo o'alu.

NOSABATMO 15:14

To bansa-bansa nohongomo ka' i lakatnyomo; mian nu Filistin ka' to pola-polaya' nu Edom ginago'mo. Mian nu Moab anu toto babaani i lakatnyomo, mian nu Kana'an kinulangmo na kinyonyoanyo.

YESAYA 13:7

Toto samian nu oa'i kapi'mo na limanyo ka' madi'mo kokabaaniannyo.

YESAYA 19:1

Sumo uuka na potuunon mongkona aha Mesir. Tumpu tokamo mae i Mesir monsake'i mae kundom anu malia'. Iwi-iwi na pilogot anu daagi' i Mesir nu lakatmo i ahop-Nyo ka' aha mian nu Mesir ise-ise'mo na kinyonyoa nu aha.

YEHEZKIEL 21:15

Ia nompojadimo bansang-Ku da madi'mo binaani ka' nohumpakmo kasusa'an. Pinopobuhuk-Kumo na kota' nu aha nu bajak anu jijinongkilabanmo aijo' susumo kilat ka' me kogia'nyo mompatei.

NAHUM 2:10

Ninewe ihansunmo ilingmo ka' kinunmo. Kinyonyoa natawasmokalana nabuhukmo. Ike-ike' ilundengmo ka' ilakatnyomo. Ohup nu mian iwi-iwi' singkapmo ine'es hondo.

PO'ULE' INGULIT 1:28

Jadi bau apa na kita mokijo? Tomi-mian anu pinokaunto no kijo' mombau kita mabuhuk tiba mompotoiakon saba bansa aijo lebe mahason ka lebe bani hondo tiba kita, ka'aha mule' jojong i kota-kota anu ko pimpi'nyo ko tangkasnyo toka i langit.

PO'ULE' INGULIT 20:8

To kapa-kapala nu suludadu suele tionyo ahi' mompoto'i aiya hi belemiu, ‘Pa' daagi' ko mian anu aiya hi belemiu madi' moko ala mahampate ka' mabuhuk? De daagi', pinsusule' pe'e na ia da boli ia na mongidei kabaanian nu mian sangga'at.’

PO'ULE' INGULIT 4:39

Kalana aijo' soba ahi' tutugi sinaa aiya ka' bolimo okolilimi, ola Tumpu sa'a-sa'angu'nyomo na Tumpu Allah i langit ka' i dunia; madi' ko anu sangga'at.

YOSUA 14:8

To mia-mian anu namba tiba aku, nompopobuhukmo aha mian nu Israel. Panyo aku sabole-bole saja' nohongo-hongo Tumpu Allah-ngku.

YOSUA 2:24

Lapas aijo' aha notataemo, “Memang matantumo na Tumpu mombee'mo iwi-iwi' na lipu' aijo' hi kita, iwi-iwi' na mian anu kiijo' mae nongkabuhukmo kita.”

YOSUA 5:1

Iwi-iwi' na tomundo nu aha Amori i sasu kinsoban Kaunyo nu Yordan, ka' iwi-iwi' na tomundo nu aha Kana'an i sonibi nu Ambai Totonga'nyo nohongomo tukoonyo Kaunyo nu Yordan pinoti'imo nu Tumpu salatan mian nu aha Israel notaapmo i kaunyo aijo'. Sahingga aha nabuhukmo hi mian nu aha Israel ka' i lakatnyomo.

YOSUA 7:5

Mian nu Ai haha aijo' mololoi' mae aha lengkat pe'e i sabatan daka' nu kota Ai tinoka-toka i da'erah tampat pongkekean balang anu i uno nu tano', lantas nompateimo aha tolumpulu' ka' anom na mian i tengke nu bungkutnyo. Sahingga aha mian nu Israel tinolosok'mo na kinyonyoa ka' nabuhukmo.

YOSUA 9:24

Tinaaman nu aha, “Obaumo mami susumo itina' kalana ihongomo mami na Tumpu Allah anu osombah nu belento Tuumangku aijo' nompokaumo i Musa, posaihon-Nyo aijo', mombee'mo hi belento Tuumangku songko-songko na lipu' aiya ka' mompateimo iwi-iwi' na anu jojoong ikiijo' de belento Tuumangku mongalamo tano' aijo'. Mabuhuk na kami de saidi' mae kami opateimo, mokonyo aijo' obaumo mami na iwi-iwi' itina'.

ANU PINOTO'I HI YOHANES 6:16

Hi to bungku-bungkutnyo ka' batu haha aijo', aha noloboo'mo, “Tuda' mae na kami! Posulukakon na kami da boli Nutoa nu anu sumuhang aita' i kasuhangan aijo', ka' da boli mohumpak tambuha' hi Anak nu Domba aijo'!