YOSUA 2:1 - KITAB NU TUMPU ALLA LELE MA'IMAI'

¹ Lapas aijo' lengkat mae i Kemah nu aha kiijo' mae i Sitim, i Yosua nonsaimo ua'aha na mian anu mamba mondoyoni Kana'an. Ua'aha na mian aijo' pinalentah da mamba montoa pa' mosia na lipu' Kana'an panyo matikohowini da boli nusumbu' nu aha, ka' anu talalo penting hondo kota Yerikho. Sahingga nambamo na aha i kota aijo' ka' nompoita da jojoong pe'e i laigan nu samian na boune anu biasa masala', sanggonyo i Rahab.

YOSUA 2:1 ပူးပေါင်းရင်းမြစ်များ

KAJADIAN 42:16

Samian atina' hi belemiu tionyo mamba mongala ia. Sangga'at madi' opobee' mamba sampe ko bukuti'nyoje na potatae miu. De madi', tiba sanggo nu tomundo, nyata'mo belemiu aiya to koka-kokap nu sampobali'!”

KAJADIAN 42:9

Lantas ia tinonginau'mo i ipionnyo mongkona aha. Ka' notataemo na ia, “Belemiu aiya to koka-kokap; komiu aiya toka mae mondoyoni iya na tampat i lipu' mami aiya anu opoko ala opinsoopi miu.”

MIKHA 6:5

O, mian-Ku anu palesayamo boli okolilimi apaa na anu tinanga'anmo i Balak tomundo' nu aha Moab kona hi belemiu ka' mosia na i Bileam anak i Beor nontaami hi ia. Boli okolilimi apaa na anu jinadimo i jalan olot nu pinombauan kemah kiijo' i Sitim tiba Gilgal. De madi' okolilimi nu belemiu iwi-iwi' aijo' tantu osumbu'je nu belemiu apaa na anu binaung-Kumo kahanda' momposalamat belemiu.”

NOMBILANGMO 13:1

Tumpu notataemo hi Musa,

NOMBILANGMO 13:2

“Toto sa'angu' na tulunan nu bansa Israel o ala samian na polaya' nu aha da mamba mondoyoni lipu' nu Kana'an anu Ku bee'mo hi aha mian nu Israel.”

NOMBILANGMO 25:1

Hau-haunyo bansa Israel jinojoongmo i Bangka'nyo nu Sitim, to momo'ane nu aha nasala'mo tiba to bou-boune nu aha Moab anu jojoong ikiijo'.

MATIUS 10:16

“Palahatikan na aiya: Aku monsai komiu sumo domba anu madi' moko ala mokiijo' i totonga' nu pojek anu buhingison. Komiu tionyo balajaga-jaga sumo ulo ka' hodi' na kinyonyoa sumo tomonsi' malapati'.

EFESUS 5:5

Palahatikan ima-ima': mian anu ko gau' masala' kabai anu madi' mingkona, kabai mangoa, (kalakuan sumo aijo' sumomo monsombah pilogot), mian aijo' madi' timbali minsoop mian anu palesayamo, anu nu palentah i Kristus ka' Tumpu.

IBRANI 11:31

Ola kalana bala'iman, sahingga i Rahab, boune anu lewa-lewa' masala' aijo', madi' pinatean hingga-hinggat tiba to mia-mian anu madi' tunduk hi Tumpu; kalana ia na nontalima ima-ima' mian nu Israel anu namba nondoyoni.

YAKOBUS 2:25

Toa suele na i Rahab, boune anu lewa' masala' aijo'. Ia pinototu'umo nu Tumpu kalana apaa na anu binaunyomo tempo'nyo ia nomposoop i uno nu laigannyo anu namba nondoyoni bansa Israel ka' nontulungimo aha nopalai nontului jalan sangga'at.

YOSUA 1:18

Batu-batu mian anu madi' mongka'oho' ta'aluk i kakuasa'an nu beleyum kabai madi' montuluti palentah nu beleyum, mohumpak hukuman mate. Tionyo ahi' beleyum totu-totu'u na kinyonyoa ka' baani!”

YOSUA 2:2

Tomundo nu kota Yerikho nohongomo pihi-pihi aijo' daagi' ko mian nu Israel anu tinokamo mondoyoni da'erah nu Yerikho.

YOSUA 3:1

Dodododopnyo, i Yosua ka' iwi-iwi' na mian nu aha Israel daagi' subu-subu hondo aha nobulamo, lantas nompala'imo tampat pinombauan nu aha kemah kiijo' i Sitim, ka' nambamo nokiijo' i Kaunyo nu Yordan. Tinoka ikiijo' aha nombaumo kemah polalanuan hipian na motaap.

YOSUA 5:10

Hau-haunyo aha binakemahmo i hatanyo nu Gilgal madi'mo majo'on lengkat i Yerikho, aha mian nu Israel nolame'akonmo Paskah mamalom tanggal sampulu' ka' opat i bitu'on aijo'.

TO MIA-MIAN KOPIAN 18:14

Aha olima' na mian anu sinai momona namba mondoyoni notataemo hi to sanga-sangalunyo, “Pa' osumbu' nu belemiu na sala'sa'angu' na laigan aiya ko patongnyo anu i lapisan nu salaka? Ka' mule' to pato-patong sangga'at ka' baju' nu imam. Soba tutugi apaa na tionyo ahi' obaunto.”

TO MIA-MIAN KOPIAN 18:17

Aha olima' na anu nondoyoni aijo' lau-laus ninsoop i uno nu laigan, ka' nongala patong kau' anu i lapisan nu salaka aijo', tiba to pato-patong sangga'at tiba baju' nu imam. Olitau mian nu Lewi aijo' hau-haunyo tinjo-tinjo tiba aha ano'atu na suludadu haha aijo' i sabatan daka'.

TO MIA-MIAN KOPIAN 18:2

Kalana aijo' aha nompile'imo olima' na mian anu baani hi aha mian anu hi tulunan nu bansa Dan anu jojoong i Zora tiba Asytoal, lantas nombee'imo kalaja hi aha olima' na mian aijo' da monselidiki lipu' aijo'. Sahingga nambamo na mian haha aijo', ka' tinokamo i da'erah nu bungkutnyo i da'erah nu aha Efraim. Ikiijo' aha sinonso'mo hi laigan i Mikha.