YOSUA 19:51 - KITAB NU TUMPU ALLA LELE MA'IMAI'

⁵¹ Sumo aijo' na i Imam Eleazar, i Yosua anak i Nun, ka' to tu'a-tu'anyo nu auwan hi aha tulunan nu bansa Israel nombagi-bagimo tano' i lipu' aijo' binauakon onde, nompoita pokinde' pa' mosia na koonyo nu Tumpu. Binau nu aha na aijo' i Silo i ahop nu sabatan nu Kemah nu Tumpu. Sumo aijo' na nombagi tano' haha aijo'.

YOSUA 19:51 ပူးပေါင်းရင်းမြစ်များ

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

MAZMUR 78:60

Pinala'ian-Nyomo na Kema'Nyo kiijo' i Silo, anu binau kajojoongan-Nyo sama-sama nosangalu aha.

MATIUS 20:23

I Yesus notatae, “Memang komiu monginumje suele i mangko'-Ku. Panyo mongkona ihe na anu sumuhang i kowi ka' i koanan-Ku, aijo' misa' kuasang-Ku na montantukan. Tampat-tampat aijo' bau tampat nu to mia-mian anu tinantukanmo nu Tuumang-Ku.”

MATIUS 25:34

Lapas aijo', Tomundo aijo' notatae hi to mia-mian anu i sasu koanan-Nyo, ‘Imbo' na komiu anu binalakatanmo nu Tuumang-Ku. Pinsoopmo i uno nu Kalaja'an anu pinosadiakon hi komiu salatanmo pe'e dunia momona.

YOHANES 17:2

Kita Tuuma nombee'mo kuasa mompalentah iwi-iwi' na mian hi Anak, da Ia mombee'i kantumuu'an kopian ka' toka sidu-sidutu' hi iwi-iwi' na mian anu binee'mo nu Tuuma hi Ia.

SISIKON NU TO RASUL-RASUL 13:19

Popitu' na bansa ginalisan-Nyo i lipu' Kana'an da o bagi-bagi na lipu' aijo' hi bansa Israel da lipu' aijo' timbalimo anu nu aha.

YOSUA 14:1

Uuka aiya monsisikakonmo mosia na lipu' Kana'an anu i sasu kinsoban Kaunyo nu Yordan binagi-bagiakonmo hi aha mian nu Israel. Anu nombagi-bagiakon tano' aijo' hi aha mian nu Israel i Imam Eleazar, i Yosua anak i Nun, tiba to tu'a-tu'anyo nu auwan anu hi aha tulunan nu bansa Israel.

YOSUA 18:1

Noko lapas na nompatundu' lipu' anu jinanji'mo nu Tumpu, aha mian nu Israel iwi-iwi' sinihukmo i Silo, lantas aha nompaha pokonamo Kemah da bau katokaan nu Tumpu.

YOSUA 18:10

Lantas i Yosua nombaumo onde da bau ponsumbu'an mosia na koonyo nu Tumpu hi aha. Lapas aijo' i Yosua nombee'mo tano' pombahagian hi toto sa'angu' na tulunan nu bansa Israel anu ma'isa nohumpak pombahagian tano'.

YOSUA 20:1

Lapas aijo' Tumpu nompokaumo i Yosua,

TO MIA-MIAN KOPIAN 21:19

Sumo uuka'na koonyo nu aha, “daagi ko jalan sa'angu', aijo'mo ko lamean anu saja' obau sataun toka sataun kiijo' i Silo, monsombah Tumpu.” (I Sasu salatan silo aiya daagi ko kota Betel ka i sasu kinsobannyo daagi ko jalan daka'lengkat mae i Betel mokiijo' i Sikhem ka' i sasu utaranyo ko kota Lebona.)

TO MIA-MIAN KOPIAN 21:21

ka' otanda'i ikiijo'. Saidi' mae de to lalangkoyang nu aha Silo mosabatmo mae mamba monsalelei i lamean anu obau sataun toka sataun monsombah Tumpu, belemiu mosabatmo mae i ale' nu anggur haha aijo' lantas toto samian mohakopmo samian na langkoyang nu aha ka' opalaihakon mamba i daerah Benyamin da baumo bengkele' nu belemiu.

1 SAMUEL 1:3

Sataun toka sataun i Elkana mamba lengkat i Rama da monsombah Tumpu kiijo' i Silo ka' monsombahkon koloban hi Tumpu Anu Daka na kuasanyo. Anu tinimbali imam nu Tumpu kiijo' i Silo aijo'mo i Hofni tiba i Pinehas, aha to ana-anak i Eli.