YOSUA 19:29 - KITAB NU TUMPU ALLA LELE MA'IMAI'

²⁹ Lengkat ikiijo' potempasan aijo' noselemo mambamo mompanjolongi Rama lantas toka-toka i kota Tirus, aijo'mo sa'angu' na kota anu ko bentengnyo: lapas aitu potempasan aijo' noselemo mule' mamba mompanjolongi Hosa lantas puusnyo i Ambaimo anu Totonga'nyo. I Potempasan haha aijo' minsoopmo na Mahalab, Akhzib,

YOSUA 19:29 ပူးပေါင်းရင်းမြစ်များ

KAJADIAN 38:5

Anak ko totolu'nyo mule' suele mo'ane, sinanggohannyo i Syela. Tempo'nyo i Syela i hampe', i Yehuda hau-haunyo kiijo' mae i Kezib.

2 SAMUEL 24:7

Lengkat i kiijo' aha nambamo i Tirus sasu selatan kota anu ko bentengnyo aijo'. Ka' mule' aha nambamo i to kota-kota iwi-iwi' hi aha mian nu Hewi ka' mian nu Kanaan ka' ahennyo nambamo nokiijo' i Bersyeba i sasu selatan Yehuda.

2 SAMUEL 5:11

I Tomundo' Hiram anu kiijo' mae i Tirus nonsaimo mae mian namba hi Daud salaku utusan nu kalaja'annyo, ka' nomboamo kau'lontio' nu Libanon, tiba to tuka-tukang kau' ka' mule' to tuka-tukang mesen da mompotinjoakon laigan nu tomundo'.

1 TOMU-TOMUNDO' 5:15

I Salomo suele nompalentahmo 80.000 na mian mompa'at batu anu lengkat mae i bungkutnyo ka' 70.000 na mian anu mongato batu haha aijo'.

YEHEZKIEL 28:21

“O manusia anu madi' tumuu' batu kutukimo na kota' Sidon.

MIKHA 1:14

Uuka aiya aha mian nu Yehuda, belemiu madi'mo ko kota' Moresyet-Gat. To tomu-tomundo' nu aha Israel madi'mo daagi' ko anu montulungi lengkat mae i kota' Akhzib.

ZAKHARIA 9:3

Tirus nombaumo bente-benteng bau ponjagai butong nu aha ka' nolimu'mo manjoo' hondo na mosoni' tiba salaka sahingga sumomo ahi' balang biasa, susumo bone' ka' hensek i jalan.

YOSUA 18:25

Ka' suele sampulu' ka' opat na kota aiya tibamo kampu-kampung anu kiijo' i da'erahnyo: Gibeon, Rama, Beerot, Mizpa, Kefira, Moza, Rekem, Yirpeel, Tarala, Zela, Elef, Yebus (aijo'mo Yerusalem), Gibea tiba Kiryat-Yearim. Aijo'mo na tano' iwi-iwi' anu binee'mo hi to utu-utus tulunan nu bansa Benyamin da timbalimo anu nu aha.

YOSUA 19:30

Uma, Afek tiba Rehob. Songko-songko na da'erah nu aha kiijo'mo i unonyo na uampulu' ka' ohua' na kota tibamo kampu-kampung anu sinangkupnyo.

TO MIA-MIAN KOPIAN 1:31

Anu jojoong i kota Ako, Sidon, Ahlab, Akhzib, Helba, Afek tiba Rehob suele madi' i laa' nu aha tulunan nu bansa Asyer.