YOSUA 18:8 - KITAB NU TUMPU ALLA LELE MA'IMAI'

⁸ Jadi i Yosua nompokinde'imo sumo uuka hi mian haha aijo' “Lako'mo mamba toa mae na lipu' aiya ka' gambalan nu potempasannyo obau mae; lapas aijo' pinsusule'mo mae hi belengku. Ku bauakonje onde aiya i Silo da osumbu' pa' mosia na koonyo nu Tumpu hi belemiu.” Noko humpak na aha pokinde' haha aijo' hi Yosua nambamo na aha nontoa tano' aijo'.

YOSUA 18:8 ပူးပေါင်းရင်းမြစ်များ

KAJADIAN 13:17

Uuka aiya songkohimo na tano' aiya kalana Ku bee'mo hi beleyum.”

YESAYA 34:17

Tumpu na mombagimo lipu' aijo' hi aha ka' toto samian mohumpakmo pombagiannyo. Aha jojoongmo ikiijo' sampe toka sidu-sidutu', ka' mule' tano' timbalimo anu nu aha sampe molundu-lundu na tulunan.

ROMA 14:19

Mokonyo aijo' apaa na anu okahanda'i obaunto tionyo ahi' saja' hahan anu mompotimbali posa'angu'an ka' mompaha bango-bangonakon.

YOSUA 13:7

Jadi, uuka aiya bagi-bagiakonmo na tano' aijo' hi aha osio' na tulunan nu bansa Israel, ka' hi sambahagian na tulunan nu bansa Manasye, da tano aijo' timbalimo aha na tumpunyo.”

YOSUA 15:1

To utu-utus tulunan nu bansa Yehuda nohumpak pombahagian tano, lantas potempasannyo sumo uuka: Sasu selatan, da'erah aijo' toka-toka i puusnyo hondo nu selatan da'erah padang bolaa Zin motempas tiba Edom.

YOSUA 18:1

Noko lapas na nompatundu' lipu' anu jinanji'mo nu Tumpu, aha mian nu Israel iwi-iwi' sinihukmo i Silo, lantas aha nompaha pokonamo Kemah da bau katokaan nu Tumpu.

YOSUA 18:10

Lantas i Yosua nombaumo onde da bau ponsumbu'an mosia na koonyo nu Tumpu hi aha. Lapas aijo' i Yosua nombee'mo tano' pombahagian hi toto sa'angu' na tulunan nu bansa Israel anu ma'isa nohumpak pombahagian tano'.

YOSUA 18:6

Gambalan nu potempasan anu popitu' na bahagian nu tano' aijo' tionyo ahi' obau ka' obee' mae hi belengku. Ku bauakonje onde da osumbu' pa' mosia na koonyo nu Tumpu Allah hi belemiu.

YOSUA 18:9

Songko-songko na lipu' aijo' i lajangan nu aha, ka' potempasan nu tano' anu popitu' na bahagiannyo aijo' tinulis mae nu aha iwi-iwi' na kota anu kiijo' mae suele tinulis nu aha. Lapas aijo' aha ninsusule'mo mae hi Yosua i kemahnyo kiijo' i Silo.

1 SAMUEL 14:41

Lapas aijo' binalado'amo na i Saul, “O Tumpu, Tumpu Allah nu aha Israel, kadaka' sinaa aiya belento madi'mo nontaami mae aku? Tumpu, taami mae na aku, potoa mae na tandanyo hi batu anu susi' haha aiya. De kasala'an aiya hi belengku kabai hi Yonatan taami mae hi batu Urim aiya, panyo de kasala'an aijo' hi aha mian nu Israel anu pinalesayamo hi belento, yo taami mae hi batu Tumim aiya.” Sahingga tinaamanmo nu Tumpu, nompoto'i kona hi Yonatan ka' hi Saul na ko kasala'an sahingga mian da'isan na madi' ahi' kosala'nyo.