YOSUA 18:21 - KITAB NU TUMPU ALLA LELE MA'IMAI'

^21-24 Kota-kota anu nu to utu-utus tulunan mae nu bansa Benyamin iwi-iwi' sampulu' ka' ohua' na kota tibamo kampu-kampung anu kiijo' i da'erahnyo aijo'mo: Yerikho, Bet-Hogla, Emek-Kezis, Bet-Araba, Zemaraim, Betel, Haawim, Para, Kefar-Haamonai, Ofni tiba Geba.

YOSUA 18:21 ပူးပေါင်းရင်းမြစ်များ

1 TOMU-TOMUNDO' 3:4

Tampat ponsomban anu talalo hondo talasanggo kiijo' mae i Gibeon. Toto monsan i Salomo monsombahkon koloban kiijo' mae daagi' kino sansinaan, susumo anu saja'mo nu bau, ia po'ule' namba.

YEHEZKIEL 48:23

Tano' anu isasu salatan daerah anu pinosadiamo aijo' baumo bagi nu to tulu-tulunan nu bansa sangga'at. Ko loasnyo nu tano' aijo' lengkat pe'e mae i potempasan sasu kabete'an lau-laus isasu kinsoban toka-toka i Ambai anu i Totonga'nyo, ka' binagimo lengkat mae isasu utara namba isasu salatan sumo uuka na lundu-lunduannyo: Benyamin Simeon Isakhar Zebulon Gad

LUKAS 10:30

I Yesus nontaami, “Daagi' ko samian na mo'ane nintudun mae lengkat i Yerusalem mamba mokiijo' i Yerikho. I totonga' nu jalan, ia tinumbuhanmo nu tololang, ingagoanmo iwi-iwi' na anu daagi' hi ia, binandahannyo boboli' inate, lantas pinala'iannyo banda-bandang i jalan kahomo bela daka'.

LUKAS 19:1

Salatan i Yesus tinokamo i Yerikho, Ia i lumajangmo lau-laus so' noliu-liu kota aijo'.

YOSUA 15:6

mokiita' i Bet-Hogla, lantas lau-laus i potempasan tiba Bangka'nyo nu Yordan. Lengkat ikiijo' potempasan sasu utara aijo' mokiita'mo lau-laus i utara toka-toka i Batu Bohan (i Bohan aijo' anak i Ruben),

YOSUA 18:12

I sasu utara potempasan nu tano' nu aha, otampu'uni lengkat mae i Kaunyo nu Yordan, lantas mokiita'mo i sohipi' nu bungkutnyo sasu utara Yerikho, lapas aijo' mompanjolongimo sasu kinsoban motulu da'erah anu ko bungkutnyo kojo'onnyo toka-toka i da'erah nu padang bolaa Bet-Awen.

YOSUA 18:19

motulu sasu utara i sohipi' nu bungkutnyo Bet-Hogla, ka' puusnyo, i sasu utara Ambai-Mate minanganyo nu Kaunyo Yordan. Aijo'mo na potempasan sasu selatan.

YOSUA 18:20

Kaunyo nu Yordan salakumo potempasan sasu kabete'an. Sumo aijo' na potempasan nu tano' haha aijo' anu binee'mo hi to utu-utus tulunan nu bansa Benyamin da timbalimo anu nu aha.

YOSUA 2:1

Lapas aijo' lengkat mae i Kemah nu aha kiijo' mae i Sitim, i Yosua nonsaimo ua'aha na mian anu mamba mondoyoni Kana'an. Ua'aha na mian aijo' pinalentah da mamba montoa pa' mosia na lipu' Kana'an panyo matikohowini da boli nusumbu' nu aha, ka' anu talalo penting hondo kota Yerikho. Sahingga nambamo na aha i kota aijo' ka' nompoita da jojoong pe'e i laigan nu samian na boune anu biasa masala', sanggonyo i Rahab.

YOSUA 6:1

I kota Yerikho iwi-iwi' na sabatan daka' nu kota jinagaanmo totu-totu'u ka' tinumbanmo hoso-hoson da aha mian nu Israel madi' moko ala minsoop. Madi' timbali ko samian pe'e na anu opobee' minsoop kabai mosabat i kota aijo'.

TO MIA-MIAN KOPIAN 1:16

Lee' mae nu monian i Musa, aijo'mo aha mian nu Keni, nombatuki mae mian nu Yehuda nosabat mae lengkat i Yerikho kota Kurma, ka' nambamo i da'erah anu mapeges sasu selatan Arad i da'erah nu Yehuda. Ikiijo' mae aha jinojoongmo itotonga' nu aha bansa Amalek.