YOSUA 18:16 - KITAB NU TUMPU ALLA LELE MA'IMAI'

¹⁶ lantas nokaiyongmo i tengke nu bungkutnyo anu mompaha timbang bangka'nyo nu-Hinom anu i puusnyomo sasu utara Bangka'nyo nu Refaim. Lapas aijo' potempasannyo nambamo sasu selatan motulu Bangka'nyo nu-Hinom sasu selatan sohipi' nu bungkutnyo i lipu' Yebus lantas lau-lausmo namba i En-Rogel,

YOSUA 18:16 ပူးပေါင်းရင်းမြစ်များ

2 SAMUEL 17:17

Tempo'nyo aitu i Yonatan anak i Abyatar tiba i Ahimaas anak i Zadok nontanda'imo koko mata nu uee En-Rogel, isohipi' nu kota' Yerusalem. Aha madi' baani na minsoop i kota' kalana mabuhuk na nu toa nu mian. Susumo anu saja'mo obau samian na posaihon boune mompotoka lele hi aha da tionyo ahi' opoto'i hi Tomundo' Daud.

2 SAMUEL 5:18

Mian nu aha Filistin tinokamo i Bangka'nyo nu Refaim ka' jinojoongmo ikiijo' na aha.

1 TOMU-TOMUNDO' 1:9

Daagi' kino sansinan i tampat sanggonyo Batu Ulo koko mata nu uee En-Rogel, i Adonia nomsombahkonmo domba binau koloban, sapi' lakinyo tiba anak nu sapi' anu toto lompo-lompo'. Ia nolagamo to ana-anak mo'ane sangga'at i Tomundo' Daud ka' to mia-mian anu ko pangkatnyo monjagai laigan nu tomundo' aha mae tulunan nu bansa Yehuda da mamba i bau-bauon mongkolobanakon aijo'.

2 TOMU-TOMUNDO' 23:10

Tofet, aijo'mo tampat ponsomban pilogot i Bangka' nyo nu Hinom i humimi'anmo. Tiba jalan anu sumo aijo' madi'mo daagi' ko mian anu timbali monsombahkon anaknyo salaku koloban anu opotunu ka' osombahkon hi Pilogot nu Molokh.

1 TAWARIKH 14:9

Hau-haunyo suele mian nu Filistin tinokamo i bangka'nyo nu Refaim ka' lewa'mo nompahantomangakon anu kiijo' i bangka'nyo.

2 TAWARIKH 28:3

ka' mompapui kamangian i bangka'nyo nu Himon. Ka' mule' posi anaknyo momo'ane sinombahkonnyomo binau koloban hi pilogot, susumo kabiasa'an anu ma'idek anu saja'mo nubau nu to mia-mian anu i laa'mo nu Tumpu da bolimo jojoong i lipu' Kana'an tempo'nyo mian nu Israel ninsoopmo i lipu' aijo'.

2 TAWARIKH 33:6

To ana-anaknyo sinombahkonnyomo salaku koloban anu opotunu i Bangka'nyo nu Hinom. Ia mule' binasandomo, da monsumbu' alati'nyo nu mandala' pangalahuan, ka' binalatapamo hi to roh-roh anu ma'idek. Ia binala dosa'mo hondo hi Tumpu, sahingga nonsaduakonmo da tinambuha'anmo nu Tumpu.

YESAYA 30:33

Nai puan pe'e mae na nomposadia tampat pompapuian i tomundo' Asyur. Tampat aijo' maleeng ka' mule' bola ingisianmo kau' bau pomposuli anu pinaha potambunmo manjoo' hondo. Tumpu na saidi mae momposuli apunyo, sawo-nyo na mompuhi, pokakanamo ahi' susumo kaunyo nu belerang na kobohosnyo.

YEREMIA 19:11

Aku tionyo ahi' mompoto'imo hi aha taalu' Tumpu Anu Mahakuasa nompoto'imo mae sumo uuka, “Bansa tiba kota' aiya Ku hansunimo sahingga timbalimo susumo selekan tano' anu noposo'mo aijo' anu madi'mo timbali daagi' opoko ima'i. Mian molamunmo bangke haha aijo' nu aha i Tofet, kalana madi'mo daagi' ko tampat polamunan sangga'at.

YEREMIA 19:2

da mamba hingga-hinggat tiba aha i Bangka'nyo nu Hinom montulu Sabatan Daka' Beling. Toka ikiijo' mae ku poto'imo apaa na anu pinotun-Nyomo mae hi belengku.

YEREMIA 19:6

Kalana aijo' tokaje mae na tempo'nyo tampat aiya madi'mo daagi' osanggohi Tofet kabai Bangka'nyo nu Hinom, panyo osanggohimo Bangka'nyo nu Pompateian.

YEREMIA 32:35

Aha nombaumo mezbah-mezbah bau ponsomban Baal i Bangka'nyo nu Hinom, ka' nonsombahkonmo to ana-anak nu aha hi Pilogot Molokh. Padahan Aku madi' toho' nompalentah aha da molakukan han susumo aijo' ka' mule' madi' toho' tinolosinsumbu' i uno nu pikilan-Ku au' aitu aha timbali mombau palabuatan anu ma'idek hondo aijo' ka' nonsaduakonmo aha mian nu Yehuda da binaladosa'mo.”

YOSUA 15:63

Kota Yerusalem ninsoopmo suele anu nu aha Yehuda, panyo aha mian nu Yehuda madi' noko ala nolaa' aha mian nu Yebus anu jojoong ikiijo'. Sangkutnyo tempo' uuka aiya aha mian nu Yebus daagi' hingga-hinggat kiijo' jojoong tiba aha mian nu Yehuda i kota aijo'.

TO MIA-MIAN KOPIAN 1:21

Tulunan nu bansa Benyamin madi' noko ala nolaa' aha mian nu Yebus nosabat nompala'i kota nu Yerusalem. Mokonyo aijo' aha mian nu Yebus daagi' jinojoong ikiijo' hingga-hinggat tiba aha tulunan nu bansa Benyamin.

TO MIA-MIAN KOPIAN 1:8

Aha mian nu Yehuda nontumbuhimo Yerusalem, lantas nompatundu'mo ka' nompapuimo kota aijo' ka' nompapuimo miannyo.

TO MIA-MIAN KOPIAN 19:10

Panyo mian nu Lewi aijo' madi'mo mongka'oho' daagi' male' ikiijo'. Ia ka' ambahue'nyo nambamo, hingga-hinggat tiba posaihonnyo tiba keledainyo ohu-ohua' anu pino'una'anmo bau patisake'an. Salatan sinaa ohanimo malom aha tinokamo kiijo' koko Yebus (aijo'mo Yerusalem). Lantas posaihon aijo' notataemo hi tuannyo, “O Tuanku, indah da kita sahanyo sonso'mo male' i kota nu mian Yebus aiya.”