YOSUA 18:1 - KITAB NU TUMPU ALLA LELE MA'IMAI'

¹ Noko lapas na nompatundu' lipu' anu jinanji'mo nu Tumpu, aha mian nu Israel iwi-iwi' sinihukmo i Silo, lantas aha nompaha pokonamo Kemah da bau katokaan nu Tumpu.

YOSUA 18:1 ပူးပေါင်းရင်းမြစ်များ

2 SAMUEL 7:6

Salatanmo pe'e bansa Israel pinobebas-Ku lengkat mae i Mesir sangkutnyo uuka aiya ma'isa Aku jinojoong i sa'angu' na laigan panyo ola ahi' saja' mamba moyaya ka' jojoong i sa'angu' na kemah.

1 TOMU-TOMUNDO' 14:2

I Yerobeam notataemo hi bengkele'nyo, “Soba posadia ka' lako' i Silo hi laigan i Nabi Ahia anu nompoto'imo u'utu mae tukoonyo aku baumo tomundo' nu Israel. Panyo pibaju na beleyum susumo mian popololo da madi' nu sumbu' nu mian na beleyum.

1 TOMU-TOMUNDO' 14:4

Jadi nambamo na bengkele' i Yerobeam hi laigan i Nabi Ahia kiijo' mae i Silo. Nabi aijo' madi'mo montoa-toa kalana ia i langkai'mo hondo.

1 TOMU-TOMUNDO' 2:27

Lantas pinobelentimo i Salomo na i Abyatar, madi'mo binau Imam. Apaa na binau i Salomo aijo' tinimbalimo sa'angu' na bukuti' susumo anu tinaloakonmo nu Tumpu kiijo' i Silo mongkona lee' mae i Imam Eli.

NEHEMIA 9:24

Lee' nu aha nompatundu'mo tano' Kana'an; Mian anu jojoong ikiijo' pinatundu'mo nu belento. Mian anu palesayamo hi Belento binee'anmo nu Belento kuasa da mombau maumo pa' apaa. Kona hi aha bansa Kana'an ka' mule' hi aha to tomu-tomundo' nu aha.

MAZMUR 78:60

Pinala'ian-Nyomo na Kema'Nyo kiijo' i Silo, anu binau kajojoongan-Nyo sama-sama nosangalu aha.

MAZMUR 78:66

Ia nompahampateakonmo anu nongewamo ia sahingga nopalaimo na aha ka' nompatundu'mo aha sampe toka sidu-sidutu'.

YEREMIA 26:6

Panyo de belemiu tataap panggaga, laigan anu bau ponsomban aiya Ku pojadimo susumo Silo, sahingga sinin na bansa idunia aiya mompakemo sanggo nu kota' Yerusalem aiya salaku bau pongkutuki.”

YEREMIA 26:9

Baano hondo na beleyum montaloakon mompake atas sanggo nu Tumpu kooyum Laigan-Nyo aiya opojadimo susumo Silo ka' mule' kota' aiya ohansunimo ka' timbalimo tampat anu madi'mo daagi' ojoongi.” Lantas aku tinikubanmo nu aha mian, da'isan hondo.

YEREMIA 41:5

tinokamo mae na mian aha ualumpulu' lengkat mae i Sikhem, Silo, tiba Samaria. Aha nongkiismo mae jangkut nu aha, nonggea-geatmo mae baju nu aha ka' nongkudulimo mae butong nu aha. Aha nomboa mae gandum tiba kamangian da osombahkon i Laigan nu Tumpu.

NOMBILANGMO 32:22

sahingga lipu' aijo' matundu'mo hi ia, jadi belemiu timbalimo minsusule' ka' bebasmo na belemiu kalana moko baumo apaa na anu pinalentahkonmo nu Tumpu ka' suele noko tulungimo to utu-utus nu belemiu, ka' nubee'mo nu Tumpu na tano' anu i sasu kabete'an aiya da belemiumo na tumpunyo.

SISIKON NU TO RASUL-RASUL 7:45

Lapas aitu kemah aijo' pinoboa-boa nu mompolee'to tempo'nyo aha tiba i Yosua namba nompo'ago lipu'to aiya i kakuasa'an nu to bansa-bansa anu i laa' nu Tumpu na aha. Kemah aijo' kiijo' una-una' sampe tempo'nyo i Daud.

YOSUA 18:2

Daagi' popitu' na tulunan nu bansa Israel anu ma'isa nohumpak pombahagian tano'.

YOSUA 18:8

Jadi i Yosua nompokinde'imo sumo uuka hi mian haha aijo' “Lako'mo mamba toa mae na lipu' aiya ka' gambalan nu potempasannyo obau mae; lapas aijo' pinsusule'mo mae hi belengku. Ku bauakonje onde aiya i Silo da osumbu' pa' mosia na koonyo nu Tumpu hi belemiu.” Noko humpak na aha pokinde' haha aijo' hi Yosua nambamo na aha nontoa tano' aijo'.

YOSUA 19:51

Sumo aijo' na i Imam Eleazar, i Yosua anak i Nun, ka' to tu'a-tu'anyo nu auwan hi aha tulunan nu bansa Israel nombagi-bagimo tano' i lipu' aijo' binauakon onde, nompoita pokinde' pa' mosia na koonyo nu Tumpu. Binau nu aha na aijo' i Silo i ahop nu sabatan nu Kemah nu Tumpu. Sumo aijo' na nombagi tano' haha aijo'.

YOSUA 22:19

De da'erah nu belemiu aijo' mahumimi'mo ka' madi'mo pantas pombauan tampat ponsomban Tumpu, lalinmo mae mo'uuka i da'erah nu Tumpu, anu ko Kemahnyo nu Tumpu. Poita mae na sambahagian da'erah mami, asan boli panggaga hi palentah nu Tumpu kabai madi'mo mohongo-hongo kami ka' montuangimo mule' sa'angu' na mezbah sangga'at, yo aitu ko mezbahmo na kita nu Tumpu Allah.

TO MIA-MIAN KOPIAN 18:31

Patong pilogot anu pinosi bau i Mikha aijo' tataap kiijo' i Lais, sumo aitu mule' na Kemah nu Tumpu tataap kiijo' i Silo.

TO MIA-MIAN KOPIAN 21:12

Jadi aha tomia-mian anu jojoong i Yabes i humpak nu aha 400 na anu ma'isa toho no osoa. Binoa nu aha na langkoyang haha aijo' i binakemah'an nu aha kiijo' i Silo i lipu' nu Kana'an.

TO MIA-MIAN KOPIAN 21:19

Sumo uuka'na koonyo nu aha, “daagi ko jalan sa'angu', aijo'mo ko lamean anu saja' obau sataun toka sataun kiijo' i Silo, monsombah Tumpu.” (I Sasu salatan silo aiya daagi ko kota Betel ka i sasu kinsobannyo daagi ko jalan daka'lengkat mae i Betel mokiijo' i Sikhem ka' i sasu utaranyo ko kota Lebona.)

1 SAMUEL 1:24

Salatan i Samuel madi'mo nonsusu ia binoamo nu tinanyo i Laigan nu Tumpu kiijo' mae i Silo. Tempo'nyo aitu ia daagi ise'hondo. I Hana nomboa suele sa'angu' na sapi' lakinyo anu totolu'mo na taun na umunnyo, gandum sampulu' na kilogram, ka' sa'angu' na botutu kilit na binau anu ingisianmo pinobuke nu anggur.

1 SAMUEL 1:3

Sataun toka sataun i Elkana mamba lengkat i Rama da monsombah Tumpu kiijo' i Silo ka' monsombahkon koloban hi Tumpu Anu Daka na kuasanyo. Anu tinimbali imam nu Tumpu kiijo' i Silo aijo'mo i Hofni tiba i Pinehas, aha to ana-anak i Eli.