YOSUA 17:17 - KITAB NU TUMPU ALLA LELE MA'IMAI'

¹⁷ Sahingga i Yosua notataemo hi tulunan nu bansa Efraim tiba Manasye anu i sasu kinsoban aijo', “Memang totu'u, belemiu da'isan hondo ka' nahosonmo, ka' nukonamo na obee'i molabi sa'angu' na bagian na tano'.

YOSUA 17:17 ပူးပေါင်းရင်းမြစ်များ

KAJADIAN 48:16

Iamo na malaekat anu nonjagaimo mae aku sahingga iwi-iwi' na balaa' madi'mo mompoposia. O'amalakon da Tumpu Allah mombalakati anak haha aiya. O'amalakon da saja' osanggo na sanggongku ka' sanggo i Abraham ka' i Ishak kalana anak haha aiya! O'amalakon da aha mohumpak makumpu, ka' ko lee' manjoo' i dunia aiya.”

YOSUA 17:16

Tinaaman nu lee' i Yusuf haha aijo', “Da'erah anu i bungkutnyo aijo' madi' ewa na bau kajojoongan mami sadang aha bansa Kana'an anu jojoong i hatanyo ko kareta besak bau pahampate, aha anu jojoong i Bet-Sean tiba i kampu-kampung anu i da'erah nyo ka' suele aha anu jojoong i Bangka'nyo Yizreel.”

YOSUA 17:18

Alamo na da'erah anu i bungkutnyo, kalana maumo da'erah aijo' daagi' alas timbali okalaja nu belemiu na da'erah aijo', ka' o alamo iwi-iwi'. Ka' mian nu Kana'an haha aijo' opoko alamo o laa' miu, maumo aha mahoson ka' ko kareta besak anu opake mahampate.”

1 SAMUEL 1:1

Daagi ko samian na mo'ane sanggonyo i Elkana minsoop tulunan nu bansa Efraim. Ia jojoong i kota Rama i da'erah Efraim anu mabungkut. I Elkana anak i Yeroham, makumpu mae i Elihu. Ia monsoop poto'utusan mae i Tohu, gampanyo mae nu aha tulunan i Zuf.