YOSUA 17:11 - KITAB NU TUMPU ALLA LELE MA'IMAI'

¹¹ I uno nu da'erah i Isakhar tiba i Asyer aijo' daagi' ko tano' anu i Manasye, aijo'mo: Bet-Sean tiba Yibleam tiba kampu-kampungnyo anu ikiijo'. Ka' suele: Dor (kota anu i sonibi nu ambai), En-Dor, Taanakh, Megido, tiba kampu-kampungnyo anu ikiijo'.

YOSUA 17:11 ပူးပေါင်းရင်းမြစ်များ

2 SAMUEL 21:12

ia nambamo nongala bukunyo i Saul tiba i Yonatan anu kijo' mae hi aha anu jojoong i kota Yabes i Gilead. (Mian haha ikiijo' nontomangmo buku haha aijo' anu kiijo' i bangka'nyo nu kota' Bet-San, tampat nu aha mian Filistin lewa' ponsegotan ka' pompokalayo'an nu aha to bangke-bangke' salatan pinatundu'mo nu aha na i Saul i bungkutnyo nu Gilboa).

1 TOMU-TOMUNDO' 9:15

I Tomundo' Salomo nombaumo Laigan nu Tumpu, laigan nu tomundo', pagan mesen nu Yerusalem, pinakisanyo na anu mokalaja ka' nontambuni nu tano' sasu selatan Laigan nu Tumpu. Palentah anu susumo aijo' na binaunyo tempo'nyo ia po'ule' nombau kota Hazor, Megido ka' Gezer. (

2 TOMU-TOMUNDO' 9:27

I Ahazia nontoamo apaa na anu jinadimo, sahingga ia nopalaihakonmo karetanyo namba i kota' Bet-Hagan. I Yehu nololoi'mo ia ka'nolobo'akon hi suludadunyo, “Patei suele na ia!” Pinana'mo nu aha na ia ka' binelaonmo na ia i jalan anu mamba mokiijo' i Gur, koko kota' Yibleam. Panyo ia daagi' noko ala nopalai tinoka kiijo' mae i Megido, ka' i kiijo'je na ia sinilaka.

1 TAWARIKH 7:29

Lee' i Manasye na mongkuasai kota' Bet-Sean, Taanakh, Megido, Dor tibamo kampungnyo anu i da'erahnyo aijo'. Aijo'mo iwi-iwi' na da'erah kajojoongan nu lee' i Yusuf anak i Yakub.

2 TAWARIKH 35:22

Panyo i Yosia sabole-bole ahi' nongewa, ka' madi'mo nongka'oho' montuluti apaa na anu pinoto'imo nu Tumpu Allah hi Tomundo Nekho. I Yosia nompusokmo sumo mian sangga'at lantas nambamo i tampat pahampatean anu kiijo' i bangka'nyo nu Megido.

MAZMUR 83:10

Baumo na aha susumo mian nu Midian, susumo i Sisera tiba i Yabin i Kaunyo nu Kisyon.

YEREMIA 49:2

Te madi'mo daagi' ko ahanyo mian nu Israel anu timbali mompo ago daerah aijo? Panyo tokaje mae na tempo'nyo Ku pojadije na mian anu jojoong i Raba, puso nu kota' nu lipu' Amon aijo' mohongomo ais nu pahampatean. Kota' aijo' mohobo'mo ka' kampung toto ise-ise anu idaerahnyo mopapumo ingko-ingkot. Lantas Israel po ule'mo mongala tano'nyo aijo' hi aha anu naipuan mae nongalamo.

ZAKHARIA 12:11

I sinaa aijo' ko anumo tumando' talatalalo hondo i Yerusalem, susumo nontando'i i Hadat-Rimon i Bangka'nyo nu Megido.

YOSUA 11:2

mamba hi to tomu-tomundo anu aita' mae i bungkutnyo sasu utara, i Hatanyo nu Yordan sasu Selatan Galilea, i daerah tengkenyo nu bungkutnyo ka' da'erah sonibi nu ambai koko Dor.

YOSUA 16:9

Tibamo to pia-piangkuka na kota toto ise-ise' tiba kampung anu ikiijo'; i da'erah Manasye.

YOSUA 17:10

Sumo aijo' na i Efraim jinojoongmo i sasu selatan, ka' i Manasye na i sasu utara, ka' Ambai anu Totonga'nyo atina'mo na potempasan nu aha i sasu kinsoban. I bahagian kinsoban sasu ambai da'erah tulunan nu bansa Manasye aijo' motempas tiba da'erah i Asyer, ka' i sasu kabete'an bahagian ambai, motempas tiba da'erah i Isakhar.

YOSUA 17:16

Tinaaman nu lee' i Yusuf haha aijo', “Da'erah anu i bungkutnyo aijo' madi' ewa na bau kajojoongan mami sadang aha bansa Kana'an anu jojoong i hatanyo ko kareta besak bau pahampate, aha anu jojoong i Bet-Sean tiba i kampu-kampung anu i da'erah nyo ka' suele aha anu jojoong i Bangka'nyo Yizreel.”

TO MIA-MIAN KOPIAN 1:27

Tulunan nu bansa Manasye madi' nolaa' anu jojoong i kota Bet-Sean, Taanakh, Dor, Yibleam ka' Megido tiba to kampu-kampung anu ohani ikiijo'.

TO MIA-MIAN KOPIAN 5:19

Kiijo' i Tanaakh koko kaunyo nu Megido, to tomu-tomundo nahampatemo, To tomu-tomundo nu Kana'an nahampatemo, panyo salaka madi' ko anu binoa mae nu aha salaku anu pinahuhuakon mae.

1 SAMUEL 28:7

Kalana aijo' pinoto'imo i Saul hi to mia-mian anu monjagai ka' montoa ia, “Soba lio mae samian na boune anu tinimbalimo bolian da montunde'akon hi tominuat, aku kahanda' mamba hi ia da momoita pokinde'.” Tinaaman nu aha, “Kiijo' mae i En-Dor daagi ko bolian anu susumo itina'.”

1 SAMUEL 31:10

Lapas aijo' baju' anu pinusok i Saul nahampate pino una'mo i kuil tampat kajojoongan nu pilogot boune Asytoret ka' bangke'nyo pinopaku'mo i pagan mesen nu kota Bet-Sean.

1 SAMUEL 31:12

lantas to mia-mian anu to babaani nambamo lengkat ikiijo' sinampahu i jalan namba i Bet-Sean. Tinau'akon nu aha na bangke' i Saul tiba bangke' nu to ana-anaknyo anu to momo'ane aijo' i pagan mesen nu kota' ka' binoa nu aha i Yabesh ka' pinapuan nu aha.