YOSUA 17:1 - KITAB NU TUMPU ALLA LELE MA'IMAI'

¹ Sambahagian na da'erah sasu kinsoban Kaunyo nu Yordan binee'mo na sangga'at hi to utu-utus lee' mae i Manasye, anak tumpe i Yusuf. I Makhir tuuma i Gilead, aijo'mo na anak tumpe i Manasye. Kalana ia mian anu toho'mo nahampate, sahingga da'erah Gilead tiba Basan anu i sasu kabete'an Kaunyo nu Yordan binee'mo hi ia.

YOSUA 17:1 ပူးပေါင်းရင်းမြစ်များ

KAJADIAN 41:51

Notatae na i Yusuf, “Tumpu Allah nompotimbalimo aku nongkolilimimo iwi-iwi' na kasansala'anku ka' hi to utu-utus nu tuumangku.” Kalana aijo' sinanggohannyomo na anaknyo anu momona “I Manasye”,

KAJADIAN 41:52

Ia notatae mule', “Tumpu Allah nombee'imo to ana-anak hi belengku i tempo'nyo aku kinasusa'an”, lantas anak ko ohua'nyo sinanggohannyomo “i Efraim”.

KAJADIAN 46:20

Kiijo' i Mesir i Yusuf nohumpak ohua' na anak, aijo'mo i Manasye ka' i Efraim anu i hampe'akon nu bengkele'nyo i Asnat, anak i Potifera anu montoongi imam kiijo' i Heliopolis.

KAJADIAN 48:17

I Yusuf madi'mo sinanang salatan nontoa tuumanyo nompotiikmo limanyo koanan i ubak hi Efraim, lantas tinoongannyo na lima nu tuumanyo da molalin limanyo anu aijo' i ubak hi Efraim opokiijo'akon hi ubak i Manasye.

KAJADIAN 48:18

Ia notatae hi tuumanyo, “Boli sumo aitu kita Tuuma, aiya na anak anu tumpe-tumpe; potiik kita Tuuma na limanto koanan i ubaknyo.”

KAJADIAN 50:23

Jadi i Yusuf daagi' nontoa makumpunyo, i Efraim. Ia daagi' noko ala nompojoong to ana-anak i Makhir, aijo'mo makumpu i Manasye, sumomo posi anaknyo.

2 SAMUEL 2:9

I kiijo' mae i Isyboset i hangkatmo i Abner binau tomundo' da mompalentah da'erah-da'erah Gilead, Asyuri, Yizreel, Efraim, tiba Benyamin, ka' mule' songko-songko na Israel.

1 TAWARIKH 2:23

na nu palentah i da'erah Gilead. Panyo kalaja'an Gesur tiba Aram nompatundu'mo 60 na kampung toto ise-ise' i da'erah aijo' tiba kampung toto ise-ise' nu aha mian Yair, Kenat, ka' mule' kampung toto ise-ise' sangga'atnyo. Iwi-iwi' na mian anu jojoong i kiijo' lee' mae i Makhir tuuma i Gilead.

YEHEZKIEL 47:13

Tumpu Anu Matangkas na Kuasanyo notatae, “Aiya na potempasan nu tano' haha aijo' anu obagi-bagiakon hi aha sampulu' ka' ohua' na tulunan nu bansa Israel. Tulunan nu bansa i Yusuf nohumpak ohua' na bahagian.

NOMBILANGMO 26:29

Tulunan mae nu aha bansa Manasye; i Makhir, anak i Manasye, atina'mo na tuuma i Gilead; ka' aha sa'anakan haha aijo' atina'mo na lee' mae i Gilead:

NOMBILANGMO 27:1

I Zelafehad ko anak boune aha olima', aijo'mo i Mahla, i Noa, i Hogla, i Milka ka' i Tirza. Tuumanyo i Zelafehad aijo'mo i Hefer, tuumanyo i Hefer aijo'mo i Gilead. Tuumanyo i Gilead aijo'mo i Makhir, tuumanyo i Makhir aijo'mo i Manasye ka' tuumanyo i Manasye aijo'mo i Yusuf.

NOMBILANGMO 32:33

Lantas binee'mo i Musa hi aha tulunan nu bansa Gad haha aijo' tiba Ruben ka' sambahagian na tulunan nu bansa Manase songko-songko na daerah nu Sihon, Tomundo nu Amori, tiba daerah Og, tomundo nu Basan, tibamo to kota-kota ka' tano'nyo songko-songko.

PO'ULE' INGULIT 21:17

Ia tionyo ahi' mombee'i bagi pinduan lipat na halata'nyo hi anak mo'ane anu tumpe, mau mule' anak aijo' misa' anak nu bengkele'nyo anu nu kanonongi hondo. Hak nu anak anu tumpenyo tionyo ahi' nu akui nu tuumanyo ka' hi anak aijo' tionyo ahi' obee'i halata' anu timbalimo haknyo susumo katantuan nu atulan.”

YOSUA 17:2

Da'erah sasu kinsoban Kaunyo nu Yordan binee'mo hi to utu-utusnyo sangga'at lee' mae i Manasye aijo'mo to utu-utusnyo: i Abiezer, i Helek, i Asriel, i Sekhem, i Hefer ka' i Semida; iwi-iwi' aijo' lee' mo'ane i Manasye, anak i i Yusuf. Aha to tu'a-tu'anyo nu auwan.

TO MIA-MIAN KOPIAN 5:14

Aha i lumajangmo lengkat mae i Efraim nambamo i bangka'nyo, nombatuki suludadu, i Benyamin na nojiji i ahop nu aha. Lengkat mae i Makhir tinokamo na to kapa-kapala nu suludadu anu matangkas hondo na pangkatnyo, ka' lengkat mae i Zebulon tinokamo na to pola-polaya' nu suludadu.