YOSUA 16:5 - KITAB NU TUMPU ALLA LELE MA'IMAI'

⁵ Ka' mule' aiya na potempasan nu tano' anu binee'mo hi to utu-utus tulunan nu bansa Efraim. Sasu kabete'an potempasan nu tano' nu aha otampu'uni lengkat mae i Atarot-Adar toka-toka i Bet-Horon-Sasu Matanyo.

YOSUA 16:5 ပူးပေါင်းရင်းမြစ်များ

2 SAMUEL 2:9

I kiijo' mae i Isyboset i hangkatmo i Abner binau tomundo' da mompalentah da'erah-da'erah Gilead, Asyuri, Yizreel, Efraim, tiba Benyamin, ka' mule' songko-songko na Israel.

1 TAWARIKH 7:24

I Efraim kino anak bouene sanggonyo i Seera. Iamo aijo' na nompotinjo kota' Bet-Horon anu akaong i Aluknyo ka' anu aita' i Bawonyo ka' mule' kota' Uza ka' Seera.

1 TAWARIKH 7:28

Da'erah anu binee' da bau kajojoongan nu aha: lengkat mae i Betel toka-toka i Naaran na kojo'onnyo sasu kabete'an, ka' Gezer i sasu kinsoban tiba kampungnyo anu i da'erah nu kota' aijo', tiba kampungnyo anu i da'erahnyo aijo'.

YOSUA 10:10

Pinotimbalimo nu Tumpu na aha mian nu Amori madi' noko ala gawe salatan nontoamo suludadu nu Israel. Manjoo' na aha mian nu Amori pinatean kiijo' i Gibeon, ka' anu daagi' tutuu' i loloi'mo nokaiyong i tengke nu bungkutnyo nu Bet-Heron kojo'onnyo tinoka-toka i Azeka ka' Makeda i sasu selatan.

YOSUA 16:2

Lengkat mae i Betel, potempasannyo aijo' mokiijo'mo mompanjolongi Lus, motulu i Atarot, aijo'mo tampat kajojoongan nu aha mian Arki.

YOSUA 18:13

Potempasan aijo' i lau-laus mule' namba i sohipi' nu bungkutnyo sasu selatan Lus (aijo'mo na anu osanggohi Betel), lantas nokaiyongmo i Atarot-Adar i bungkutnyo sasu selatan Bet-Horon-sasu Po'iliannyo.