YOSUA 16:1 - KITAB NU TUMPU ALLA LELE MA'IMAI'

¹ Potempasan nu tano' anu binee'mo bau bagi nu lee' i Yusuf, otampu'uni lengkat mae i Kaunyo nu Yordan koko Yerikho sasu kabete'an anu ko matanyo nu uee kiijo' i Yerikho toka-toka mokiijo' i bone' anu ewa na tampatnyo sumomo padang. Lengkat mae i Yerikho, potempasannyo aijo' mokiita'mo toka-toka i Betel i da'erah nu bungkutnyo.

YOSUA 16:1 ပူးပေါင်းရင်းမြစ်များ

KAJADIAN 35:24

To ana-anak i Rahel aijo'mo i Yusuf ka' i Benyamin.

YOSUA 15:61

I da'erah nu padang bola, daagi' ko kota'nyo anom tibamo kampu-kampung anu kiijo' i daerahnyo; Bet-Araba, Midin, Sekhakha, Nibson, Kota Garam, ka' En-Gedi.

YOSUA 18:12

I sasu utara potempasan nu tano' nu aha, otampu'uni lengkat mae i Kaunyo nu Yordan, lantas mokiita'mo i sohipi' nu bungkutnyo sasu utara Yerikho, lapas aijo' mompanjolongimo sasu kinsoban motulu da'erah anu ko bungkutnyo kojo'onnyo toka-toka i da'erah nu padang bolaa Bet-Awen.

YOSUA 18:5

Tano' aijo' tionyo ahi' obagi popitu' na bahagian. I Yehuda tataapmo i da'erahnyo sasu selatan, ka' i Yusuf i da'erahnyomo sasu utara.

YOSUA 8:15

I Yosua ka' suludadunyo anu monsangalui ia nombaumo susumo au'aitu aha tolosule'mo; aha nalaimo namba i da'erah anu padangnyo mateges hondo.

TO MIA-MIAN KOPIAN 1:22

Tulunan nu bansa Efraim tiba Manasye lee' mae i Yusuf nambamo nontumbuhi kota Betel, anu tempo'nyo aitu sinanggohan Lus. Ka' Tumpu nontulungimo aha. Tempo'nyo anu mondoyoni sinaimo namba i kota aijo',

1 SAMUEL 30:27

Kota haha aijo', aijo'mo Betel tiba Rama anu i sasu salatan Yehuda, Yatir, Aro'er, Sifmot, Estemoa, Rakhal, ka' suele to kota-kota' nu aha mian Yehrameel, to kota-kota' nu aha mian Keni, Horma, Bor-Asan, Atakh tiba Hebron. Iwi-iwi' na kota' anu toho'mo kinajojoongan i Daud tiba suludadunyo pinahapakatuannyo palasen aijo'.