YOSUA 15:7 - KITAB NU TUMPU ALLA LELE MA'IMAI'

⁷ lapas aijo' i lau-lausmo nokiijo' i Bangka'nyo Kasusa'an toka-toka i Debir, lantas nosele mule' mompanjolongi utara mongahopimo Gilgal i tampat anu mompaha ahop tiba sohipi' nu bungkutnyo anu kiijo' mae i Adumin sasu selatan bangka'nyo aijo'. Lengkat ikiijo' i lau-laus mule' i mata nu uee En-Semes, lantas nokiijo'mo i En-Rogel,

YOSUA 15:7 ပူးပေါင်းရင်းမြစ်များ

2 SAMUEL 17:17

Tempo'nyo aitu i Yonatan anak i Abyatar tiba i Ahimaas anak i Zadok nontanda'imo koko mata nu uee En-Rogel, isohipi' nu kota' Yerusalem. Aha madi' baani na minsoop i kota' kalana mabuhuk na nu toa nu mian. Susumo anu saja'mo obau samian na posaihon boune mompotoka lele hi aha da tionyo ahi' opoto'i hi Tomundo' Daud.

1 TOMU-TOMUNDO' 1:9

Daagi' kino sansinan i tampat sanggonyo Batu Ulo koko mata nu uee En-Rogel, i Adonia nomsombahkonmo domba binau koloban, sapi' lakinyo tiba anak nu sapi' anu toto lompo-lompo'. Ia nolagamo to ana-anak mo'ane sangga'at i Tomundo' Daud ka' to mia-mian anu ko pangkatnyo monjagai laigan nu tomundo' aha mae tulunan nu bansa Yehuda da mamba i bau-bauon mongkolobanakon aijo'.

YESAYA 65:10

Mian anu palesayamo hi beleng-Ku monsombahmo Aku; domba ka' sapi' nu aha mongototmo hemput i Hatanyo nu Saron ka' i Bangka'nyo nu Akhor.

HOSEA 2:5

Tina nu beleyum masala' ka' madi' monsumbu' ma'ambang. Ia notatae, ‘Aku mamba hi to sindu-sindu'anku anu nombee'imo aku anu okaan ka' anu o inum, hude wol ka', hude lenan, lanya' nu zaitun tiba anggur'.’

YOSUA 10:43

Lapas aijo', i Yosua ninsusule'mo tiba suludadunyo nambamo i kemah nu aha kiijo' mae i Gilgal.

YOSUA 15:15

Lengkat ikiijo' inambamo nontumbuhi aha mian anu jojoong kiijo' i Debir. (Kota aijo' naipuan mae talasanggo salakumo Kiryat-Sefer.)

YOSUA 15:6

mokiita' i Bet-Hogla, lantas lau-laus i potempasan tiba Bangka'nyo nu Yordan. Lengkat ikiijo' potempasan sasu utara aijo' mokiita'mo lau-laus i utara toka-toka i Batu Bohan (i Bohan aijo' anak i Ruben),

YOSUA 18:17

noselemo mompanjolongi sasu utara En-Semes, lantas nompatuimo Gelilot i santoanyo nu Pindakoan Adumim. Lapas aijo' potempasannyo nokaiyongmo i Batu Bohan (Bohan anak i Ruben),

YOSUA 4:19

Mian nu Israel tinokamo i santoanyo nu Yordan i tanggan sampulu' bitu'on anu momonanyo ka' aha binakemahmo i Gilgal i sasu kabete'an Yerikho.

YOSUA 7:24

Lapas aijo' i Yosua tiba iwi-iwi' aha mian nu Israel nohakopmo i Akhan, ka' nomboa i Bangka'nyo Kasusa'an tiba iwi-iwi' na to anak-anaknyo, potu'onnyo sapi', keledai, domba, kemah ka' iwi-iwi' na anunyo tiba salaka, jubah ka' mosoni' anu tinomangnyo.

YOSUA 7:26

Lapas aijo' tinabuhanmo nu aha nu batu jonjoo' na tampat aijo' sampe sinaa aiya daagi' ko anu ikiijo'. Mokonyo aijo' tampat kiijo' daagi' osanggohi Bangka'nyo nu Kasusa'an. Sahingga Tumpu madi'mo notambuha'.