YOSUA 15:47 - KITAB NU TUMPU ALLA LELE MA'IMAI'

⁴⁷ Sumo aitu mule' na Asdod ka' Gaza tiba kota-kota anu toto ise-ise' ka' kampu-kampungnyo anu sinongkomo toka-tokamo koko panga'nyo nu uee i potempasan tiba Mesir ka' biwi nu bone' i Ambai anu i Totonga'nyo.

YOSUA 15:47 ပူးပေါင်းရင်းမြစ်များ

1 TOMU-TOMUNDO' 5:4

Panyo' uuka aiya Tumpu Allah-ngku nombee'imo ka'amanan i da'erah kakuasa'anku iwi-iwi'. Madi'mo ko anu monsampo bali' aku, ka' madi'mo suele ko balaa' anu nontokai mae lipu'ku.

2 TOMU-TOMUNDO' 18:8

Pinatundu'nyo na mian nu Filistin, ka' pinahuhuakonnyomo na tampat kajojoongan nu aha, lengkat pe'e i kampung anu to ise-ise' hondo tinoka-toka i kota' anu toto daka-daka' hondo. Tibamo Gaza ka' da'erahnyo songko-songko.

2 TAWARIKH 26:6

I Uzia nahampate nongewa mian nu aha Filistin. I hobo'akonnyo na pagan mesen iwi-iwi' nu kota Gat, Yabne, ka' Asdod ka' nombaumo to kota-kota' anu binentengan koko Asdod ka' da'erah sangga'at i Filistin.

NOSABATMO 23:31

Potempasan nu lipu' nu belemiu Ku potataapje lengkat mae i Luoknyo nu Akaba toka-toka i Kaunyo nu Efrat, ka' lengkat mae i Ambai anu i totonga'nyo toka-toka i padang bola. Belemiu Ku bee'imo kuasa mompalentah mian anu jojoong i lipu' aijo', sahingga aha olaa'mo nu belemiu salatan belemiu mambamo mompo'ago tano' aijo'.

YEREMIA 47:1

Ma'isa pe'e itomundo' nu Mesir nontumbuhi Gaza, Tumpu nompoto'imo mae hi belengku apaa na jadi saidi' mae hi lipu' nu Filistin.

YEREMIA 47:5

Aha mian nu Gaza tinokanmo nu kasusa'an anu daka' hondo; mian anu jojoong i Askelon nomohokotmo. Sampe toka hipian na kopinnyo na aha mian nu Filistin anu daagi' tinontuha' me saja' susa' na kinyonyoanyo?

ZEFANYA 2:4

I kota' Gaza madi' ko samian pe'e na anu oposalamat. Askelon liingmo madi'mo ko anu monjojoongi. Mian anu jojoong i Asdod saidi' mae olaa'mo de mamanga otumbuhimo sonsu'un sinaa ka' mian anu jojoongi i Ekron saidi' mae suele olaa'mo madi'mo timbali jojoong i kota' nu aha.

SISIKON NU TO RASUL-RASUL 8:26

Samian na Malaikat nu Tumpu notatae hi Filipus, “Donganmo mamba! Lako'mo mokiijo' i sasu Selatan i jalan anu lengkat mae i Yerusalem mokiijo' i Gaza.” Jalan aijo' liing.

PO'ULE' INGULIT 2:23

Tano' anu montuus biwi nu Ambai anu Totonga'nyo jinojoonganmo nu aha mian anu nolengkat mae i togong Kreta. Aha nompateimo mian nu Awi tumpu nu tano' aijo', lantas nonjojoongi da'erah aijo' toka-toka mokiijo' i sasu selatan na kojo'onnyo sampe tinoka i kota Gaza.)

YOSUA 11:22

Mau pe'e ola samian na bansa Enak aijo' madi'mo daagi' ko anu tinontuha i da'erah Israel, ola kiijo' i Gaza, Gad ka' Asdod na daagi'.

YOSUA 13:3

ka' iwi-iwi' na da'erah nu Awi mompatui sasu selatan. (Da'erah nu Kaunyo Sikhor i potempasan tiba Mesir toka-toka i potempasan tiba Ekron i sasu utara, iwi-iwi' aijo' minsoop da'erah bansa nu Kana'an; ka' aha tomundo nu Filistin jinojoong i Gaza, Asdod, Askelon, Gat, ka' Ekron.)

YOSUA 15:4

Lengkat ikiijo' mokiijo' mule' i Azmon, lantas montuusakonmo gimpangnyo nu uee anu motempas tiba Mesir, lantas tinokamo i Ambai anu Totonga'nyo. Sumo aijo' na potempasan sasu selatan nu da'erah kona hi tulunan nu bansa Yehuda. Ka' potempasan aijo' salakumo potempasan sasu selatan songko-songko na lipu' nu aha Israel.

YOSUA 15:46

Tiba iwi-iwi'mo na kota'nyo tiba kampu-kampungnyo koko Asdod, lengkat mae i Ekron toka-toka mokiijo' i Ambai anu Totonga'nyo.

YOSUA 15:48

I da'erah anu aita' i bungkutnyo ko kota'nyo uampulu' ka' sa'angu' tibamo kampu-kampung anu ikiijo'; Samir, Yatir, Sokho, Dana, Kiryat-Sana (aijo'mo Debir), Anab, Estemoa, Anim, Gosyen, Holon tiba Gilon.