YOSUA 14:15 - KITAB NU TUMPU ALLA LELE MA'IMAI'

¹⁵ Naipuan mae Hebron sinanggohan kota Arba. (Arba aijo'mo mian anu daka' hondo hi aha bansa Enak.) Jadi lipu' aijo' madi'mo ko anu nompoposia kalana madi'mo daagi' ko anu nompahampateakon.

YOSUA 14:15 ပူးပေါင်းရင်းမြစ်များ

KAJADIAN 23:2

ia sinilakamo i Hebron i tano' nu aha Kana'an. I Abraham nolibosmo hondo ka' lewa'mo nohaangi bengkele'nyo aijo' sinilakamo.

KAJADIAN 35:27

Lantas tinokamo na i Yakub hi Ishak tuumanyo, i tampat kinajojoongannyo i Mamre koko Hebron. (U'utu mae i Abraham kai'nyo suele sinilakamo kiijo' mae).

KAJADIAN 37:14

Notatae na tuumanyo, “Toa mae pa' mosia na balu-balu'nyo na to utu-utus nu beleyum tu'a ka' pahasan nu mee' ka' domba, lantas pinsusule'mo mae, ka' osisik mae hi belengku.” Lantas pinobakasnyomo na i Yusuf namba nompala'i Bangka'nyo nu Hebron. Madi' pinin tinokamo na i Yusuf kiijo' mae i Sikhem.

1 TAWARIKH 6:4

Tatu-tatusannyo nu tundulan i Eleazar sumo uuka: i Pinehas, i Abisua,

NEHEMIA 11:25

Manjoo' na aha to mia-mian da'isan jojoong i kota-kota' anu mompaha ohani tiba ale' nu aha. Pa' aha sangkuka na tulunan mae nu bansa Yehuda jojoong i da'erah olot nu Bersyeba sasu Salatan ka' Bangka'nyo nu Hinom sasu utara. Aha jojoong i kampu-kampung anu toto ise-ise' anu mompaha oha ni aijo'mo: Kiryat-Arba, Dibon, Yekabzeel Yesua, Molada, Bet-Pelet Hazar-Sual, Bersyeba Ziklag, Makhona En-Rimon, Zora, Yarmut Zanoah, Adulam, Azeka, Lakhis.

YOSUA 11:23

Songko-songko na lipu' aijo' pinatundu'mo i Yosua susumo anu pinalentahkonmo nu Tumpu hi Musa, ka' binee'mo hi bansa Israel tinimbalimo aha na tumpunyo. Lipu' haha aijo' binagi-bagimo ka' toto sa'angu' na tulunan nu bansa nohumpakmo sa'angu' na bahagian. Bansa Israel madi'mo lewa' nahampate ka' lipu' nu aha madi'mo ko anu lewa' mompoposia.

YOSUA 14:14

Sangkutnyo uuka aiya kota aijo' daagi' salaku pusaka' nu lee' i Kaleb anak i Yefune, mian nu Kenas aijo', kalana ia saja' mohongo-hongo ka' tulu-tulutan hi Tumpu Allah nu aha Israel.

YOSUA 15:13

Susumo anu pinalentahkonmo nu Tumpu hi Yosua, sambahagian na da'erah nu Yehuda binee'mo hi Kaleb anak i Yefune aha tulunan mae nu bansa Yehuda. Binee'mo hi ia na Hebron, aijo'mo na kota anu nu aha Arba, tuuma i Enak.

TO MIA-MIAN KOPIAN 1:20

Sumo anu pinalentahkonmo i Musa, Hebron obee' hi Kaleb, kalana naipuan mae totolu' na tompukan nu mian lee' mae i Enak i laa'mo i Kaleb nosabat i kota aijo'.

TO MIA-MIAN KOPIAN 3:11

Sahingga na'ima'mo na lipu' aijo' madi'mo ko anu nompoposia pinatompulu' na taun na kinopinnyo. Lapas aijo' sinilakamo na i Otniel.

TO MIA-MIAN KOPIAN 3:30

Sinaa aijo' Moab no hungku i mo i Israel, sahingga na'ima'mo ka' madi'mo ko anu nompoposia lipu' aijo' inguampulu' na taun na kinopinnyo.

TO MIA-MIAN KOPIAN 5:31

O amalakon da iwi-iwi' na sampobali' nu belento o Tumpu, mate susumo i Sisera, panyo iwi-iwi' na anu mompahasumbu' belento Tumpu talasanggo susumo jingka aita' i langa! Lapas aijo', madi'mo ko anu nompoposia lipu' aijo' pinatompulu' na taun na kinopinnyo.

TO MIA-MIAN KOPIAN 8:28

Mian nu Midian madi'mo daagi' noko ala nombau apa-apaa; aha pinatundu'mo nu mian Israel. Sahingga madi'mo ko anu nompoposia lipu' aijo' pinatompulu' na taun na kinopinnyo tempo'nyo i Gideon daagi' tutuu'.