YOSUA 14:1 - KITAB NU TUMPU ALLA LELE MA'IMAI'

¹ Uuka aiya monsisikakonmo mosia na lipu' Kana'an anu i sasu kinsoban Kaunyo nu Yordan binagi-bagiakonmo hi aha mian nu Israel. Anu nombagi-bagiakon tano' aijo' hi aha mian nu Israel i Imam Eleazar, i Yosua anak i Nun, tiba to tu'a-tu'anyo nu auwan anu hi aha tulunan nu bansa Israel.

YOSUA 14:1 ပူးပေါင်းရင်းမြစ်များ

EZRA 7:5

i Abisua i Pinehas i Eleazar i Imam Daka' Harun.

YEHEZKIEL 45:1

Ma'isa pe'e tano' aijo' obagi-bagiakon da timbalimo tano' pusaka' nu totosa'angu' na tulunan nu bansang, tionyo ahi' oposi po iwi'mo sa'angu' na bahagian da bau bagi nu Tumpu. Tano' aijo' tionyo ahai' komantannyo 12,5 kilometen ka' mule' kobolanyo 10 kilometen. Songko-songko na daerah aijo' otantukanmo tano' anu sinusi'mo.

NOMBILANGMO 34:13

I Musa notataemo hi bansa Israel, “Aijo'mo na tano' anu saidi' mae o alamo nu belemiu de o buangakonmo onde, tano' anu pinalentahkonmo nu Tumpu anu tionyo ahi' obagiakon hi osio' ka' mintonga' na tulunan nu bansa Israel.

NOMBILANGMO 34:16

Tumpu notataemo hi Musa,

SISIKON NU TO RASUL-RASUL 13:19

Popitu' na bansa ginalisan-Nyo i lipu' Kana'an da o bagi-bagi na lipu' aijo' hi bansa Israel da lipu' aijo' timbalimo anu nu aha.

PO'ULE' INGULIT 12:10

De opoko taapmo miu na Kaunyo nu Yordan Tumpu Allah nu belemiu montulungimo belemiu monjojoongi ka' tataapmo i tano' anu i santoanyo nu kaunyo aijo'. Ia na monjagai belemiu da boli nupoposia nu aha anu monsampobali' belemiu, ka' belemiu sanangmo na tumuu' madi' ko anu mompoposia.

YOSUA 13:6

Tibamo suele iwi-iwi' na da'erah nu aha mian Sidon, anu jojoong i da'erah nu bungkutnyo olotnyo nu to bungku-bungkutnyo nu Libanon ka' Misferot-Maim.” “Iwi-iwi' na bansa haha aijo' ku laa'mo saidi' mae salatan aha mian nu Israel mahampatemo tiba aha,” sumo aijo' na koonyo nu Tumpu hi Yosua. “Tano haha aijo' tionyo ahi' nu bagi-bagiakonmo hi aha mian nu Israel da timbalimo anu nu aha na tano' aijo', susumo anu pinalentahkon-Kumo hi belemiu.

YOSUA 19:51

Sumo aijo' na i Imam Eleazar, i Yosua anak i Nun, ka' to tu'a-tu'anyo nu auwan hi aha tulunan nu bansa Israel nombagi-bagimo tano' i lipu' aijo' binauakon onde, nompoita pokinde' pa' mosia na koonyo nu Tumpu. Binau nu aha na aijo' i Silo i ahop nu sabatan nu Kemah nu Tumpu. Sumo aijo' na nombagi tano' haha aijo'.

YOSUA 21:1

Daagi' kino sansinaan to tu'a-tu'anyo nu auwan nu aha tulunan nu bansa Lewi nambamo i Silo i lipu' Kana'an, ka' nangadap hi Imam Eleazar, i Yosua anak i Nun, ka' to tu'a-tu'anyo nu auwan iwi-iwi' na tulunan nu bansa Israel. Aha notatae, “Tumpu nompalentahmo i Musa da kami, to mia-mian nu Lewi, obee'i mae kota-kota da bau tampat kajojoongan mami ka' tano' haha aijo' anu ko padangnyo anu sinangkupmo nu kota haha aijo' da bau pompo'ototan potu'on mami.”