YOSUA 13:5 - KITAB NU TUMPU ALLA LELE MA'IMAI'

⁵ ka' mule' da'erah nu bansa Gebal, ka' iwi-iwi' na da'erah Libanon mompatui sasu kabete'an, lengkat mae i Baal-Gad sasu selatan Bungkutnyo nu Hermon, lau-laus mompatui toka-toka i jalan anu mamba i Hamat.

YOSUA 13:5 ပူးပေါင်းရင်းမြစ်များ

1 TOMU-TOMUNDO' 5:18

Sumo aijo' na to mia-mian anu mokalaja pinalentah i Salomo ka' to mia-mian anu mokalaja pinalentah i Hiram ka' suele to mia-mian anu lengkat mae i kota Gebal da montoukai batu tiba kau' da bau Laigan nu Tumpu aijo'.

1 TOMU-TOMUNDO' 8:65

I Laigan nu Tumpu aijo' na i Salomo ka' iwi-iwi' mian nu Israel anu pinalesayamo nombau lamean Tahop o atapi nu Hon nu kau', pitunsinaa na kopinnyo. Manjoo' hondo na mian anu tinoka i kiijo' Aha tinoka lengkat mae i da'erah anu majo'on hondo montulu Jalan Hamat sasu utara tinoka-toka ipotempasan tiba Mesir sasu salatan.

MAZMUR 83:7

bansa Edom ka' Ismael, to mia-mian nu Moab tiba Hagar;

YESAYA 10:9

Ku patundu'mo na kota' Kalno, tiba Karkemis, Hamat tiba Arpad. Kupantundu' mule' na kota' Samaria tiba Damsyik.

YEREMIA 52:9

Lapas aijo' i Tomundo' Zedekia binoamo hi Tomundo' Nebukadnezar kiijo' ikota' Ribla idaerah Hamat, lantas binee'anmo hukuman mate.

YEHEZKIEL 27:9

To tuka-tukang kau' anu mokalaja i kapan, anu toto pande-pande na batukang mian nu Gebal. Kapan anu lengkat mae ilipu' sangga'at tokamo mae monsale'i de timbali da mamba mae badagang.

AMOS 6:2

Lako' mae toa kiijo' i Kalne lantas lajangmo ahi lau-laus mokiijo' i kota' Hamat anu daka' aijo', lapas aitu mokiijo'mo i kota' Gat i Filistin. Ponsangka nu belemiu kota' haha aijo' lebe ma'ima' molingkudui kalaja'an Yehuda tiba Israel? Apaa daerah nu aha lebe daka' molingkudui daerah nu belemiu?

NOMBILANGMO 13:21

Sahingga nambamo na mian haha aijo' i sasu utara ka' nondoyonimo ima-ima' lipu' aijo' tinampu'unan pe'e lengkat i padang bola Zin sasu selatan lantas nokiijo'mo sasu utara tinoka i kota Rehob, koko jalan mokiijo' i Hamat.

NOMBILANGMO 34:8

ka' lengkat ikiijo' mokiijo'mo i Jalan Hamat, lantas lau-lausmo toka-toka i Zedad

PO'ULE' INGULIT 1:7

Uuka mo kijo i da'erah titikup aitumo Bangka'nyo nu Yordan da'erah nu sa bungku-bungkut ka' bangka'nyo da'erah sasu salaitan ka' bangka'nyo da'erah sasu salaitan ka' sonibi nu Ambai Totonga. Lako'mo jojong i tano nu Kanaan ka' bungkutnyo nu Libanon toka-toka kaunyo daka Efrat

PO'ULE' INGULIT 3:25

Pobee' mae na aku motaap i Kaunyo nu Yordan o Tumpu da montoa lipu' anu ma'omuk kiijo' mae i santoanyo nu da'erah nu Bungkutnyo anu ma'ima' ka' Bungkutnyo nu Libanon.

YOSUA 11:17

Ko ewanyo nu da'erah aijo' lengkat pe'e mae i Bungkutnyo anu Madi' ko anu tumuu' i sasu selatan koko Edom, toka-toka i sasu utara kojo'onnyo toka-toka i Baal-Gad i Bangka'nyo nu Libanon sasu selatan Bungkutnyo nu Hermon. Pinin hondo na i Yosua nahampate tiba to tomu-tomundo i da'erah aijo', panyo ahennyo pinaha hakopnyomo na aha ka' pinateannyomo na aha iwi-iwi'.

YOSUA 11:3

Ia suele nonsai mian namba hi mian nu Kana'an sasu kinsoban ka' sasu kabete'an nu Yordan, namba hi mian nu Amori, Het, Feris, tiba aha mian nu Yebus i da'erah nu bungkutnyo, ka' mule' aha mian nu Hewi i tengke nu Bungkutnyo nu Hermon i da'erah nu Mizpa.

YOSUA 12:7

To tomu-tomundo anu pinatundu'mo i Yosua hingga-hinggat tiba bansa Israel aijo'mo iwi-iwi' na tomundo i da'erah sasu kinsoban Kaunyo nu Yordan, lengkat mae i Baal-Gad i Bangka'nyo nu Libanon lau-laus i Bungkutnyo anu Madi' ko anu tumuu' sasu selatan koko Edom. Da'erah haha aijo' binagi-bagiakonmo i Yosua hi to tulu-tulunan nu bansa Israel da timbalimo anu nu aha na tano' aijo'.