YOSUA 13:3 - KITAB NU TUMPU ALLA LELE MA'IMAI'

³ ka' iwi-iwi' na da'erah nu Awi mompatui sasu selatan. (Da'erah nu Kaunyo Sikhor i potempasan tiba Mesir toka-toka i potempasan tiba Ekron i sasu utara, iwi-iwi' aijo' minsoop da'erah bansa nu Kana'an; ka' aha tomundo nu Filistin jinojoong i Gaza, Asdod, Askelon, Gat, ka' Ekron.)

YOSUA 13:3 ပူးပေါင်းရင်းမြစ်များ

KAJADIAN 10:6

To ana-anak i Ham aijo'mo i Kus, i Mesir, i Libia ka' i Kana'an.

KAJADIAN 15:18

Tempo'nyo aijo' na Tumpu binalajanji'mo hi Abram. Notataemo na Tumpu, “Aku balajanji'mo mombee'mo hi lee' nu beleyum songko-songko na tano' aiya, lengkat pe'e mae i potempasan nu lipu' Mesir toka-toka mokiijo' mae i Kaunyo nu Efrat,

1 TOMU-TOMUNDO' 8:65

I Laigan nu Tumpu aijo' na i Salomo ka' iwi-iwi' mian nu Israel anu pinalesayamo nombau lamean Tahop o atapi nu Hon nu kau', pitunsinaa na kopinnyo. Manjoo' hondo na mian anu tinoka i kiijo' Aha tinoka lengkat mae i da'erah anu majo'on hondo montulu Jalan Hamat sasu utara tinoka-toka ipotempasan tiba Mesir sasu salatan.

1 TAWARIKH 13:5

Jadi pinosihukmo i Daud na mian da'isan nu aha Israel songko-songko na lipu', lengkat pe'e mae i potempasan tiba Mesir sasu salatan toka-toka i jalan mamba i Hamat sasu utara, da mambamo mongala Peti' Palajanjian aijo' i Kiryat-Yearim ka' oboamo mae i Yerusalem.

YEREMIA 2:18

Apaa na untungnyo beleyum namba i Mesir? Pa' kahanda' da monginum uee nu Kaunyo Nil? Apaa na untungnyo beleyum namba i Asyur? Pa' kahanda' da monginum uee nu Kaunyo Efrat?

PO'ULE' INGULIT 2:23

Tano' anu montuus biwi nu Ambai anu Totonga'nyo jinojoonganmo nu aha mian anu nolengkat mae i togong Kreta. Aha nompateimo mian nu Awi tumpu nu tano' aijo', lantas nonjojoongi da'erah aijo' toka-toka mokiijo' i sasu selatan na kojo'onnyo sampe tinoka i kota Gaza.)

YOSUA 13:13

Panyo aha anu jojoong i Gesur tiba i Makha madi' i laa' nu aha mian Israel; aha daagi' jinojoong i Israel.

TO MIA-MIAN KOPIAN 16:5

Jadi tinokamo na aha olima' anu mongkuasai Filistin hi boune aijo' ka' notatae, “Soba pagala sale'i na i Simson da nu poto'i hi beleyum mosia na lahasianyo sahingga ia mahoson sumo aijo', ka' apaa na obau da ia madi'mo mahoson sumo aijo'. Da kami toka ka' moko ala mompungu ia da ia ohungku'i. Kami toto samian mombee'je hi beleyum samadala ka' sa'atu na doi pelak.”

TO MIA-MIAN KOPIAN 3:3

Aha bansa-bansa anu daagi' jinojoong i lipu' aijo', aijo'mo: bansa anu jojoong i olima' na kota Anu aha mian Filistin, iwi-iwi' na bansa Kana'an, bansa Sidon tiba bansa Hewi anu jojoong i bungkutnyo nu Libanon, lengkat pe'e mae i Bungkutnyo nu Baal-Hermon toka-toka i jalan anu mamba i Hamat.

1 SAMUEL 5:1

Salatan ingagoanmo nu aha mian Filistin na Peti' Palajanjian nu Tumpu Allah, lantas binoamo nu aha lengkat mae i Eben-Heizer namba i kota Asdod.

1 SAMUEL 5:10

Lantas Peti' Palajanjian aijo' binoamo i Ekron kota' sangga'at mule' nu aha mian Filistin. Salatan Peti' aijo' tinokamo i kiijo' anu jojoong i kiijo' lewa'mo, no loboo' aha notatae, “Peti' Palajanjian nu Tumpu Allah Israel aijo' binoamo mae no uuka da opateimo na kita iwi-iwi'.”

1 SAMUEL 5:8

Kalana aijo' aha nomposihukmo oli-olima' na tomundo' nu aha Filistin da sihuk, lantas binasale'mo. “Peti Palajanjian nu Tumpu Allah Israel aijo' oposiantomo?” Tinaaman nu tomundo' haha aijo' “Olalin mokiijo' i kota' Gad.” Jadi Peti' aijo' ilalinmo nokiijo' i kota' Gat, sa'angu'na kota' nu aha Filistin sangga'at.

1 SAMUEL 6:4

“Apaa na anu tionyo obee'to bau pontokong aijo' hi aha, pinokilawa nu mian haha aijo'. Imam haha aijo' nontaami?” “Olima' na komponan nu mosoni' otiho susumo bisun ka' olima' mule' na komponan nu mosoni' obau susumo bokoti', sumo konjoo'nyo nu to tomu-tomundo' nu aha Filistin. Temisa' balaa' kinona nu bisun ka' suele bokoti' anu nontuda'imo balaa' belemiu u'utu mae, mau mian da'isan, mau mule suele tomundo'?