YOSUA 13:29 - KITAB NU TUMPU ALLA LELE MA'IMAI'

²⁹ Sambahagian na tano' anu jinanji'mo nu Tumpu hi aha mian nu Israel aijo' suele binee'mo i Musa hi to utu-utus sambagian na tulunan nu bansa i Manasye da baumo anu nu aha.

YOSUA 13:29 ပူးပေါင်းရင်းမြစ်များ

1 TAWARIKH 5:23

Sambagian na tulunan nu bansa Manasye jojoong i da'erah Basan, kojo'onnyo toka-toka i Baal-Hermon sasu utara, Senir, tiba bungkutnyo nu Hermon. Aha nompaka pajo'onmo.

NOMBILANGMO 32:22

sahingga lipu' aijo' matundu'mo hi ia, jadi belemiu timbalimo minsusule' ka' bebasmo na belemiu kalana moko baumo apaa na anu pinalentahkonmo nu Tumpu ka' suele noko tulungimo to utu-utus nu belemiu, ka' nubee'mo nu Tumpu na tano' anu i sasu kabete'an aiya da belemiumo na tumpunyo.

NOMBILANGMO 32:40

Kalana aijo' i Musa nombee'mo tano' nu Gilead aijo' hi aha sa'anakan i Makhir, ka' aha jinojoongmo ikiijo'.

PO'ULE' INGULIT 3:13

Obagi ohua' na tulunan nu bansa Manasye sambagian binee'anku labinyo nu da'erah Gilead, ka' mule' da'erah Basan anu toho' pinalentah i tomundo Og, aijo'mo songko-songko na da'erah Argob.” (Basan talasanggo salaku lipu' nu aha mian Refaim.

YOSUA 13:28

Aijo'mo na to kota-kota tiba to kampu-kampung anu binee'mo hi to utu-utus tulunan nu bansa Gad da tano' aijo' timbalimo aha na tumpunyo.

YOSUA 13:30

Potempasan nu da'erah haha aijo' nu aha toka-toka i Mahanaim, tibamo songko-songko na Basan aijo'mo iwi-iwi' na da'erah anu nu kuasai i Og, tomundo nu aha Basan ka' mule' anu anompulu' na to kampu-kampung Yair kiijo' i Basan.

YOSUA 17:5

Jadi, misa' ola lee' to momo'ane i Manasye na mohumpak pombahagian tano', panyo suele lee'nyo anu to bouboune. Mokonyo aijo' kadaka' tulunan nu bansa Manasye binee'an sampulu' na bahagian, misa' ola tano' Gilead tiba Basan anu i sasu kabete'an Kaunyo nu Yordan. Tano' Gilead binee'mo hi lee' i Manasye sangga'at.