YOSUA 13:16 - KITAB NU TUMPU ALLA LELE MA'IMAI'

¹⁶ Da'erah nu aha aijo' monsangkup Aroer (i sohipi' nu Bangka'nyo Kaunyo nu Arnon) tiba anu i totonga' nu bangka'nyo aijo' toka-toka mokiita' iwi-iwi' i hatanyo nu bungkutnyo songko-songko na Medeba;

YOSUA 13:16 ပူးပေါင်းရင်းမြစ်များ

2 SAMUEL 24:5

Salatan aha noko potaapmo kaunyo nu Yordan, i Yoab tiba to sulu-suludadunyo binakemahmo i sasu salatan Aroër, sa'angu' na kota' i totonga' nu bangka'nyo anu kiijo' i da'erah nu Gad. Lengkat i kiijo' aha nambamo i Yaezer asasu utara.

YESAYA 15:4

Aha mian nu Hesybon tiba Eleale sola'mo molokuk sahingga kahongoanmo toka-toka i Yahas. Ka' mule' to sulu-suludadu ilakatnyomo; kalana aha madi'mo binaani.

NOMBILANGMO 21:26

Hesybon puso nu kota i Tomundo Sihon. Ia toho'mo nahampate nongewa i Tomundo nu aha Moab ka' nompalentah da'erahnyo kojo'onnyo tinoka-toka i Kaunyo nu Arnon.

PO'ULE' INGULIT 3:12

“Salatan tano' aijo' tinimbalimo anunto binee'-Kumo hi tulunan nu bansa Ruben ka' Gad na da'erah sasu utara kota Aroër koko Kaunyo nu Arnon, ka' sambagian i da'erah bungkutnyo nu Gilead, tibamo kota'nyo iwi-iwi'.

YOSUA 12:2

Samian sanggonyo i Sihon, tomundo nu aha Amori anu jojoong i Hesybon. Da'erah anu nu palentah monsangkup sambahagian da'erah Gilead; lengkat mae i Aroer (i sohipi' nu Bangka'nyo Arnon) ka' kota anu i totonga' nu bangka'nyo aijo' kojo'onnyo toka-toka i Kaunyo nu Yabok mompaha tempas da'erah nu aha bansa Amon;

YOSUA 13:15

Sambahagian na tano' anu jinanji'mo nu Tumpu hi aha mian nu Israel aijo' binee'mo i Musa hi to utu-utus nu aha tulunan nu bansa Ruben, da timbalimo aha na tumpunyo.

YOSUA 13:17

ka' suele Hesybon tiba iwi-iwi' na kota i hatanyo nu bungkutnyo aijo': aijo'mo Dibon, Bamot-Baal, Bet-Baal-Meon,

YOSUA 13:9

Da'erah nu aha monsangkup Aroer (i sohipi' nu Bangka'nyo Kaunyo nu Arnon), ka' kota anu i totonga' nu bangka'nyo aijo'. Ka' suele songko-songko na da'erah i hatanyo aita' i bungkutnyo lengkat mae i Medeba toka-toka i Dibon,

YOSUA 14:3

Tano' i sasu kabete'an Kaunyo nu Yordan binee'mo i Musa hi aha ohua' ka' mintonga' na tulunan nu bansa sangga'at. (Palalu osumbu' na aiya saba' lee' i Yusuf binagi ohua' na tulunan nu bansa. Tulunan nu bansa Manasye tiba tulunan nu bansa Efraim.) Mongkona tulunan nu bansa Lewi, madi' ko tano' anu binee' i Musa hi aha. Aha ola binee'an to kota-kota' bau tampat kajojoongan, ka' anu ko padangnyo da nukaan nu sapi anu opotuu' tiba domba nu aha.

YOSUA 18:7

Ola tulunan nu bansa Lewi na madi' mohumpak bahagian tano' susumo belemiu, kalana bahagian nu aha aijo'mo timbali to ima-imam mombau apaa na anu nu palentahkon nu Tumpu. Ka' aha tulunan nu bansa Gad, Ruben ka' sambagian tulunan nu bansa Manasye memang aha nohumpakmo bahagiannyo i sasu kabete'an Kaunyo nu Yordan. I Musa posaihon nu Tumpu nombee'mo tano' aijo' hi aha.”

TO MIA-MIAN KOPIAN 11:26

Tinolu'atu na taun na kinopinnyo na Israel nompalentah Hesybon tiba Aroer ka' mule' kampu-kampung sangga'atnyo ka' iwi-iwi' na kota-kota i sonibi nu Kaunyo Arnon. Ka' kadaka' tempo'nyo aijo' belemiu madi' po'ule nongala?