YOSUA 12:8 - KITAB NU TUMPU ALLA LELE MA'IMAI'

⁸ Da'erah aijo' monsangkup da'erah nu bungkutnyo, da'erah tengkenyo nu bungkutnyo sasu kinsoban, Bangka'nyo nu Yordan tibamo da'erahnyo i tengke nu bungkutnyo, da'erah anu i sohipi' nu bungkutnyo sasu kabete'an, ka' da'erah padang bola sasu selatan. Da'erah haha aijo', aijo'mo na da'erah anu toho'mo kinajojoongan nu bansa Het, Amori, Kana'an, Feris, Hewi ka' Yebus.

YOSUA 12:8 ပူးပေါင်းရင်းမြစ်များ

KAJADIAN 10:17

mian nu Hewi, Arki, Sini,

KAJADIAN 12:9

Lapas aijo' ia namba mule' lengkat i sa'angu' na tampat namba mule' i tampat sangga'at mompanjolongi bahagian sasu selatan tano' nu Kana'an.

KAJADIAN 13:7

Lantas pinainggagamo na to pola-polaya' potu'on i Abram ka' to pola-polaya' potu'on i Lot. (Tempo'nyo aitu mian nu Kana'an ka' mian nu Feris daagi' monjoongi tano' aijo'.)

NOSABATMO 23:23

Malaekat-Ku na mambaje momona lantas belemiuje, ka' momboa belemiu i lipu' nu bansa Amori, Het, Feris, Kana'an, Hewi ka' Yebus, ka' aha Ku silakaimo.

NOSABATMO 3:8

Kalana aijo' mambamo na Aku mompobebas aha i lima nu mian Mesir ka' momboamo aha mosabat lengkat i lipu' aijo' mamba mokiijo' i sa'angu' na lipu' anu ewa. Tano'nyo kaya ka' molumba', ka' uuka aiya kajojoongan nu aha bansa Kana'an, bansa Het, Amori, Feris, Hewi ka' Yebus.

PO'ULE' INGULIT 7:1

“Tumpu Allah nu belemiu momboamo belemiu mamba i lipu' anu saidi' mae ojojoongimo miu, ka' manjoo' na bansa anu Nu laa' mosabat ikiijo'. I ahop nu mata nu belemiu popitu' na bansa Nu laa' anu lebe daka' ka' lebe mahoson molingkudui belemiu, aijo'mo aha mian nu Het, Girgasi, Amori, Kana'an, Feris, Hewi ka' Yebus.

PO'ULE' INGULIT 9:1

“Potombihing mae to Utu-utus! Sinaa aiya belemiu motaapmo i Kaunyo Yordan da monjojoongimo da'erah nu to bansa-bansa anu lebe daka' ka' lebe mahoson molingkudui belemiu. To kota-kota nu aha anu toto daka-daka' tiba pagannyo mesen anu matangkas toka-toka i langit.

YOSUA 10:40

Songko-songko na lipu' haha aijo' pinatundu'mo i Yosua. Ia nompatundu'mo tomundo haha aijo' anu i da'erah nu bungkutnyo, i tengkenyo nu bungkutnyo haha aijo' i sasu kabete'an, i tengke nu bungkutnyo haha aijo' sasu kinsoban ka' songko-songko na padang sasu selatan. Mau pe'e ola samian madi'mo daagi' ko anu pinotumuu'; iwi-iwi' pinateanmo. Aijo' binau susumo anu pinalentahkonmo nu Tumpu, Tumpu Allah nu aha Israel.

YOSUA 11:16

I Yosua nompatundu'mo songko-songko na lipu' aijo' – da'erah anu aita' i bungkutnyo da'erah i tengke nu bungkutnyo, mau anu i sasu utara, mau anu i selatan; ka' mule' suele songko-songko na da'erah Gosyen ka' da'erah padang anu mateges sasu selatan Gosyen, ka' mule' bangka'nyo nu Yordan.

YOSUA 3:10

De belemiu mokiijo'mo mongahopimo aha, matantumo na Tumpu molaa'mo aha mian nu Kana'an, Het, Hewi, Feris, Gergasi, Amori tiba Yebus. Ka' salatan Peti' Palajanjian nu Tumpu hau-haunyomo motaap i Kaunyo nu Yordan mamba momona, lantas belemiu imihi-mihije otoamo nu belemiu na Tumpu Allah anu tumuu' atina' hi belemiu.

YOSUA 9:1

Lele nu aha Israel anu saja' untung i pahampatean tinogilelemo hi iwi-iwi' na tomundo i sasu kinsoban Kaunyo nu Yordan – aita' mae i bungkutnyo, i tengke nu bungkutnyo ka' i hatanyo tutuus sonibi nu Ambai anu Totonga'nyo kojo'onnyo toka-toka i Bungkutnyo nu Libanon sasu utara aijo'mo to tomu-tomundo nu aha Het, Amori, Kana'an, Feris, Hewi ka' Yebus.

TO MIA-MIAN KOPIAN 1:9

Lapas aijo' aha namba mule' nontumbuhi aha mian nu Kana'an anu jojoong aita' mae i da'erah nu bungkutnyo; ka' suele anu jojoong i sohipi' nu puge'nyo; ka' mule' anu jojoong i da'erah anu mapeges, sasu selatan.