YOSUA 12:1 - KITAB NU TUMPU ALLA LELE MA'IMAI'

¹ Da'erah Yordan sasu kabete'an lengkat mae i Bangka'nyo nu Kaunyo Armon lau-laus mokiita' i Bangka'nyo nu Yordan kojo'onnyo toka-toka i Bungkutnyo nu Hermon sasu utara, pinatundu'mo ka' ingalamo ka' jinojoonganmo nu aha mian Israel. Ohua' na tomundo na pinatundu' nu aha.

YOSUA 12:1 ပူးပေါင်းရင်းမြစ်များ

MAZMUR 133:3

Kabai sumomo dondu'ok i Bungkutnyo nu Hermon, anu no'ilimo nokaiyong i puge'nyo nu Sion. Ikiijo'mo mae na Tumpu montudunakon balakat-Nyo, kantumuu'an sampe toka sidu-sidutu'.

MAZMUR 136:21

Lipu' nu aha binee'Nyomo hi mian anu pinalesayamo hi Ia; kalibosan-Nyo sampe toka sidu-sidutu';

MAZMUR 89:12

Langit ka' tano' Belento na tumpu-Nyo, dunia ka' iwi-iwi' na isinyo Belento na nompotimbali.

YESAYA 16:2

Aha to mia-mian nu Moab nontanda'imo isonibi nu Kaunyo Arnon ka' lewa'mo nahalajangan kalana biningongmo sumomo tomonsi' anu sinieanmo aijo' i petaanyo.

NOMBILANGMO 21:13

Lengkat ikiijo' aha nompo'ule'mo namba ka' nombaumo kemah i santoa nu Kaunyo nu Arnon, i padang bola sasu mokiijo' i da'erah nu mian Amori. Kaunyo nu Arnon aijo' salakumo bau potempasan da'erah nu mian Moab tiba da'erah nu mian Amori.

NOMBILANGMO 21:21

Lantas bansa Israel nonsaimo bobotokon hi Sihon, tomundo nu Amori, da mompotoka potuunon sumo uuka,

NOMBILANGMO 21:24

Panyo aha nahampate aijo' manjoo' na suludadu nu aha Amori pinatean nu aha mian Israel. Lantas aha mian nu Israel nompalentahmo da'erah nu aha lengkat mae i Kaunyo nu Arnon tinoka-toka i Kaunyo nu Yabok; aijo'mo potempasan nu da'erah nu aha mian Amon, kalana potempasannyo aijo' mahoson na suludadunyo.

NOMBILANGMO 32:19

Mau ola sangkiding na tano' nu aha madi'kami mongala anu kiijo' i santoa nu Kaunyo nu Yordan kalana nohumpakmo bagi na kami i aiya, i sasu kabete'an Kaunyo nu Yordan.”

NOMBILANGMO 32:32

Tumpu na momboa kami motaap mokiijo' i lipu' nu aha Kana'an ka' mahampate, panyo tano' i sasu kabete'an nu Kaunyo nu Yordan aiya sabole-bolemo ahi' kamimo na tumpunyo.”

NOMBILANGMO 32:33

Lantas binee'mo i Musa hi aha tulunan nu bansa Gad haha aijo' tiba Ruben ka' sambahagian na tulunan nu bansa Manase songko-songko na daerah nu Sihon, Tomundo nu Amori, tiba daerah Og, tomundo nu Basan, tibamo to kota-kota ka' tano'nyo songko-songko.

PO'ULE' INGULIT 2:24

“Salatan kita noliu-liumo da'erah nu aha Moab, Tumpu notataemo hi kita, ‘Lako'mo uuka aiya potaapmo i Kaunyo nu Arnon. Ku bee'mo hi belemiu na i Sihon, tomundo nu Amori anu mompalentah kiijo' i Hesybon, hingga-hinggat tiba lipu'nyo. Tumbuhimo na ia lantas jojoongimo na tano'nyo.

PO'ULE' INGULIT 2:32

Sahingga tinokamo na i Sihon tiba iwi-iwi' na suludadunyo, da mompahampateakonmo kita koko kota Yahas.

PO'ULE' INGULIT 3:1

“Lapas aijo' kita nambamo i sasu utara da'erah nu aha Basan. I Og tomundo nu aha Basan nambamo mae tiba iwi-iwi' na suludadunyo nompahampateakonmo kita koko kota Edrei.

PO'ULE' INGULIT 4:44

Lantas i Musa nombee'imo atulan haha aiya ka' mule' palentah nu Tumpu Allah haha aiya hi bansa Israel.

PO'ULE' INGULIT 4:48

Tano' aijo' lengkat mae i kota Aroër sohipi' nu Kaunyo Arnon, toka-toka i sasu utara ka' i lau-lausmo i Bungkutnyo nu Siryon, aijo'mo Bungkutnyo nu Hermon,

YOSUA 1:15

Belemiu tionyo ahi' montulungi aha sahingga aha jojoongmo i tano' sasu kinsoban Kaunyo nu Yordan aijo' anu binee'mo nu Tumpu Allah nu belemiu hi aha. De nubee'imo nu Tumpu ka'amanan ka' madi'mo ko anu mompoposia aha iwi-iwi' bansa Israel, atina'je ka' belemiu timbali minsusule' i posi tano' nu belemiu anu i sasu kabete'an nu Yordan aiya. Anu binee'mo i Musa posaihon nu Tumpu aijo' hi belemiu.”

YOSUA 11:17

Ko ewanyo nu da'erah aijo' lengkat pe'e mae i Bungkutnyo anu Madi' ko anu tumuu' i sasu selatan koko Edom, toka-toka i sasu utara kojo'onnyo toka-toka i Baal-Gad i Bangka'nyo nu Libanon sasu selatan Bungkutnyo nu Hermon. Pinin hondo na i Yosua nahampate tiba to tomu-tomundo i da'erah aijo', panyo ahennyo pinaha hakopnyomo na aha ka' pinateannyomo na aha iwi-iwi'.

YOSUA 11:3

Ia suele nonsai mian namba hi mian nu Kana'an sasu kinsoban ka' sasu kabete'an nu Yordan, namba hi mian nu Amori, Het, Feris, tiba aha mian nu Yebus i da'erah nu bungkutnyo, ka' mule' aha mian nu Hewi i tengke nu Bungkutnyo nu Hermon i da'erah nu Mizpa.

YOSUA 13:8

Tulunan nu bansa Ruben ka' Gad ka' sambagian na tulunan nu bansa Manasye mohumpakmo tano' anu binee'mo i Musa, posaihon nu Tumpu, aijo'mo tano' anu i sasu kabete'an Kaunyo nu Yordan.

YOSUA 22:4

Sahingga susumo anu jinanji'-Nyomo, Tumpu Allah nu belemiu nombee'imo ka'amanan hi to utu-utus nu belemiu, mian nu Israel sangga'at. Jadi, uuka aiya pinsusule'mo i posi da'erah nu belemiu i sasu kabete'an Kaunyo nu Yordan aijo' anu binee'mo i Musa hi belemiu u'utu mae.

TO MIA-MIAN KOPIAN 11:18

Lapas aijo' aha po'ule'mo namba notulumo i padang bone' panyo madi' notulu i da'erah Edom tiba Moab, panyo nongalamo jalan anu mompolilit sahingga tinokamo i sasu kabete'an lipu' nu Moab, i santoa nu Kaunyo Arnon. Aha nombaumo kemah ikiijo' mae, panyo madi' notaap i kaunyo aijo' kalana da'erah aijo' ninsoopmo da'erah nu Moab.