YOSUA 11:3 - KITAB NU TUMPU ALLA LELE MA'IMAI'

³ Ia suele nonsai mian namba hi mian nu Kana'an sasu kinsoban ka' sasu kabete'an nu Yordan, namba hi mian nu Amori, Het, Feris, tiba aha mian nu Yebus i da'erah nu bungkutnyo, ka' mule' aha mian nu Hewi i tengke nu Bungkutnyo nu Hermon i da'erah nu Mizpa.

YOSUA 11:3 ပူးပေါင်းရင်းမြစ်များ

KAJADIAN 31:49

I Laban notatae mule', “O' amalakon da Tumpu monjagai mae kita maumo kita tumuu' i tampat to majo'onan.” Kalana aitu tampat aijo' sinanggohanmo suele i Mizpa.

2 SAMUEL 24:16

Malaekat nu Tumpu anu nomboa mae balaa' kapatean aijo' tinoka-tokamo i tampat ponggilingan gandum anu i Arauna, mian nu Yebus. Salatan tinoa nu Tumpu na malaekat aijo' kahanda'mo mompatei mian nu Yerusalem, Tumpu nombali'imo tanga'an-Nyo, ka' Tumpu madi'mo nohukum bansa aijo'. Pinoto'i-Nyomo hi malaekat aijo', “Injahamo! Bolimo!”

2 SAMUEL 24:7

Lengkat i kiijo' aha nambamo i Tirus sasu selatan kota anu ko bentengnyo aijo'. Ka' mule' aha nambamo i to kota-kota iwi-iwi' hi aha mian nu Hewi ka' mian nu Kanaan ka' ahennyo nambamo nokiijo' i Bersyeba i sasu selatan Yehuda.

1 TOMU-TOMUNDO' 15:22

Lapas aijo', iwi-iwi' na mian songko-songko i da'erah Yehuda madi'ko samiannyo, pinalentahmo i Tomundo' Asa da mamba mongato batu ka' kau' anu pinake i Baesa kiijo' i Rama nompohoson kota aijo'. Batu tiba kau' haha aijo' pinakemo i Asa da mompohoson kota Mizpa tiba Geba, sa'angu' na kota i da'erah nu Benyamin.

1 TOMU-TOMUNDO' 9:20

Kalaja opakisa aijo', i Salomo nompalentahmo to mia-mian lee'mae nu aha mian Amori, Het, Feris, Hewi, tiba Yebus. Aha mian haha aijo' lee'mae nu bansa Kana'an anu madi' pinoko patean iwi-iwi', nu mian Israel tempo'nyo aha nonjojoongimo lipu' aijo'. Sampe tempo' uuka aiya lee' nu aha daagi' lewa' bau botuan.

MAZMUR 133:3

Kabai sumomo dondu'ok i Bungkutnyo nu Hermon, anu no'ilimo nokaiyong i puge'nyo nu Sion. Ikiijo'mo mae na Tumpu montudunakon balakat-Nyo, kantumuu'an sampe toka sidu-sidutu'.

MAZMUR 89:12

Langit ka' tano' Belento na tumpu-Nyo, dunia ka' iwi-iwi' na isinyo Belento na nompotimbali.

NYANYIAN ANU TALASANGGO 4:8

Imbo' da kita mintatau'mo lengkat mae i Libanon pangantenku; imbo'mo da kita mintatau' lengkat mae i Libanon. Pintatau'mo lengkat mae aita i bawo nu bungkutnyo nu Amana, lengkat mae aita' i bawo nu bungkutnyo senir, tiba Hermon kajojoongan nu macan tutul tiba singa.

YEREMIA 40:10

Jojoongmo ikota-kota' anu nu ka'ima'i nu belemiu ka' pongalamo ka' mule' pompo una'mo anggur, bua' nu kau' anu okaan tiba lanya' nu zaitun. Aku suele jojoongmo i Mizpa ka' timbalimo wakin nu mian da'isan de aha mian nu Babel tokamo mae.”

YEREMIA 40:6

Aku nambamo hi Gedalya kiijo' mae i Mizpa, ka' jinojoongmo hi ia hi aha mian da'isan anu pinojoongmo ilipu' Yehuda.

YEREMIA 41:14

lantas nobalikmo ka' nopalai nonsingkaboti gombuan nu mian i Yohanan.

YEREMIA 41:3

I Ismael nompatei mule' ahi' iwi-iwi' na aha mian nu Yehuda anu kiijo' tiba i Gedalya i Mizpa, ka' iwi-iwi' na suludadu nu aha Babel anu pinopadonnyo daagi' ikiijo'.

NOMBILANGMO 13:29

Mian nu Amalek jojoong sasu selatan i lipu' aijo'; mian nu Het, mian nu Yebus ka' Amori jojoong i da'erah puge'nyo; panyo mian nu Kana'an monjojoongi da'erah anu montuus ambai ka' montuusakon Kaunyo nu Yordan.”

PO'ULE' INGULIT 4:48

Tano' aijo' lengkat mae i kota Aroër sohipi' nu Kaunyo Arnon, toka-toka i sasu utara ka' i lau-lausmo i Bungkutnyo nu Siryon, aijo'mo Bungkutnyo nu Hermon,

PO'ULE' INGULIT 7:1

“Tumpu Allah nu belemiu momboamo belemiu mamba i lipu' anu saidi' mae ojojoongimo miu, ka' manjoo' na bansa anu Nu laa' mosabat ikiijo'. I ahop nu mata nu belemiu popitu' na bansa Nu laa' anu lebe daka' ka' lebe mahoson molingkudui belemiu, aijo'mo aha mian nu Het, Girgasi, Amori, Kana'an, Feris, Hewi ka' Yebus.

YOSUA 11:17

Ko ewanyo nu da'erah aijo' lengkat pe'e mae i Bungkutnyo anu Madi' ko anu tumuu' i sasu selatan koko Edom, toka-toka i sasu utara kojo'onnyo toka-toka i Baal-Gad i Bangka'nyo nu Libanon sasu selatan Bungkutnyo nu Hermon. Pinin hondo na i Yosua nahampate tiba to tomu-tomundo i da'erah aijo', panyo ahennyo pinaha hakopnyomo na aha ka' pinateannyomo na aha iwi-iwi'.

YOSUA 11:8

Ka' pino'untungmo nu Tumpu na Israel nongewa aha. Aha mian nu Israel nontumbuhimo ka' nololoi'mo aha kojo'onnyo tinoka-toka i Misrefot-Maim tiba Sidon sasu utara, ka' kojo'onnyo toka-toka i Bangka'nyo nu Mizpa sasu kabete'an. Sabole-bole saja'mo nahampate sahingga sampobali' madi'mo ko anu tinontuha', iwi-iwi' i natemo.

YOSUA 13:11

Ka' suele tiba da'erah Gilead, da'erah songko-songko Gesur tiba Maakha, tiba iwi-iwi' na Bungkutnyo nu Hermon, ka' iwi-iwi' na da'erah Basan toka-toka i Salkha.

YOSUA 13:5

ka' mule' da'erah nu bansa Gebal, ka' iwi-iwi' na da'erah Libanon mompatui sasu kabete'an, lengkat mae i Baal-Gad sasu selatan Bungkutnyo nu Hermon, lau-laus mompatui toka-toka i jalan anu mamba i Hamat.

YOSUA 15:63

Kota Yerusalem ninsoopmo suele anu nu aha Yehuda, panyo aha mian nu Yehuda madi' noko ala nolaa' aha mian nu Yebus anu jojoong ikiijo'. Sangkutnyo tempo' uuka aiya aha mian nu Yebus daagi' hingga-hinggat kiijo' jojoong tiba aha mian nu Yehuda i kota aijo'.

YOSUA 3:10

De belemiu mokiijo'mo mongahopimo aha, matantumo na Tumpu molaa'mo aha mian nu Kana'an, Het, Hewi, Feris, Gergasi, Amori tiba Yebus. Ka' salatan Peti' Palajanjian nu Tumpu hau-haunyomo motaap i Kaunyo nu Yordan mamba momona, lantas belemiu imihi-mihije otoamo nu belemiu na Tumpu Allah anu tumuu' atina' hi belemiu.

TO MIA-MIAN KOPIAN 20:1

Jadi tinokamo na mian nu Israel iwi-iwi' lengkat mae i Dan sasu utara toka-toka i Bersyeba sasu selatan, tiba i Gilead sasu kabete'an, da mohongo apaa na anu i lagakon aijo'. Aha sinihukmo ka' nosa'angu'mo i Mizpa i ahop nu Tumpu.

TO MIA-MIAN KOPIAN 21:5

Lapas aijo' pinaha pokilawamo nu aha na to tulu-tulunan nu bansa Israel pa' daagi ko anu madi' namba sinihuk i ahop nu Tumpu kiijo' i Mizpa u'utu mae. (Tempo'nyo aitu aha binasumpa'mo tukoonyo nu aha mian anu nohongo-hongo polaga namba i Mizpa hukumannyo tionyo ahi' opatei.)

TO MIA-MIAN KOPIAN 21:8

Sahingga pinaha pokilawamo nu aha pa' daagi' ko sa'angu' na tulunan nu bansa Israel anu madi' namba sinihuk i Mizpa. Jadi salatan sinumbu'mo nu aha taalu' aha mian nu Yabea i daerah Gilead na madi' i namba i Mizpa.

TO MIA-MIAN KOPIAN 3:3

Aha bansa-bansa anu daagi' jinojoong i lipu' aijo', aijo'mo: bansa anu jojoong i olima' na kota Anu aha mian Filistin, iwi-iwi' na bansa Kana'an, bansa Sidon tiba bansa Hewi anu jojoong i bungkutnyo nu Libanon, lengkat pe'e mae i Bungkutnyo nu Baal-Hermon toka-toka i jalan anu mamba i Hamat.

TO MIA-MIAN KOPIAN 3:5

Mokonyo aijo' aha mian nu Kana'an, Het, Amori, Feris, Hewi tiba Yebus tataap jojoong i lipu' aijo' hingga-hinggat tiba mian nu Israel.

1 SAMUEL 10:17

Lantas i Samuel nolagamo aha mian da'isan Israel da sihuk i Mizpa,