YOSUA 11:20 - KITAB NU TUMPU ALLA LELE MA'IMAI'

²⁰ Pinobaanimo nu Tumpu na aha da jukut na mahampate tiba aha mian nu Israel da aha ohopu'imo ka' opateimo iwi-iwi' madi'mo daagi' ko ampunnyo susumo anu pinalentahkonmo nu Tumpu hi Musa.

YOSUA 11:20 ပူးပေါင်းရင်းမြစ်များ

2 SAMUEL 17:14

Nohongo potatae aijo' i Absalom tiba aha mian nu Israel iwi-iwi' notataemo, “Pokinde' i Husai na lebe ma'ima' molingkudui pokinde' i Ahitofel.” Memang, Tumpumo na nontantukan da boli otuluti na pokinde' i Ahitofel anu ma'ima' aijo' da i Absalom mohumpakmo balaa'.

1 TOMU-TOMUNDO' 12:15

Apaa na anu pinoita nu mian da'isan madi' pinajuliannyo. Panyo' aijo' memang pongka'oho'mo nu Tumpu. Apaa na anu pinoto'imo nu Tumpu hi Nabi Ahia kiijo' mae i Silo mongkona i Yerobeam anak i Nebat tionyo jadi.

2 TAWARIKH 22:7

Tinantukanmo nu Tumpu Allah na ajan i Ahazia silakamo de ia mambamo montoa i Yoram. Tempo'nyo namba nontoa aijo', i Ahazia tiba i Yoram tinumbuhanmo mae nu mo'ane samian sanggonyo i Yehu anak i Nimsi, anu pinile'anmo nu Tumpu da mompatei aha sa'anakan i Tomundo Ahab.

2 TAWARIKH 25:16

“Pomohokot”, na koonyo i Amazia, “De madi' opateimo mami na beleyum! Madi' toho' kami nohangkat beleyum da mompokinde'i i tomundo!” Sahingga nomohokotmo na nabi aijo', panyo ma'isa pe'e ia nomohokot ia daagi' notatae, “Uuka aiya sinumbu'kumo taalu' Tumpu Allah nontantukanmo da osilakaimo na belento Tomundo kalana belento Tomundo nombaumo han anu sumo aijo', ka' kalana belento Tomundo madi'mo nompajuli pokinde'ku.”

NOSABATMO 10:1

Tumpu notatae hi Musa, “Lako' mamba mangadap hi tomundo. Aku nompotimbalimo ia ka' aha anu ko pangkatnyo pinanggagamo da Aku timbali mombau anu okabangangi aijo' hi aha,

NOSABATMO 11:10

I Musa ka' i Harun nombaumo iwi-iwi' na anu okabangangi aijo' i ahop nu tomundo, panyo Tumpu nompotimbalimo ia pinanggagamo, sahingga ia madi' mongka'oho' mompobee' aha mian nu Israel mompala'i lipu'nyo.

NOSABATMO 14:17

Mian nu Mesir Ku potimbalimo da panggaga sahingga aha salolo-loloi'nyomo mian nu Israel, sahingga Ku potoamo na kakuasa'an-Ku hi tomundo nu Mesir, suludadunyo, to kale-kaletanyo, tiba anu nonsake'i.

NOSABATMO 14:4

Ku potimbalije na ia da panggaga sahingga ia mololoi'mo belemiu. Panyo Ku potoaje na kakuasa'an-Ku hi tomundo Mesir ka' hi suludadunyo, da nusumbu' nu aha taalu' Akumo na Tumpu.” Lantas binaumo nu aha mian Israel susumo anu pinalentahkonmo nu Tumpu hi aha.

NOSABATMO 14:8

Memang Tumpu nompotimbalimo panggaga na i tomundo, sahingga i loloi'nyomo na aha mian nu Israel anu hau-haunyomo namba nompala'imo lipu' aijo', Tumpu na nonjagaimo aha.

NOSABATMO 4:21

Tumpu notatae hi Musa, “Aku mombee'imo kuasa hi beleyum da mombau anu okabangangi. Jadi de beleyum minsusule'mo i Mesir, baumo iwi-iwi' na anu okabangangi i ahop nu tomundo Mesir. Panyo Ku pojadimo na ia da panggaga, sahingga ia madi' mongka'oho' mompobee' bansa aijo' mamba.

NOSABATMO 9:12

Panyo Tumpu nompotimbalimo i tomundo pinanggaga ka' susumo anu tinaloakonmo nu Tumpu, i tomundo madi' mongka'oho' mompajuli potatae i Musa ka' i Harun.

NOSABATMO 9:16

Panyo belemiu Ku pobee' tumuu' da timbali Ku potoa na kakuasa'an-Ku hi belemiu, sahingga sanggong-Ku talasanggo i songko-songko na dunia.

YESAYA 14:24

Tumpu Anu Daka na Kuasanyo notataemo, “Anu tinanga'an-Kumo aijo' tionyo ahi' jadimo.

YESAYA 34:2

Tumpu nontambuha'imo iwi-iwi' na bansa ka' mule' hi iwi-iwi' na gombuan nu suludadu nu aha. Ia mohukumo ka' mule' monsilakaimo aha.

ROMA 9:18

Jadi, Tumpu mongkalibosi batu-batu mian, de Tumpu Allah ko kahanda' sumo aitu. Ka' Tumpu mompopanggaga samian, de Tumpu ko kahanda' sumo aijo' suele.

PO'ULE' INGULIT 2:30

Panyo i Tomundo Sihon madi' nompobee' kita motulu i lipu' nu aha aijo'. Tumpu Allah nu belemiu nompotimbalimo ia da panggaga ka' mompagala da kita timbali mompatundu' ia. Da'erahnyo daagi' o jojoonginto sampe uuka aiya.

PO'ULE' INGULIT 7:16

Batu-batu bansa anu nubee'mo nu Tumpu Allah nu belemiu da okuasaimo nu belemiu tionyo ahi' opateimo nu belemiu; boli mompotoa kalibosan hi aha. Boli monsombah to pilo-pilogot nu aha, kalana kalakuan anu sumo aijo' mompotoka mae balaa' hi belemiu.

TO MIA-MIAN KOPIAN 14:4

Madi' sinumbu' nu tuumanyo tiba tinanyo na i Simson taalu' Tumpu na nompotimbali i Simson da mombau han aijo'. Kalana, Tumpu moliomo tempo' anu ma'ima' da mompahampateakonmo aha mian nu Filistin. Tempo'nyo aitu mian nu Filistin nongkuasaimo aha mian nu Israel.

1 SAMUEL 2:25

De mian mombau kasala'an hi sangko manusia Tumpu Allah na montimbangi kasala'annyo; panyo de mian baladosa'mo hi Tumpu, ihe na moko ala montulungi?” Panyo aha madi' mompajuli pokinde' nu tuuma nu aha i Eli, kalana tinantukanmo nu Tumpu na aha opateimo.