YOSUA 11:2 - KITAB NU TUMPU ALLA LELE MA'IMAI'

² mamba hi to tomu-tomundo anu aita' mae i bungkutnyo sasu utara, i Hatanyo nu Yordan sasu Selatan Galilea, i daerah tengkenyo nu bungkutnyo ka' da'erah sonibi nu ambai koko Dor.

YOSUA 11:2 ပူးပေါင်းရင်းမြစ်များ

1 TOMU-TOMUNDO' 15:20

I Benhadad nonsitujuimo sale'nyo aijo', lantas nompalentahmo to sulu-suludadunyo anu matangkas na pangkatnyo ka' mule' gombuan nu suludadu nu aha da mambamo montumbuhi iwi-iwi' na kota nu aha Israel. Aha nompatundu'mo Iyon, Dan, Abel-Bet-Maakha tiba Kinerot koko Dowiwi nu Galilea tiba iwi-iwi' na da'erah Naftali.

NOMBILANGMO 34:11

Lengkat ikiijo' mokaiyong i Ribla i sasu kabete'an Ain, lantas lau-lausmo toka-toka i puge'nyo haha kiijo' i biwi nu ambai sasu kabete'an i Dowiwi Galilea.

LUKAS 1:39

Lia-lia' ilapas aijo', i Maria namba i sa'angu' na kota i Yudea, i da'erah bungkutnyo.

LUKAS 5:1

Daagi' ko tempo' sa'angu' i Yesus tinuminjo i biwi nu Dowiwi Genesaret. Da'isan na mian anu nompaha genso-gensotmo da mohongo sisik lengkat mae hi Tumpu.

YOSUA 10:40

Songko-songko na lipu' haha aijo' pinatundu'mo i Yosua. Ia nompatundu'mo tomundo haha aijo' anu i da'erah nu bungkutnyo, i tengkenyo nu bungkutnyo haha aijo' i sasu kabete'an, i tengke nu bungkutnyo haha aijo' sasu kinsoban ka' songko-songko na padang sasu selatan. Mau pe'e ola samian madi'mo daagi' ko anu pinotumuu'; iwi-iwi' pinateanmo. Aijo' binau susumo anu pinalentahkonmo nu Tumpu, Tumpu Allah nu aha Israel.

YOSUA 10:6

Aha mian nu Gibeon nompolelemo lele aiya hi Yosua kiijo' i kemah nu aha i Gilgal, “Boli opojohok nu belento na kami ola sausa' Tuumangku! Lia-lia' toka mae montulungi kami, kalana suludadu lengkat mae hi tomundo nu aha Amori iwi-iwi' i da'erah anu i bungkutnyo nosa'angu'mo mongewa kami!”

YOSUA 11:16

I Yosua nompatundu'mo songko-songko na lipu' aijo' – da'erah anu aita' i bungkutnyo da'erah i tengke nu bungkutnyo, mau anu i sasu utara, mau anu i selatan; ka' mule' suele songko-songko na da'erah Gosyen ka' da'erah padang anu mateges sasu selatan Gosyen, ka' mule' bangka'nyo nu Yordan.

YOSUA 11:21

Tempo'nyomo aitu suele na i Yosua namba nompatei iwi-iwi' bansa Enak, aijo'mo bansa anu toto daka-daka' na butong nu aha anu jojoong i da'erah nu bungkutnyo – kiijo' mae i Hebron, Debir, Anab, ka' songko-songko na da'erah nu bungkutnyo Yehuda tiba Israel. Aha iwi-iwi' pinateanmo i Yosua ka' iwi-iwi' na kota nu aha ingideanmo.

YOSUA 12:3

ka' mule' monsangkup da'erah Bangka'nyo nu Yordan sasu kabete'an lengkat pe'e mae i dowiwi Galilea mamba mompatui sasu selatan toka-toka Bet-Yesimot (i sasu kabete'an Ambai Mate), lau-laus mamba i tengke nu Bungkutnyo Pisga.

YOSUA 13:27

I Bangka'nyo nu Yordan da'erah nu tulunan nu bansa Gad aijo' monsangkup Bet-Haram, Bet-Nimra, Sukot, tiba Zafon, aijo'mo na anu madi' minsoop da'erah anu nu kuasai i Tomundo Sihon anu jojoong i Hesybon. Potempasan sasu kinsoban da'erah nu tulunan nu bansa Gad aijo', aijo'mo Kaunyo nu Yordan kojo'onnyo toka-toka i Dowiwi Galilea sasu utara.

YOSUA 17:11

I uno nu da'erah i Isakhar tiba i Asyer aijo' daagi' ko tano' anu i Manasye, aijo'mo: Bet-Sean tiba Yibleam tiba kampu-kampungnyo anu ikiijo'. Ka' suele: Dor (kota anu i sonibi nu ambai), En-Dor, Taanakh, Megido, tiba kampu-kampungnyo anu ikiijo'.

TO MIA-MIAN KOPIAN 1:27

Tulunan nu bansa Manasye madi' nolaa' anu jojoong i kota Bet-Sean, Taanakh, Dor, Yibleam ka' Megido tiba to kampu-kampung anu ohani ikiijo'.