YOSUA 11:15 - KITAB NU TUMPU ALLA LELE MA'IMAI'

¹⁵ Iwi-iwi' na anu pinalentahkonmo nu Tumpu hi Musa, posaihon-Nyo, pinotokakonmo i Musa hi Yosua; mau pe'e ola sa'angu' madi' ko anu kinolilimannyo.

YOSUA 11:15 ပူးပေါင်းရင်းမြစ်များ

2 TAWARIKH 30:12

I Yehuda suele Tumpu Allah nokalajamo ka' nomposa'angu'mo kinyonyoa nu mian da'isan da totu-totu'u tulu-tulutan hi pongka'oho' nu Tumpu Allah aijo'mo montuluti palentah i tomundo ka' to mia-miannyo anu ko pangkatnyo.

NOMBILANGMO 33:50

I hatanyo nu Moab aijo', i sohipi' nu Kaunyo Yordan koko kota Yerikho, Tumpu nombee'mo hi Musa

NOMBILANGMO 33:52

belemiu tionyo ahi' molaa' iwi-iwi' na anu jojoong i lipu' aijo'. O idei iwi-iwi' na bapilogotan nu aha, anu batu na binau, ka' tambaga ka' mule' tampat bau ponsomban nu aha.

MATIUS 23:23

Silaka na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! To lampa-lampa sumo solasi, adas manis, ka' suele jintan, komiu mombee'i, de sampulu' na bahagian sambahagian hi Tumpu. Padahan hahan anu palalu hondo i uno nu to atu-atulan nu agama, sumo umpamanyo: Ka'adilan, mompahakali-kalibosi, ka' mohongo-hongo, madi' o palahatikan miu. Padahan aijo'mo na tionyo o bau miu, tiba madi' timbali mompojohok anu toto sangga'at.

LUKAS 11:42

Silakamo na komiu to mia-mian nu Farisi! Hasin sosu'anonum sumo solasi, ka' inggu, ka' lampa-lampa sangga'at, sampulu' na bahagian obee' miu sambahagian hi Tumpu, panyo ka'adilan ka' liibos hi Tumpu madi' okalinga komiu. Padahan aijo'mo na anu tionyo obau miu, ka' boli momadi'akon anu sasangga'atannyo.

SISIKON NU TO RASUL-RASUL 20:20

Kita utus monsumbu' saba' saja'mo pinoto'ingku hi komiu apaa na anu ko gunanyo hi komiu. Aku mongajan komiu i posa'angu'an-posa'angu'an nu mian da'isan i to lai-laigan.

SISIKON NU TO RASUL-RASUL 20:27

Madi' toho' aku mompala'i pakalaja'anku montutuhakon hi komiu iwi-iwi' na tanga'an nu Tumpu.

PO'ULE' INGULIT 12:32

Obau iwi-iwi' apaa na anu pinalentahkonkumo hi belemiu boli otuangi kabai oga'ai.

PO'ULE' INGULIT 31:3

Posi Tumpu Allah-mo nu belemiu na lumajang mamba i momona ka' mompatei to bansa-bansa anu jojoong ikiijo' mae, sahingga belemiu timbalimo jojoong i tano' nu aha. I Yosuamo na timbali bau polaya' nu belemiu susumo anu tinaloakonmo nu Tumpu.

PO'ULE' INGULIT 31:5

Tumpu na mombee'i belemiu ka'untungan de mahampatemo tiba aha, lantas tionyo ahi' obau miu na aha susumo anu pinoto'ingkumo hi belemiu.

PO'ULE' INGULIT 31:7

Lantas i Musa nolagamo i Yosua, ka' i ahop nu bansa Israel iwi-iwi' ia notataemo hi Yosua, “Tionyo ahi' opohoson na kinyonyoa nu beleyum ka' tionyo ahi' baani, Yosua! Beleyummo na molaya' bansa aiya da jojoongmo i lipu' anu jinanji'mo nu Tumpu hi mompolee' nu aha.

PO'ULE' INGULIT 4:2

Apaa na anu ku palentahkon, boli otuangi kabai oga'ai mau ola sangkiding. Tuluti na palentah nu Tumpu Allah nu belemiu iwi-iwi' anu binee'kumo hi belemiu.

PO'ULE' INGULIT 4:5

Iwi-iwi' na atulan haha aijo' pinogulu'kumo hi belemiu susumo anu pinalentahkonmo nu Tumpu Allah-ngku. Tuluti na iwi-iwi' aijo' i lipu' anu opinsoopi miu ka' jojoongmo ikiijo'.

PO'ULE' INGULIT 7:2

De Tumpu Allah nu belemiu mombee'mo bansa haha aijo' da okuasaimo miu ka' opatundu'mo nu belemiu na aha, pateimo na aha iwi-iwi'. Boli mongkalibosi aha kabai mojanji' tiba aha.

YOSUA 1:7

Ola, tionyo ahi' beleyum totu-totu'u na kinyonyoa ka' baani. Beleyum tionyo ahi' sabole-bole monginau' ka' beleyum sabole-bole ahi' montuluti atulan iwi-iwi' anu binee'mo i Musa posaihon-Ku hi beleyum, boli nu kolilimi mau ola pa' to sangkuka, da apaa na anu nu kahanda'i tionyo ahi' nu humpak.

YOSUA 11:12

Iwi-iwi' na kota haha aijo' pinatundu'mo i Yosua, ka' to tomu-tomundo'nyo i hakopmo ka' pinateanmo susumo anu pinalentahkonmo i Musa posaihon nu Tumpu aijo'.

YOSUA 11:14

Iwi-iwi' na mian anu jojoong i kota haha aijo' pinateanmo; mau pe'e ola samian madi'mo daagi' ko anu pinotumuu'. Panyo iwi-iwi' na balangnyo anu mahan na olinyo ka' potuu'on nu aha ingalamo nu aha mian Israel tinimbalimo aha na tumpunyo.

YOSUA 11:16

I Yosua nompatundu'mo songko-songko na lipu' aijo' – da'erah anu aita' i bungkutnyo da'erah i tengke nu bungkutnyo, mau anu i sasu utara, mau anu i selatan; ka' mule' suele songko-songko na da'erah Gosyen ka' da'erah padang anu mateges sasu selatan Gosyen, ka' mule' bangka'nyo nu Yordan.

1 SAMUEL 15:11

“Aku nompele-pele'mo na nohangkat i Saul binau tomundo' kalana ia nohukumo aku ka' madi'mo nombau apaa na anu Ku palentahkon.” I Samuel nolibosmo hondo ka' sinusa'mo sinampahu na ia lewa' nompele-pele' hi Tumpu.