YOSUA 11:14 - KITAB NU TUMPU ALLA LELE MA'IMAI'

¹⁴ Iwi-iwi' na mian anu jojoong i kota haha aijo' pinateanmo; mau pe'e ola samian madi'mo daagi' ko anu pinotumuu'. Panyo iwi-iwi' na balangnyo anu mahan na olinyo ka' potuu'on nu aha ingalamo nu aha mian Israel tinimbalimo aha na tumpunyo.

YOSUA 11:14 ပူးပေါင်းရင်းမြစ်များ

2 TAWARIKH 20:25

Sahingga i Yosafat tiba to sulu-suludadunyo nambamo nompahuhuakon to bala-balang nu sampo bali'. Aha nohumpak manjoo' hondo na potu'on, talakonan, pakean, ka' to bala-balang sangga'at anu nahan na olinyo. Tinolunsinaamo na aha nontoluki balang haha aijo', panyo daagi' ahi' ko to bala-balang sangga'at anu ma'isa pinoko tolukan, sahingga pinala'ianmo nu aha.

NOMBILANGMO 31:9

Aha mian nu Israel nohakopmo ka' nomboamo to bou-boune ka' to ana-anak nu Midian, ka' nompahuhuakonmo iwi-iwi' na binatang ka' potuu'on, ka' kakaya'an nu aha iwi-iwi'.

PO'ULE' INGULIT 20:14

Panyo belemiu timbali mongala to bou-boune, to ana-anak, potuu'on ka' maumo apaa na anu daagi' i kota aijo'. Iwi-iwi' na halata' nu sampobali' miu aijo' timbali opake nu belemiu. Tumpu Allah nu belemiu nombee'mo aijo' hi belemiu.

PO'ULE' INGULIT 20:16

Panyo de kota aijo' i uno nu da'erah anu binee'mo nu Tumpu Allah nu belemiu hi belemiu, iwi-iwi' na anu jojoong ikiijo' tionyo ahi' opatei.

YOSUA 10:40

Songko-songko na lipu' haha aijo' pinatundu'mo i Yosua. Ia nompatundu'mo tomundo haha aijo' anu i da'erah nu bungkutnyo, i tengkenyo nu bungkutnyo haha aijo' i sasu kabete'an, i tengke nu bungkutnyo haha aijo' sasu kinsoban ka' songko-songko na padang sasu selatan. Mau pe'e ola samian madi'mo daagi' ko anu pinotumuu'; iwi-iwi' pinateanmo. Aijo' binau susumo anu pinalentahkonmo nu Tumpu, Tumpu Allah nu aha Israel.

YOSUA 11:13

Panyo iwi-iwi' na kota anu binau i tambulan nu abu' anu naipuan mae toho'mo pinapuan na kota'nyo, mau pe'e ola sa'angu' madi' pinapuan nu aha mian Israel, ola Hazor na posi Yosua na nompapui.

YOSUA 11:15

Iwi-iwi' na anu pinalentahkonmo nu Tumpu hi Musa, posaihon-Nyo, pinotokakonmo i Musa hi Yosua; mau pe'e ola sa'angu' madi' ko anu kinolilimannyo.

YOSUA 8:2

Ai ka' tomundo'nyo tionyo ahi' nu bau susumo beleyum nombaumo Yerikho ka' tomundo'nyo u'utu mae. Panyo uuka aiya to bala-balang nu aha ka' potuu'onnyo timbalimo o ala nu belemiu, belemiumo na tumpunyo. Paha potoukamo da mambamo montumbuhi kota aijo' opotolokengkeng lengkat mae i hikunyo nu kota aijo'.”

YOSUA 8:27

Potuu'on ka' to bala-balang anu i humpak i kota aijo' ingalamo nu aha mian Israel baumo anu nu aha, susumo anu pinoto'imo nu Tumpu hi Yosua.