YOSUA 10:6 - KITAB NU TUMPU ALLA LELE MA'IMAI'

⁶ Aha mian nu Gibeon nompolelemo lele aiya hi Yosua kiijo' i kemah nu aha i Gilgal, “Boli opojohok nu belento na kami ola sausa' Tuumangku! Lia-lia' toka mae montulungi kami, kalana suludadu lengkat mae hi tomundo nu aha Amori iwi-iwi' i da'erah anu i bungkutnyo nosa'angu'mo mongewa kami!”

YOSUA 10:6 ပူးပေါင်းရင်းမြစ်များ

2 TOMU-TOMUNDO' 4:24

Salatan pinokonanyomo na kasake'an i keledai aijo', pinoto'inyomo hi posaihonnyo, “Sabole-bole o polia' na kaledai aiya da ia mopadeka'; boli manyeeng de madi' ku poto'i…”

MAZMUR 125:2

Susumo to bungku-bungkutnyo nontiikubimo Yerusalem, sumo aijo'mo na Tumpu nonjagai mian anu palesayamo hi Ia, uuka aiya sampe toka sidu-sidutu'.

YESAYA 33:22

Iwi-iwi' na palasadia'an nu aha kiijo' ikapan madi' kogunanyo; sinin na kadutnyo madi' opoko ala obokakon! Iwi-iwi' na kakaya'an nu suludadu anu monsampobali' kita opahuhuakontomo ka' manjoo' hondo na anu ohumpakto, sahingga mau mian anu kapi' mohumpak ahi' bagian. Tumpumo na timbali tomundo'to; Iamo na mompalentah, montoongi atulan hondo-hondo ka' momposalamatmo kita da madi' nu poposia nu anu monsampobali'mae kita.

NOMBILANGMO 13:29

Mian nu Amalek jojoong sasu selatan i lipu' aijo'; mian nu Het, mian nu Yebus ka' Amori jojoong i da'erah puge'nyo; panyo mian nu Kana'an monjojoongi da'erah anu montuus ambai ka' montuusakon Kaunyo nu Yordan.”

LUKAS 1:39

Lia-lia' ilapas aijo', i Maria namba i sa'angu' na kota i Yudea, i da'erah bungkutnyo.

PO'ULE' INGULIT 1:15

Saba' aitu i totonga polaya'-polaya anu pinela'an miu topia-piangkuka na anu pande ka ku ala ka ku hangkat da bau kapala miu. Topia-piangkuka obau kapala anu samadala, sagaat anu saatu na mian, anu limampulu na mian, ka' sampulu na mian. Aku suele mohangkat kapala-kapala sanggaat da mengatun bansa-bansa.

YOSUA 10:5

Sahingga aha olima' na tomundo nu Amori aijo', aijo'mo tomundo nu Yerusalem, Hebron, Yarmut, Lakhis ka' Eglon nosa'angu'mo lantas iwi-iwi' na suludadu nu aha nontikumo ka' nontumbuhimo Gibeon.

YOSUA 10:7

Lantas i Yosua ka' suludadunyo iwi-iwi' tiba gombuan nu suludadunyo anu pande mahampate, nambamo lengkat mae i Gilgal da mambamo mahampate.

YOSUA 5:10

Hau-haunyo aha binakemahmo i hatanyo nu Gilgal madi'mo majo'on lengkat i Yerikho, aha mian nu Israel nolame'akonmo Paskah mamalom tanggal sampulu' ka' opat i bitu'on aijo'.

YOSUA 9:15

I Yosua nombaumo palajanjian da mobela'mo tiba mian nu Gibeon haha aijo', ka' nojanji'mo madi'mo daagi' mompatei aha. To pola-polaya' nu aha mian Israel suele binasumpa'mo da boli okolilimi na palajanjian aijo'.

YOSUA 9:6

Sumo aijo' na balu-balu'nyo nu aha namba nompaha pia i Yosua i kemahnyo kiijo' mae i Gilgal, lantas motatae hi ia ka' hi aha mian nu Israel, “Kami lengkat mae i lipu' anu majo'on hondo ko kahanda' da mombau palajanjian tiba to Tutuuma.”

YOSUA 9:8

Aha notatae, “Kami sanang na kinyonyoa mombau maumo pa' apaa na anu opalentahkon nu to Tutuuma.” “Belemiu aiya ihe? Ka' lengkat mae i lipu' apaa?” pinokilawa hi aha.