YOSUA 10:41 - KITAB NU TUMPU ALLA LELE MA'IMAI'

⁴¹ I Yosua nohungku'imo da'erah haha aijo' lengkat mae i Kades-Banea sasu selatan toka-toka i Gaza koko da'erah sonibi nu ambai tibamo da'erah Gosyen songko-songko toka-toka i Gibeon sasu utara.

YOSUA 10:41 ပူးပေါင်းရင်းမြစ်များ

KAJADIAN 10:19

sahingga potempasan nu lipu' nu aha ingewamo lengkat i Sidon namba i Selatan lau-laus nokiijo' i Gerar, tinoka-toka koko Gaza, ka' namba sasu i kabete'an lau-laus nokiijo' i Sodom, Gomora, Adma ka' Zeboim, tinoka-toka koko Lasa.

1 TOMU-TOMUNDO' 3:5

Pihi-pihi aitu Tumpu nanintoamo mule' hi ia i uno nu ipion ka' notatae, “O Salomo, poita mae pa'apa na anu nu ka'ima'i, aijo' da Ku bee'mo hi beleyum!”

ZAKHARIA 9:5

Nu toaje nu kota' Askelon tiba Gaza ka' mabuhukje. Ekron suele montoaje ka' madi'mo ko anu nu taha'imani. Gaza saidi' mae madi'mo ko tomundo'nyo, ka' mule' Askelon liingmo kalana madi'mo ko miannyo.

NOMBILANGMO 13:26

ka' nompoto'imo hi Musa, hi Harun ka' hi iwi-iwi' na aha mian nu Israel anu hau-haunyo sinihukmo kiijo' i Kades, i padang bola Paran. Aha monsisikmo apaa na anu tinoamo mae nu aha ka' nompotoamo bua-bua' nu sosu'anon haha aijo' anu binoa mae nu aha.

NOMBILANGMO 32:8

To tutuuma nu belemiu suele nombaumo sumo aijo' tempo'nyo aku nonsaimo aha lengkat mae i Kades-Barnea da mamba montoa pa' mosia na lipu' aijo'.

NOMBILANGMO 34:4

obioho'akon sasu selatan mompatui Jalan Akrabim ka' lau-lausmo toka-toka i Zin, toka-toka i Kades-Barnea sasu selatan. Lengkat ikiijo' obioho'akon sasu kinsoban bahagian ambai toka i Hasar-Adar, ka' lau-lausmo toka-toka i Azmon.

SISIKON NU TO RASUL-RASUL 8:26

Samian na Malaikat nu Tumpu notatae hi Filipus, “Donganmo mamba! Lako'mo mokiijo' i sasu Selatan i jalan anu lengkat mae i Yerusalem mokiijo' i Gaza.” Jalan aijo' liing.

PO'ULE' INGULIT 1:19

“Salatan susumo anu pinalentakon Tumpu Allahnto kita nompala'i Bungkut nu Sinai ka i lumajang non tulu padang bola anu ewa ka'okabuhuk mokijo da'erah bungkut nu mian Amori.

PO'ULE' INGULIT 2:23

Tano' anu montuus biwi nu Ambai anu Totonga'nyo jinojoonganmo nu aha mian anu nolengkat mae i togong Kreta. Aha nompateimo mian nu Awi tumpu nu tano' aijo', lantas nonjojoongi da'erah aijo' toka-toka mokiijo' i sasu selatan na kojo'onnyo sampe tinoka i kota Gaza.)

PO'ULE' INGULIT 9:23

Lantas tempo'nyo belemiu sinaimo nu Tumpu nompala'i Kades-Barnea da mambamo ka' monjojoongi tano' anu Nu bee'mo hi belemiu, belemiu madi' mohongo-hongo Tumpu Allah nu belemiu; belemiu madi' mongka'oho' palesaya kabai tulu-tulutan hi Ia.

YOSUA 10:12

I sinaa aijo' salatan Tumpu nombee'imo ka'untungan nahampate hi aha mian nu Israel nongewa aha mian nu Amori, i Yosua notataemo hi Tumpu. Ka' i ahop nu aha mian nu Israel, i Yosua notataemo, “O batu nu sinaa! Sainjoongmo aita' i buan nu Gibeon. Ka' beleyum bituon! Bolimo molalin mompala'i Bangka'nyo nu Ayalon.”

YOSUA 10:2

Mian anu jojoong i Yerusalem nabuhukmo hondo, kalana Gibeon sa'angu' na kota anu daka'; kodaka'nyo pokakanamo susumo kota-kota anu ko tomundo'nyo ka' lebe daka' molingkudui Ai. To mia-miannyo mule' manjoo na suludadunyo anu pande na mahampate.

YOSUA 11:16

I Yosua nompatundu'mo songko-songko na lipu' aijo' – da'erah anu aita' i bungkutnyo da'erah i tengke nu bungkutnyo, mau anu i sasu utara, mau anu i selatan; ka' mule' suele songko-songko na da'erah Gosyen ka' da'erah padang anu mateges sasu selatan Gosyen, ka' mule' bangka'nyo nu Yordan.

YOSUA 11:22

Mau pe'e ola samian na bansa Enak aijo' madi'mo daagi' ko anu tinontuha i da'erah Israel, ola kiijo' i Gaza, Gad ka' Asdod na daagi'.

TO MIA-MIAN KOPIAN 16:1

Daagi' kinosansinaan i Simson nambamo i Gaza. Ikiijo' mae ia siningkabotmo tiba samian na boune anu saja' masala' lantas ia nambamo nale' tiba boune aijo'.

TO MIA-MIAN KOPIAN 16:21

Sahingga ia i hakopmo nu to mia-mian Filistin ka' kinubatakonmo nu aha na matanyo. Binoamo nu aha na ia i Gaza, ka' pinungumo na ia nu lante' tambaga ohua', ka' pinosoopmo i talungku'. Ikiijo' mae i binee'anmo kalaja monggiling.

1 SAMUEL 6:17

Sumo aijo' na aha mian nu Filistin nompakatumo hi Tumpu anu osombahkon da bau pontokong dosa' nu mian anu jojoong i kota anu nu palentah nu tomundo' aha olima' aijo'. Kota haha aijo'; aijo'mo: Asdod, Gaza, Askelon, Gad, tiba Ekron. Daagi ko anu ko bentengnyo, daagi ko anu madi' ko bentengnyo. Toto sa'angu' na kota haha aijo' nompakatu sa'angu' na mosoni' susumo bisun tiba sa'angu' na mosoni' anu susumo bokoti' na binau. Sa'angu' na tanda saba' memang totu'u na han aijo', batu daka-daka' anu pinompotimpasan nu aha Peti' Palajanjian nu Tumpu. Sampe sinaa uuka aiya batu aijo' daagi kiijo' hi ale' i Yosua mian nu aha Bet-Semes.