YOSUA 10:40 - KITAB NU TUMPU ALLA LELE MA'IMAI'

⁴⁰ Songko-songko na lipu' haha aijo' pinatundu'mo i Yosua. Ia nompatundu'mo tomundo haha aijo' anu i da'erah nu bungkutnyo, i tengkenyo nu bungkutnyo haha aijo' i sasu kabete'an, i tengke nu bungkutnyo haha aijo' sasu kinsoban ka' songko-songko na padang sasu selatan. Mau pe'e ola samian madi'mo daagi' ko anu pinotumuu'; iwi-iwi' pinateanmo. Aijo' binau susumo anu pinalentahkonmo nu Tumpu, Tumpu Allah nu aha Israel.

YOSUA 10:40 ပူးပေါင်းရင်းမြစ်များ

1 TOMU-TOMUNDO' 15:29

Madi' pinin salatan i Baesa tinimbalimo tomundo', pinateannyomo iwi-iwi' na aha salaigan i Yerobeam. Susumo koonyo nu Tumpu anu pinoto'i-Nyomo hi posaihonnyo i Nabi Ahia mian nu Silo, jadi aha iwi-iwi' salaigan i Yerobeam pinateanmo, madi' ko anu samian na pinotumuu'.

NEHEMIA 9:24

Lee' nu aha nompatundu'mo tano' Kana'an; Mian anu jojoong ikiijo' pinatundu'mo nu belento. Mian anu palesayamo hi Belento binee'anmo nu Belento kuasa da mombau maumo pa' apaa. Kona hi aha bansa Kana'an ka' mule' hi aha to tomu-tomundo' nu aha.

MAZMUR 9:17

Tumpu nompotoamo butong-Nyo kalana kaputusan-Nyo anu adin hondo. Mian anu ma'idek na kinyonyoanyo nohumpakmo hukuman sinaduakonmo nu anu pinosi baunyomo.

NOSABATMO 34:12

Boli mombau palajanjian tiba to mia-mian i lipu' anu olambani miu, kalana han aijo' timbalimo monsaduakon sahingga belemiu mohumpak kasilakaan.

NOMBILANGMO 13:17

Salatan i Musa nonsaimo aha da mambamo, pinoto'inyomo hi aha, “Lako' lajang mokiijo' sasu utara, mompatui sasu selatan lipu' nu Kana'an, lantas lau-lausmo i da'erah anu i puge'nyo.

PO'ULE' INGULIT 1:7

Uuka mo kijo i da'erah titikup aitumo Bangka'nyo nu Yordan da'erah nu sa bungku-bungkut ka' bangka'nyo da'erah sasu salaitan ka' bangka'nyo da'erah sasu salaitan ka' sonibi nu Ambai Totonga. Lako'mo jojong i tano nu Kanaan ka' bungkutnyo nu Libanon toka-toka kaunyo daka Efrat

PO'ULE' INGULIT 2:34

Tempo'nyo aitu mule' kita nongalamo ka' nongideimo toto sa'angu' na kota, ka' nompateimo iwi-iwi' na miannyo, to momo'ane tiba to bou-boune tiba to ana-anak. Madi' ko anu pinobee' tumuu'!

PO'ULE' INGULIT 7:24

Ia mombee'mo tomundo nu aha haha aijo' hi belemiu. Opateimo nu belemiu na aha, ka' sanggo nu aha okolilimimo nu belemiu. Samian pe'e madi' moko ala mongewa mongahopi belemiu,

YOSUA 10:35

I sinaa aijo' mule' aha nompatundu'mo Eglon ka' nompateimo miannyo iwi-iwi' anu ikiijo' susumo pinombau nu aha Lakhis.

YOSUA 10:37

ka' nompatundu'mo kota aijo'. Tomundo'nyo ka' batu-batu mian i kota aijo' ka' i kota-kota sangga'at anu mompaha ohani kiijo' iwi-iwi' pinateanmo. Ingidean i Yosua iwi-iwi' na kota aijo' susumo pinombaunyomo kota Eglon. Mau pe'e ola samian anu ikiijo' madi'mo daagi' ko anu pinotumuu'.

YOSUA 10:39

Kota aijo' tiba tomundo'nyo tiba iwi-iwi' na kota sangga'at anu mompaha ohani ikiijo' pinatundu'mo i Yosua. Iwi-iwi' na mian anu ikiijo' pinateanmo. I Yosua nombau Debir ka' tomundo'nyo sumomo ia nombau Hebron tiba Libna ka' tomundo'nyo.

YOSUA 11:16

I Yosua nompatundu'mo songko-songko na lipu' aijo' – da'erah anu aita' i bungkutnyo da'erah i tengke nu bungkutnyo, mau anu i sasu utara, mau anu i selatan; ka' mule' suele songko-songko na da'erah Gosyen ka' da'erah padang anu mateges sasu selatan Gosyen, ka' mule' bangka'nyo nu Yordan.

YOSUA 12:8

Da'erah aijo' monsangkup da'erah nu bungkutnyo, da'erah tengkenyo nu bungkutnyo sasu kinsoban, Bangka'nyo nu Yordan tibamo da'erahnyo i tengke nu bungkutnyo, da'erah anu i sohipi' nu bungkutnyo sasu kabete'an, ka' da'erah padang bola sasu selatan. Da'erah haha aijo', aijo'mo na da'erah anu toho'mo kinajojoongan nu bansa Het, Amori, Kana'an, Feris, Hewi ka' Yebus.

YOSUA 18:21

Kota-kota anu nu to utu-utus tulunan mae nu bansa Benyamin iwi-iwi' sampulu' ka' ohua' na kota tibamo kampu-kampung anu kiijo' i da'erahnyo aijo'mo: Yerikho, Bet-Hogla, Emek-Kezis, Bet-Araba, Zemaraim, Betel, Haawim, Para, Kefar-Haamonai, Ofni tiba Geba.

YOSUA 6:17

Iwi-iwi' na kota ka' isinyo mule' iwi-iwi' tionyo ahi' ohopu'i ingko-ingkot salaku bau palasombahan hi Tumpu. Ola i Rahab, boune anu lewa' masala' aijo' tiba to utu-utusnyo ka' aha sambonua na opotumuu' kalana ia nontulungimo anu sinainto nondoyoni.

YOSUA 8:2

Ai ka' tomundo'nyo tionyo ahi' nu bau susumo beleyum nombaumo Yerikho ka' tomundo'nyo u'utu mae. Panyo uuka aiya to bala-balang nu aha ka' potuu'onnyo timbalimo o ala nu belemiu, belemiumo na tumpunyo. Paha potoukamo da mambamo montumbuhi kota aijo' opotolokengkeng lengkat mae i hikunyo nu kota aijo'.”

YOSUA 8:27

Potuu'on ka' to bala-balang anu i humpak i kota aijo' ingalamo nu aha mian Israel baumo anu nu aha, susumo anu pinoto'imo nu Tumpu hi Yosua.

YOSUA 9:24

Tinaaman nu aha, “Obaumo mami susumo itina' kalana ihongomo mami na Tumpu Allah anu osombah nu belento Tuumangku aijo' nompokaumo i Musa, posaihon-Nyo aijo', mombee'mo hi belento Tuumangku songko-songko na lipu' aiya ka' mompateimo iwi-iwi' na anu jojoong ikiijo' de belento Tuumangku mongalamo tano' aijo'. Mabuhuk na kami de saidi' mae kami opateimo, mokonyo aijo' obaumo mami na iwi-iwi' itina'.