YOSUA 10:18 - KITAB NU TUMPU ALLA LELE MA'IMAI'

¹⁸ “Lingginakon mokiijo' na batu anu toto daka-baka' i sabatan nu liang aijo', ka' pojoong na anu monjagai ikiijo',” na koonyo i Yosua,

YOSUA 10:18 ပူးပေါင်းရင်းမြစ်များ

AYUB 21:30

Koonyo nu aha, “De tokamo na tempo'nyo Tumpu Allah mombee'imo hukuman, to mia-mian anu ma'idek na kinyonyoanyo oposalamatmo.”

AMOS 5:19

Ka'ada'annyo sumo mian anu mompalaiakon butong da madi' singkabot singa panyo mompahakabotmo ahi' tiba beruang. Kabai susumo mian ninsusule'mo i laigan limanyo nintoong i pagan mesen, lantas sina'umo nu ulo!

AMOS 9:1

Aku nontoa Tumpu tinuminjo koko mezbah. Ia nombee'i palentah aiya, “Santib hoso-hoson na puusnyo nu ohi' nu Laigan-Ku da gandalia iwi-iwi' tolohunjong. Tua'akon na to ohi haha aijo' i ubak nu mian haha aijo'. Aha anu madi' silaka Ku pateije i uno nu pahampatean. Madi' ko samian pe'e na noko palaiakon butong, madi' ko samian pe'e na moko ala mopalai.

MATIUS 27:66

Lantas aha namba i kubulan, nonsegen batu pontumbannyo ka' nompojoong anu monjagai i ahopnyo, da boli ko anu mohenggo kubulan aijo'.

YOSUA 10:17

Tinoa nu mian na aha, ka' sinisikmo nu aha na tampat pinatisulukan nu aha hi Yosua.

YOSUA 10:19

“Panyo belemiu boli ola toka ikiijo'. Sabole-bole ololoi' ka' otumbuhi lengkat mae i hiku; boli opobee' na aha minsoop i kota-kota nu aha! Tumpu Allah nu belemiu nombee'mo ka'untungan mahampate hi belemiu mompatundu' aha.”

YOSUA 10:22

Lapas aijo' i Yosua notataemo, “Uuka aiya bukaimo na sabatan nu liang aijo' ka' boa mae na tomundo anu aha olima' itina'.”