YOSUA 10:13 - KITAB NU TUMPU ALLA LELE MA'IMAI'

¹³ Sahingga batu nu sinaa madi'mo nodensu' ka' bitu'on madi'mo nolalin sampe aha mian nu Israel lapasmo na nompatundu' sampobali'nyo iwi-iwi'. Anu jinadimo aiya tinulis i Kitab Yasir. Sinansinaa hondo-hondo na batu nu sinaa madi' nodensu' itotonga' nu Langit ka' pinin hondo nakakinsapje.

YOSUA 10:13 ပူးပေါင်းရင်းမြစ်များ

2 SAMUEL 1:18

ka' pinalentahkonnyomo da nyanyian aiya opotinganakon hi aha tulunan nu bansa Yehuda (Nyanyian aiya tinulis i Kitab Yasar).

2 TOMU-TOMUNDO' 20:10

I Hizkian notataemo, “De mombau lolung aijo' mideden su' mokiijo' 10 na gohitnyo na dengke ahi'. Kalana aijo' baumo, tolo ule' mo'uuka mae 10 na gohitnyo.”

ESTER 8:13

Sulat palentah aijo', tionyo ahi' obaumo ka' salakumo ahi' bau atulan ka' obebakonmo i songko-songko Propinsi da aha bansa Yahudi mogogau'mo ahi' mongewa sampobali' nu aha de tokamo i sinaanyo.

AYUB 9:7

Tumpu Allah timbali montewa' batu nu sinaa bete' daagi' subu, ka' madi' mompobee' to manda-mandala' majingka pihi.

MAZMUR 148:3

Opuji' na Ia, o batu nu sinaa ka' bitu'on, opuji' na Ia, o to manda-mandala' anu lewa'jongkilaban.

MAZMUR 19:4

Madi' ko anu binasisik kabai notatae, madi' ko potatae anu i hongo.

YESAYA 24:23

Bitu'on pikatmo, ka' mule' batu nu sinaa madi'mo majingka, kalana Tumpu Anu Daka' na Kuasanyo mompalentahmo salaku tomundo'. Ia mompalentahmo i Yerusalem aita' mae i Puge'nyo nu Sion ka' mompotoamo katalasanggoan-Nyo hi to pola-polaya' nu aha mian anu palesayamo hi Ia.

YESAYA 38:8

Ipontoan jam anu ola montoa lolung nu batu nu sinaa bibinau i Tomundo' Ahas, Tumpu mombauje lolungnyo mundun sampulu' na galis”. Sahingga imundunmo na lolung aijo' sampulu' na galis.

YOËL 2:10

Hau-haunyo aha mongahopimo tano' i lakatnyomo, ka' langit suele ilakatnyomo. Lantas pinikatmo na batu nu sinaa ka' bitu'on ka' jingka nu to manda-mandala' i madi'mo.

YOËL 2:31

Batu nu sinaa tinimbalimo pinikat ka' bitu'on timbalimo momea' susumo baso'. Iwi-iwi' aijo' jadimo saidi' mae ma'isa pe'e Sinaa nu Tumpu toka mae, sinaa anu talalo ahi' ma'idek ka' okabuhuk!

YOËL 3:15

Batu nu sinaa tiba bitu'on pikatmo, ka' mule' to manda-mandala' madi'mo daagi majingka.”

HABAKUK 3:11

Sahaya nu hihis nu pana' nu Belento malia' hondo; talombo' nu Belento jongkilaban hondo, sahingga batu nu sinaa tiba bitu'on binelentimo i tampatnyo.

NOMBILANGMO 21:14

Aijo' na sababnyo i Kitab anu nonsisikakon Pahampatean nu Tumpu tinulis: “… Kampung Waheb, i da'erah Sufa ka' i bangka'nyo haha aijo'; Kaunyo nu Arnon,

NOMBILANGMO 31:2

“Balosakonmo na mian nu Midian kalana aha nombaumo apa-apaa hi bansa Israel. Lapas aijo' beleyum silakamo.”

MATIUS 24:29

“Madi' pin salatan kasusa'an aijo' lapasmo, batu nu sinaa pinikatmo, ka' bitu'on madi'mo ko sahayanyo. To manda-mandala' nanabu'mo lengkat mae i langit, ka' anu mongkuasai langa kalangkabutmo.

MATIUS 5:45

da komiu timbali to ana-anak nu Tuumaum i suluga'. Kalana Tumpu mompobete' batu nu sinaa bau bagi nu mian anu ma'ima' ka' bagi nu mian anu ma'idek. Ia mombee'i ujan hi mian anu mombau ima', ka' hi mian anu mombau idek suele.

LUKAS 18:7

Yo, te Tumpu madi' montinjohi palakala nu mian anu palesayamo hi Ia, anu momoita tulung hi Ia sinaa ka' malom? Te Ia montunda-tunda tempo' na montulungi aha?

SISIKON NU TO RASUL-RASUL 2:20

Batu nu sinaa timbali pikat, bitu'on timbali momea' sumo baso' ma'isa pe'e Sinaa nu Tumpu toka, sinaa daka' ka' anu talalo opopodaka' aijo' na toka.

YOSUA 10:11

Tempo'nyo aha mian nu Amori nokaiyongmo i tengke nu bungkutnyo aijo' kalana nopalaimo da boli nukabot nu aha suludadu nu Israel, Tumpu nontudunakonmo mae ujan eis anu toto daka-daka' lengkat mae i langit nongkona aha tutuus jalan kojo'onnyo tinoka-toka i Azeka. Anu sinilaka kinona nu ujan eis aijo' lebe manjoo' molingkudui anu pinatean nu aha mian nu Israel.

YOSUA 10:14

Madi' toho' jinadi' ka' mule' madi'mo daagi' jadi na sinaa susumo aijo', aijo'mo Tumpu nombatukimo pongka'oho' nu manusia. Tumpu nahampatemo nonsangalui Israel.

ANU PINOTO'I HI YOHANES 21:23

Kota aijo' madi' palalu nujingkai nu batu nu sinaa kabai bitu'on, kalana katalasanggoan nu Tumpu na monjingkai, ka' Anak nu Domba aijo', atina'mo na sulu'nyo.

ANU PINOTO'I HI YOHANES 6:10

Aha noloboo' daka-daka', “O Tumpu Anu Matangkas na kuasanyo, anu Susi' ka' totu'u! Daagi' hipian na kopinnyo lantas Beleyum momputusimo anu jojoong i dunia ka' mohukummo aha kalana nompateimo kami?”

ANU PINOTO'I HI YOHANES 6:12

Lantas aku nontoa Anak nu Domba aijo' nombeak segen ko anomnyo. Sahingga jinadimo na luulu' anu daka' hondo ka' okabuhuk. Sinaa tinimbalimo no'itom sumo hude mo'itom anu makahakas, ka' bitu'on tinimbalimo nomea' sumo baso'.

ANU PINOTO'I HI YOHANES 8:12

Lantas malaikat ko opatnyo nompuuhimo tolompetnyo. Sahingga o bagi totolu' na batu nu sinaa sambahagian na madi'mo najingka, bitu'on o bagi totolu', sambahagian na madi'mo najingka, ka' to manda-mandala' o bagi totolu' sambahagian na madi'mo najingka sahingga aha anu pinaha bagimo totolu' sambahagian na madi'mo ko jingkanyo. Sumo aitu mule' o bagi totolu' na sinaa, sambahagian na anu madi'mo majingka, ka' sumo aitu mule' o bagi totolu' na pihi sambahagian na madi'mo pinihi.

TO MIA-MIAN KOPIAN 16:28

Tempo'nyo aitu i Simson binalado'amo; ia notatae, “O, Tumpu Anu Matangkas na Kuasa-Nyo, inau'akon pe'e mae nu Belento na aku. Po'ule' pe'e mae bee'i kahosonan ola minsan o Tumpu Allah, da tiba jalan sumo aijo' timbali ku balosi na mian nu Filistin anu nongkubetakonmo ohu-ohua' na batu nu matangku.”

TO MIA-MIAN KOPIAN 5:2

Opuji' na Tumpu kalana suludadu iwi-iwi' nu aha mian Israel mongka'oho'mo mahampate, ka' mian da'isan suele mongka'oho'mo mamba mahampate.