YOSUA 10:12 - KITAB NU TUMPU ALLA LELE MA'IMAI'

¹² I sinaa aijo' salatan Tumpu nombee'imo ka'untungan nahampate hi aha mian nu Israel nongewa aha mian nu Amori, i Yosua notataemo hi Tumpu. Ka' i ahop nu aha mian nu Israel, i Yosua notataemo, “O batu nu sinaa! Sainjoongmo aita' i buan nu Gibeon. Ka' beleyum bituon! Bolimo molalin mompala'i Bangka'nyo nu Ayalon.”

YOSUA 10:12 ပူးပေါင်းရင်းမြစ်များ

2 SAMUEL 2:12

Daagi kino sansinaan i Abner lengkat mae i Mahanaim namba nokiijo' i kota Gibeon, sinangaluan nu suludadu i Isyboset.

2 TOMU-TOMUNDO' 20:10

I Hizkian notataemo, “De mombau lolung aijo' mideden su' mokiijo' 10 na gohitnyo na dengke ahi'. Kalana aijo' baumo, tolo ule' mo'uuka mae 10 na gohitnyo.”

2 TOMU-TOMUNDO' 20:11

I Yesaya binalado'amo hi Tumpu, lantas binaumo nu Tumpu na lolung aijo' tolosule' mo'uuka mae 10 na gohitnyo i lolung nu batu nu sinaa anu pontoaan jam.

2 TOMU-TOMUNDO' 20:9

Tinaaman i Yesaya, “Tumpu mombee'ije bau pontandaian hi belento Tomundo' da osumbu' taalu' Ia mongganapi ahi' apaa na anu jinanji'-Nyomo. Jadi iya na oka'ima'i nu belento Tomundo'; lolung nu batu nu sinaa na pontoan jam, anu binaumo i Tomundo' Ahas midedensu' mokiijo' 10 na gohitnyo kabai tolosule' mae mo'uuka 10 na gohitnyo?”

1 TAWARIKH 8:13

I Beria tiba i Sema aijo' na tu'a-tu'anyo nu aha auwan anu jojoong i kota' Ayalon ka' nolaa'mo tumpu nu lipu' anu jojoong i kota' Gad.

2 TAWARIKH 11:10

Zora, Ayalon ka' Hebron.

AYUB 9:7

Tumpu Allah timbali montewa' batu nu sinaa bete' daagi' subu, ka' madi' mompobee' to manda-mandala' majingka pihi.

MAZMUR 148:3

Opuji' na Ia, o batu nu sinaa ka' bitu'on, opuji' na Ia, o to manda-mandala' anu lewa'jongkilaban.

MAZMUR 19:4

Madi' ko anu binasisik kabai notatae, madi' ko potatae anu i hongo.

MAZMUR 74:16

Belentomo na nompotimbali sinaa tiba pihi, ka' nontantukanmo tampat nu batu nu sinaa ka' bitu'on.

YESAYA 28:21

Tumpu totinjomo mae susumo i Bungkutnyo nu Perazim. Ia mahampatemo susumo i Bangka'nyo nu Gibeon kalana mompojadimo anu kinahanda'an-Nyomo, kahanda'anu madi' minsoop ipikilan nu manusia! Ia mopojadimo kalaja-Nyo anu mompobangang hondo.

YESAYA 38:8

Ipontoan jam anu ola montoa lolung nu batu nu sinaa bibinau i Tomundo' Ahas, Tumpu mombauje lolungnyo mundun sampulu' na galis”. Sahingga imundunmo na lolung aijo' sampulu' na galis.

YESAYA 60:20

Hi beleyum daagi'mo ko batu nu sinaa anu madi'mo toho' makakinsap, ka' mule' bitu'on anu madi'mo toho' mopoho'. Kalana Aku Tumpu na timbalimo jingka hi beleyum sampe toka sidu-sidutu'. Sola'susa' kalana koanumo sinilaka imadi'anmo.

YEREMIA 28:1

I taunmo aijo' kakona ibitu'on kino olima'nyomo ka' mule' itaun kino opatnyomo na i Tomundo' Zedekia nompalentah, i Hananya anak i Azur te nabi anu lengkat mae i kota' Gibeon notataemo mae hi belengku i uno nu Laigan nu Tumpu. I ahop nu to ima-imam tiba mian da'isan ia nontaloakonmo mae hi belengku,

AMOS 2:9

Maumo sumo aijo', belemiu mian-Ku anu palesayamo, kalana belemiu sahingga Aku nohopu'imo mian nu Amori anu toto tangka'-tangkas susumo kau' cemara ka' mokuut susumo kau' terpentin.

AMOS 8:9

De tokamo na tempo'nyo. Ku bauje na batu nu sinaa sonsu-sonsu'un ia makakinsapmo ka' dunia timbalimo pikat padahan sonsu'un na sinaa. Aku na Tumpu Anu Matangkas na Kuasanyo anu notataemo.

HABAKUK 2:20

Tumpu kiijo' i uno nu Laigan-Nyo anu susi'; tionyo ahi' iwi-iwi' na mian i dunia aiya boli manjoo' na katalangan i ahop-Nyo.

HABAKUK 3:11

Sahaya nu hihis nu pana' nu Belento malia' hondo; talombo' nu Belento jongkilaban hondo, sahingga batu nu sinaa tiba bitu'on binelentimo i tampatnyo.

ZAKHARIA 2:13

Pomohokotmo na belemiu iwi-iwi' i ahop nu Tumpu! Kalana Ia mambamo mae lengkat i tampat kajojoongan-Nyo kiita i suluga'.

PO'ULE' INGULIT 17:3

tiba palentah-Nyo kalana nonsombahmo ka' pinalesayamo hi to pilo-pilogot sangga'at kabai hi batu nu sinaa, bitu'on kabai to manda-mandala',

PO'ULE' INGULIT 4:19

Boli baladosa' kalana monsombah ka' palesayamo hi apaa na anu otoa nu belemiu i langit: batu nu sinaa, bitu'on ka' to manda-mandala'. Tumpu Allah nu belemiu nompojohokmo bansa haha aijo' sangga'at monsombah balang haha aijo'.

YOSUA 10:13

Sahingga batu nu sinaa madi'mo nodensu' ka' bitu'on madi'mo nolalin sampe aha mian nu Israel lapasmo na nompatundu' sampobali'nyo iwi-iwi'. Anu jinadimo aiya tinulis i Kitab Yasir. Sinansinaa hondo-hondo na batu nu sinaa madi' nodensu' itotonga' nu Langit ka' pinin hondo nakakinsapje.

YOSUA 19:42

Saalbin, Ayalon, Yitla,

TO MIA-MIAN KOPIAN 12:12

Lapas aijo' ia sinilakamo ka' i lamunmo i Ayalon i da'erah nu Zebulon.

TO MIA-MIAN KOPIAN 5:20

to manda-mandala' suele nahampatemo nongewa Sisera, lengkat mae aita' i langa.

1 SAMUEL 12:18

Lantas binalado'amo na i Samuel ka' i sinaamo aijo' na Tumpu nontudunakon mae gohung tiba ujan. Iwi-iwi' na bansa aijo' nabuhukmo hi Tumpu ka' hi Samuel.

1 SAMUEL 14:31

I sinaa aijo' aha mian nu Israel nompatundu'mo mian nu Filistin salatan nahampatemo nontuusakon jalan lengkat mae i Mikhmas tinoka-toka i Ayalon. Panyo i lapas aijo' aha nalawemo hondo.